مرتبي الغالي.. نورعيني أنيس وحدتي حبيب مراتي.. مشتاق لجنيهاتك مشتاقلك مشتاق وأنا لسه قابضك وفي سوق الخضار يا حبيبي ومن قدام الجزار بكتبلك .. لالا عصفور بطني اللي بيكتبلك هو اللي بيبعتلك.. الجوع صحاه والشوق خلاه يكتبلك.. يكتبلك ع إللي بقاله كتير كتير مداريه يوصفلك جوعه وزهده وشوق لياليه.. مش قادر علي سعر اللحمة أبدأ أبدا يا حبيبي..ولا عارف إيه طعم الجبنة أبدا أبدا يا حبيبي..أنا عايزك عايزك علي طول يا حبيبي.. شبعت طعمية وفول يا حبيبي.. أنا عايزك أنا عايزك جنبي تسقيني كوكاكولا وبيبسي ولا نعرف بكره من امبارح ولا يهمنا رونالدو ولا ميسّي وختاما لك ألف سلام ومحبة وأشواق وغرام من جيب لا يهدأ ولا ينام جيب حبيبك!