الحكومة عارفة أن الشعب طماع والناس ما يملاش عينيها إلا التراب، وإذا كان المواطن ذكي فالحكومة عفريت، ولو فاكر نفسه حدق فالحكومة بلوة مسّيحَة، وكل واحد له حق ياخذه وعليه بوسة، علشان كدة عملت كروت ذكية لكل حاجة.. كارت العيش تحطه في المكنة يطلعلك 3 أرغفة من أبوشلن، الرغيف الواحد يسد عين الشمس، ومش مشكلة فيه غموس ولا مفيش المهم كل واحد ياخد نصيبه، وكارت البنزين تدخله ينّزل 5 لتر يعني يا دوبك تقف بيهم في إشارة، واللي مش عاجبه يركن العربية وياخد تاكسي.. وكارت البوتاجاز يطلعلك أنبوبة ونص ومتسألش حتاخد نص أنبوبة إزاي لأن الحكومة نفسها مش عارفة.. يعني كل واحد ياخد حقه بالأصول وعلي عينك يا حكومة!