حالة حوار

السيناريو الثاني بيقول ان ده نتيجة غازات دفيئة ناتج النشاطات البشرية متنوعة الدرجة والمستوي لنتجمع عند طبقة الاوزون وتتسبب في هذه الظاهرة انت منحاز الى اي تفسير غي دول
فاروق الباز: هما الاثنين صح ليه ازاي ان في تغيرات طبيعية على مدي طويل يعني مثلا على مدي الاف السنين بتحصل التغيرات دي في المناخ الارض نتيجة لمكان الارض بالنسبة للشمس والتغيرات اللي بتحصل على سطح الشمس وكذلك التغيرات اللي بتحصل في الارض نفسها التغيرات دي على مدي طويل احنا اللي عرفناه علميا الحقيقة الوحيدة اللي احنا عرفنها ان ثاني اكسيد الكربون بيزداد في الغلاف الجوي بعدين تفسير عندنا بيقول ايه في درجة الحرارة الناس اللي الناس قاسوا ازدياد الحرارة قالوا ان في فعلا ازدياد الحرارة في ال 50 سنة اللي فاتت وبعدين في العشر سنين اللي مضوا دول ال 10 سنين بس ثبتت درجة الحرارة دي معناها ان في قولان على معني ذلك ان احنا ليست هناك حقيقة بقول القصة دي هناك مشاهدات بتحاول نفسرها ان الكلام ده منقدرش نعمله نقول ان هو كلام نجزم به كانه حقيقة علمية هذه ظواهر علمية وتفسيرات ليست حقيقة علمية وبعد الحاجة الوحيدة اللي تخوفنا ان الثلج في الشمال والجنوب في الاقطاب ابتدي يسيح معناها ان درجة حرارة المياه بتزيد معناها انه يمكن درجة حرارة الارض بتزيد
د /عمرو عبد السميع : امتي يا دكتور فاروق لازم نخاف احنا عاوزين نخاف بقي ؟
فاروق الباز : لا احنا مش حكايه بس الخوف حكايه ان احنا لازم نفهم معناها ان احنا لازم نعمل احنا ابحاث يعني احنا مثلا بنقول درجة الحرارة على الارض بتزيد درجة ثاني اكسيد الكربون بتزيد يعني كمية ثاني اكسيد الكربون بتزيد في الجو طيب هل احنا في مصر قسنا ثاني اكسيد الكربون على زيادة ثاني اكسيد الكربون دي المفروض نقيسها على البحر المتوسط وفي وسط الدلتا لان النباتات نفسها بتمص شوية من ثاني اكسيد الكربون معناه هل في فرق كبير ونقيسها في القاهرة ونقيسها على ساحل البحر المتوسط وسوهاج وبعدين في السويس في الصحراء علشان نشارك العالم في الكلام عن ثاني اكسيد الكربون ده يجي بيزداد عندنا ازاي هما قسوةو وقالوا لنا بيزيد احنا لازم نقيس ولازم نعرف وبعدين لازم نشوف احنا بنقسها هل الزيادات اللي احنا شيفنها دي هل بتاثر على مستوي درجة الحرارة على وجه العموم احنا عندنا بنقيس درجة الحرارة في مصر في المواقع المختلفة طيب احنا هل عرفين ان ده له علاقة بده احنا ما بنقيسش ولا عرفين بالظبط ولا نشارك في الكلام العالمي هو ده
د /عمرو عبد السميع : الكلام العلمي العالمي بيجلنا من خلال بعض التقارير الدوليه اللي بتقول لنا ان درجة الحرارة هتزيد وهيرتفع منسوب البحار والمحيطات وان ده يؤثر على 33 مدينة في العالم و ان منسوب المياه هيرتفع ما بين 18 و 59 سم في خلال هذا القرن ويؤدي الى اغراق بعد السواحل والمناطق الواطئة او المنخفضة في مصر و بنجلاديش وفيتنام ايه حقيقة هذا الكلام قلنا قراءاتك للاقمار الصناعية ولصور الاقمار الصناعية بتقول ايه ؟
فاروق الباز : كل ده تفسير ليست هناك حقائق وقالت ان مستوي المياه ارتفع مفيش حقيقة علمية بتقول احنا قسنا وده يزداد كذا يبقي هيزداد كذا كلها تفسير لما يحدث انا لما شوفت الثلج ده بيسيح بهذه الطريقة يبقي انا هيعلي كمية المياه اللي في الثلج دي لما تسيح هتزداد الميه اللي في البحار ومعناها ان سطح الميه بيرتفع معناها ان الحتت الوطية على الارض تغرق اد ايه ده بقي اللي هو التفسير واحد يقولك مثلا معظم الناس تقولك من 50 الى 60 سم لحد سنة 2050 وفي ناس تقول لا واخر ناس تقولك هيبقي 5 متر بس ده كله تفسير كل ده ليست حقيقة علمية ثانية التفسير العلمي العقلاني بيقول ايوة نتيجة لان الثلج ده يسيح تزداد كمية الميه في البحار ومعناه ان الاجزاء الوطية خالص على مصدات الانهار في دلتات العالم كلها او الحتت اللي هي وطيه خالص اللي جنب السواحل الخليج زي ما الخليج العربي مثلا دي جزء منها هيتغير او تتغير تضاريس الارض واحنا في مصر شوفنا ان في حاجات بتتغير زي في حاجات زي راس البر ورشيد في منفذ النيل في البحر المتوسط نتيجة لحاجات عملها الانسان مثلا الطمي كل اللي كان بيجي من النيل باندفاع المية كل في البحر المتوسط بيغير الميه في شكل تيارات انما يزداد اد ايه دي اللي احنا مش عرفين معملناش قياسات لما تيجي تقول على اسكندرية اسكندرية عاليه متغرقش انت بتقول ازاي في حتت وراء اسكندرية ممكن تخش منها الميه اه في حتت على السواحل البحر المتوسط اللي في الدلتا تغرق شوية اه تهبط اد ايه هو ده بقي اللي فيه قولان ومنقدرش نجزم به ولكن لابد ان احنا نقوم بما يجب من الدراسات ختي نستطيع ان احنا نبقي عرفين لو عمل كذا نعمل احنا ايه
د /عمرو عبد السميع : دكتور فاروق احنا عاوزين نروح للسيناريو الاسوء بالنسبة لمصر يعني لو حصل كل اللي انا كنت بكلمك عليه ده المفروض بقي ان احنا نعمل ايه ؟
فاروق الباز : ايوة انت عندك ارض زراعية مثلا اوحش حاجة تحصل ان انت جزء من الدلتا يتغمر بالميه وده بيحصل ليه لان الجزء ده ارض زراعية احنا بناكل منها يبقي هيقلل لنا الاكل واحنا لقين اكل تاكل الناس منين دلوقتي لما تقولي الاكل هيقل يبقي انا لازم اشوف اعمل اكل تاني فين ودي بسيطة انا عندي ارض مليئة في ارض صالحة للزراعة في مياه جوفية في حاجات نوصل لها ميه وفي حاجات الميه بتاعتها هناك انا لو حصل كذا وكذا وكذا اتصرف اناازاي المهم ان احنا نعمل مخطط او زادت الميه الى نصف متر هتبقي ايه ولو زادت لمكتر هيحصل ايه يبقي انا عاوز اعيد تركيبة الارض الزراعية واعيد من ارض زراعية ازرع فيه علشان الارض اللي كنت بزرع فيها دي هتبقي مغمورة ازرع انا فين واكون مستعد ازرعها بايه والمية منين الناس اللي هيشتغلوا هنا فين انا هو ده المهم اللي احنا لا نعمله
د /عمرو عبد السميع : دكتور فاروق وصلا بموضوع المؤتمر اللي تحضره الان في الامارات عن المياه الجوفية وتحليه المياه احنا مدام بنتكلم هتزرع فين يبقي نستخدم المياه الجوفية عندنا ازاي ؟
فاروق الباز : صح والمياه الجوفية عندنا في اماكن مختلفة يعني في ناس تقولك بس احنا عارفين المياه الجوفية فين كلها ودي طبقة اسمها الحجر الرملي النوبي وده مستواه ماشي من الجنوب الى الشمال باستمرار والميه بتاعته مالحة وكل ده كلام عام منعرفش محصرناش ما يكفي من ابار معملناش ما يكفي من ابحاث لان احنا نعرف بالظبط الميه بتاعتنا فين بالظبط وانهي الملوحة بتاعتها فين والملوحة دي جايه من ايه والامتداد بتعها ايه ول كانت فيها ملوحة استخدم الميه دي ازاي هي عيزة تحليه ولا مش عاوزة واذا كانت عوزة تحليه اقل من تحليه ميه البحر يبقي اعمل لها مشاريع تحليه ازاي كل الحاجات دي هي لابد ان احنا نكون بصين عليها وفهمين الدنيا وايه اللي بيحصل في العالم علشان تعمل ما يكفي من ابحاث وعلشان تعمل ما يكفي من دراسات علشان نبقي مستعدين لاي حاجة مستقبليه لان ده مبينفعش ان احنا نقعد كده سكتين والناس هي اللي في العلم هي اللي تبحث والناس هي اللي تقولي اراء علمية واحنا مش عارفين انه زي صح وانهو راي غلط وتمشي باي واحدة فيهم لازم احنا نشارك في الراي هتسال ازاي نشارك في الراي لازم تعمل مبادرات احنا بنفسنا لازم نشارك في العمل والبحث والتقرير ولازم يبقي عندنا كلمتنا احنا بناء على ما تعرفه في منطقتنا
د /عمرو عبد السميع : لازم يبقي عندنا مبادرات فعلا عندك حق دكتور فاروق الباز اهلا بك
فاروق الباز : اهلا بكم جدا
د /عمرو عبد السميع : دكتور /حمدى الخبير الاقتصادي البريطاني السير نيكولاس شير عامل دراسة بيتكلم فيها عن الاخطار التي يمكن ان تهدد الناتج العالمي من الغذاء وبيقول انه هينخفض 10 % نتيجة هذه التغيرات المناخية الخطاب الرئاسي المصري في اكثر من مناسبة اشار الى هذه الاخطار سواء امام قمة الدول الصناعية الكبرى او حتي قدام شرم الشيخ للتعاون الصيني الافريقي مؤخرا طيب احنا عاوزين نعرف تاثير هذا الكلام علينا اد ايه في ناس تقول لنا 30% من الناتج الزراعي المصري هيتاثر اما نتيجة ارتفاع درجة الحرارة واما نتيجة انتشار اوبئة زراعية معينة في ناس تانية تقولنا انكم لازم تشوفوا بسرعة وسائل للطاقة الجديدة والمتجددة بس احنا عاوزين نعرف كمان جدواها هتكون ايه متقول لنا
د /حمدى عبد العظيم : هو بالفعل التغيرات المتوقعة طبقا للسيناريوهات المعروض بالفعل تقول انه هناك تاثير سلبي على الزراعة وان الزراعة من خلال التاثير على مياه النيل اولا بالنسبة لنا هناك تقديرات ان ممكن ده لو حصل نفقد حوالي من 30 : 60 % من المياه وبالتالي ده هيكون له تاثير سلبي على امكانيتنا وقدراتنا الزراعية حتي الزراعات التي تعتمد على الامطار في تقديرات برضه تقول انها ممكن تقل بنسبة 50% اذن في كل الحالات سيكون هناك ازمة بالنسبة للغذاء وبالنسبة للزراعة اللي هي المصدر الرئيسي بالنسبة لنا في الغذاء ولذلك لابد ان يكون عندنا الاليات اللي ممكن نتعامل بها مع هذا الاحتمال فالاليات المعروضة حاليا او اللي بنفكر فيها في مستوي الرسمي في مصر وهو ان احنا نتجه الى زراعة الصحراء استخدام الطرق الحديثة والميكانيكية في زراعة الصحراء ويمكن برضه العالم الكبير فاروق الباز اشار الى اننا عندنا امكانيات ومياه جوفية ممكن نستصلح وتستخدم في عمليات الزراعة وفي هذه الحالة نلجاء الى الدلتا البديلة اذا كان هناك احتمالات ان الدلتا
د /عمرو عبد السميع : طيب يا استاذ /حمدى مشروع توشكي في تعريفة البسيط هو تحقيق للي بتقوله ده ام ال ايه كمية النقد اللي توجه له ؟
د /حمدى عبد العظيم : لا هو مشروع توشكي مشروع طويل المدى يعني احنا الناس عندنا اعتمدوا على ان عاوزين المشروع كان مخطط له 2017 وتكلفته 300 مليار جنية وكان في توجيهات ان البنك الدولي والمؤسسة الدوليه تساهم لكن المساهمة قليلة فانا عشان كده الفترة الزمنية كمان ستزيد على 2017 فمعني ايضا ان احنا احيانا تكون دراسات الجدوى
د /عمرو عبد السميع : احنا نملئ الفراغ الزمني ده بالانتقادات ؟
د /حمدى عبد العظيم : بالظبط لكن هل نتوقف ونهدر ما صرفناه من المليارات في زراعة وتوفير المياه وتبطين الزرع ورفع المياه والكلام ده كله خسارة طبعا علشان كده نقول تستمر اه وان كان الفترة الزمنية اطول باعتبار ان ده مشروع للاجيال القادمة فانطلاقا من نفس هذا المدخل تقول اه يعني احنا لابد ان يبقي عندنا كل سيناريو من السيناريوهات المطروحة نقول تتحرك فيه ازاي في طبعا بعض الناس تقول ان ممكن نعمل حائط يحجز المياه علشان ميعملش غرق وده تكلفته حوالي 20 مليار جنية
د /عمرو عبد السميع : زي الحائط بتاع محمد على اللي قال عليه دكتور مصطفي كده
د /حمدى عبد العظيم : فطبعا ده بديل طبعا في بدائل اخري انه ممكن يبقي في ممر التنمية اللي اتكلم عنه العالم فاروق الباز ان الممر ده يعمل لي محافظات عرضية واماكن للتنمية والتوطين والمهجرين واللي ممكن يهجروا من الاماكن الخمسة من المحافظات المحتملة للتهجير يتجهوا الى هذه الاماكن وانها ممكن تستوعب ما بين 20و30 مليون نسمة اذن هان في مخططات وفي ايضا تقديرات بالنسبة لتكلفة الغذاء عندنا عملها يمكن مركز معلومات مجلس الوزراء في الدراسات المستقبليه ان احنا تتكلف حوالي 45 مليار جنية في الغذاء والزراعة فقط نتيجة هذه الخسائر اذن البديل هنا طيب ان اجيب منين بقي تكلفة او تمويل علشان اتعامل مه هذه الاشياء لابد يبقي مصادر التمويل من خلال الاستثمار في الزراعة واعطائه كافة الحوافز وكافة الامتيازات وكافة التسهيلات سواء منفرد او مشترك من الحكومة ونخلص بقي من العقد القديمة اذا كان اشتراكية ولا القطاع العام والخاص المهم يجي انتاج يجي غذاء بعد ذلك احنا بنقول مؤسسات الدوليه المعنية بالزراعة المعنية بالري والحاجات دي بتساعدنا ونطلب تمويل من البنك الدولي لتمويل الاغذية والزراعة والكلام ده كله على اساس يدونا معونة فنية ممكن نستعين بها في تنفيذ هذه المشروعات وبالتالي مقولش بقي اني استني بقي لاخر لحظة وبعدين اقول احنا نعمل ايه بعد ما يكون بقي ما حالة الطوارئ والهلع والفزع والكلام ده لا احنا امام دراسة للازمات المتوقعة فيجب احنا عندنا اشارات انذار مبكر لابد ان ناخذها بحذر وتاخذ بجدية ونتعامل معها على انها احتمال مؤكد رغم تباين السيناريوهات لكن لابد ان يكون عندنا استعداد للاقل واستعداد للاسوء وبالتالي في كل الاحتمالات نقول طيب احنا ايه التحرك اللي ممكن نترحك بها في المدى المتوسط وفي المدى البعيد لما تحصل هذه المتغيرات مفيش شك ان ايضا اهتمام بتقليل انبعاثات حرارية من خلال الجهود الداخليه والتعاون الدولي بالنسبة للطيران المدني في شروط بالنسبة للسلع لها اثار سلبية بالنسبة للبيئة بتعوق حركة التجارة الدوليه فانا من باب اولي ايضا اعمل تطوير بالنسبة لهذه الامكانيات اللي انا اتفوق فيها في الزراعة والتصدير للاتحاد الاوروبي وغيره من الدول اللي موقع معها اتفاقيات علشان هذه الدول عندها امل في مصر انها تديها الغذاء ويقولنا احنا عملين معاكم مشاركة اوروبية علشان ناخذ غذاء بس ادونا غذاء بمواصفات بيئية جيدة متدوناش ايه اي سلبيات او اي منتجات فيها نسبة كربون او اي اشياء نزود الضرر او تعمل احتباس حراري او غيرة كل هذه الاشياء لابد ان يكون لدينا برنامج قومي للتعامل مع تقليل نسبة الانبعاثات الحرارية وتطبيقها في كل الانشطة الصناعية
د /عمرو عبد السميع : عايزين برنامج قومي لمواجهة الانبعاث الحراري ونتواصل بعد الفاصل
فاصل
د /عمرو عبد السميع : عدنا لنواصل التقليب في ملف التغيرات المناخية عندي ثلاث تعقيبات الاستاذ سعد هجرس اتفضل
ا /سعد هجرس : شوف احنا قدام حرب عالمية حرب ضد الطبيعة والسيناريوهات بتاعتها كلها تذكرك انك قدام السيناريو ليوم القيامة و قدلم تحديات حقيقية وخطيرة جدا وربما يكون من اكبر التحديات اللي يواجهها الانسان والتي تواجهها مصر والتقارير دي موجودة اللي اشار اليها استاذنا الدكتور مصطفي كمال طلبة موجودة من سنة 2007 وبتجلتا واحنا كصحفيين بننشرها ونتكلم فيها باسهاب وتصل الى علم الحكومة المصرية والحكومةم المصرية عندها في وزارة البيئة انشات اجهزة وعملت لجان وما الى ذلك ولكن يبدو ان هذا الاهتمام بهذه الحرب الخطيرة اللي تواجهنا ما زال دون الاحساس بطبيعة المشكلة اديك مثل عندك لما يجتمع المؤتمر الحزب الوطني اعلى مؤسسة سياسية بالنسبة لحكومة الحزب او حزب الحكو مة ومفيهاش كلمة واحدة في المؤتمر عن هذه التغيرات المناخية واثارها الخطيرة جدا على مصر
د /عمرو عبد السميع : فقط في الخطاب الرئاسي زي ما انا كنت بقول
ا /سعد هجرس : نمرة اثنين تفسر بايه انه حتي اليوم انه الوعي بهذه القضية في الشارع وفي سياسات الحكومة لما انت جاي تعمل استثمارات اعملها في المنطقة دي ولا معملهاش يعني انت قدام مناطق ممكن معرضة للغرق اقوم اعمل فيها استثمارات ولا اني اعملها في مكان ثاني اعمل محطة الطاقة النووية اعملها في الضبعة ولا الضبعة تغرق ولا مش هتغرق هذه المسائل كلها مسائل وبعدين عندك انت بتتكلم عن تحديات خطيرة جدا اللي انا بسميها كانة سيناريو يوم القيامة وعايزة ادارة فعالة في مواجهتها وانت في نفس الوقت عندك حكومة مش قادرة تحل مشكلة القمامة ولا السحابة السوداء بقلها 11 سنة اللي هما بالنسبة لهذه التحديات الخطيرة
د /عمرو عبد السميع : متفكرناش يا استاذ سعد
ا /سعد هجرس : يعني انت هنا قدام مفارقات السحابة السوداء 11 سنة مش قادر انك تحلها ام ال هتعمل ايه في المخاطر الجسيمة اللي جايه دي يا راجل بيقي محمد على زي ما كان الدكتور مصطفي بيتكلم دلوقتي يعمل حافظ من كام سنة وانت لغايه دلوقتي واقف عاجز مستني لما يقع القضاء والقدر ولما تغرق البلد
د /عمرو عبد السميع : محمد على حكم مصر سنة 1805 احسبوا انتم بقي من كام سنة
ا /سعد هجرس : انت عندك انت كل هذه المسائل يمكن مواجهتها والكلام اللي قالة دكتور الباز كلام مهم زي انه ميصحش انه يبقي قعدين وحطين ايدنا على خدنا ومستنيين لما يقع البلاء فين الجماعة العلمية المصرية ودورها ايه هنا دور العلماء مصر مليئة بالعلماء في المجال ده بالذات يعني لما يبقي عندنا في مصر اكبر اساتذة بيئة في العالم دكتور مصطفي كمال طلبه والدكتور القصاص وغيرهم الكثير هل تم استدعاء هؤلاء العلماء وان احنا نعمل فريق ازمة لمواجهة ده
د /عمرو عبد السميع : هنسال الدكتور طلبة طبعا
ا /سعد هجرس : هل طيب انت رايح بكرة في مؤتمر كوبنهاجن اتعرض على الراي العام اتاخد راي منظمات المجتمع المدني اتاخد راي الجماعة العلمية في السياسة انت هتعمل ايه ده في مفاوضات زي ما كان الاستاذ نبيل زكي بيتكلم دلوقتي احنا لينا حقوق في المسئلة دي انا اكثر المضارين ومليش ومش مسئول عن الضرر ده المسئولة عنه الدول الصناعية الكبري المسئولة عنه الولايات المتحدة الامريكية وهي لازم تدفع فاتورة دي طيب هيدفعها ازاي مش لازم تتفاوض و لازم يبقي عندي الشغل بتاعي يعمل الواجب بتاعي المنزلي باعملة كويس لا شيء من هذا يحدث يا دكتور وكان هذا الخطر الجسيم ليس علا الابواب واحنا نيمين في العسل احنا كتبنا في الموضوع ده والدكتور د مصطفي كمال طلبه قاعد يتكلم في الموضوع ده من اد ايه والامم المتحدة بتتكلم فيه من اد ايه زي الازمة العالمية لما حصلت برضه كانها بتفاجا العالم مع انها في تحذيرات منها دي اخطر بقي ما زالت الاستجابة ضعيفة جدا جدا ولا تليق لان احنا بنتكلم هنا عن بقاء الامة مش بنتكلم عن حاجة تاني هذا اخطر كثيرا وينبغي ان ده يبقي موجود في قمة جدول اعمال كل الاحزاب السياسية والمجتمع المدني بهذا الوعي هذه القضية تستحق المناقشة يعني مش اتكلم ازاي المجتمع منشغل بسفا سف الامور التي مطروحة عليه ان متش كورة مصر والجزائر والخلاف
د /عمرو عبد السميع : بيذاع قدمنا على القناة الثانية بالمناسبة
ا /سعد هجرس :غير معقول غير معقول ان احنا نبقي منجرين لمثل هذه التفاهات في حين انه هناك خطر حقيقي على الابواب وخطر وشيك دي مسالة مفيهاش انصاف حلول ومفيهاش واجب الحكومة ان تقول لنا الان ماذا يحمل الوفد المصري في حقيبته وهو يذهب الى كوبنهاجن وياه ما هي مطالبنا وقبل كده قبل هذه المسالة لابد ان يبقي في هذه الازمة في فريق منهج واستراتيجية لمواجهتها وخصوصا ان احنا ما بنتكلمش عن ازمة وتعدي احنا بنتكلم عن ازمة
د /عمرو عبد السميع : ازمة مش هتعدي
ا /سعد هجرس : مش هتعدي وبالتالي احد الحاجات اللي فيها انك انت تعمل سياسة اسمها التاقلم مه هذه المستجدات معناه انت انت تعيد خطط التنمية بتعتك كلها في ضوء ده انت محتاج تعمل مقرش اضع خطط تنمية دلوقتي كان العامل ده مش موجود لازم احط ده في الاعتبار
د /عمرو عبد السميع : ولو بنسبة
ا /سعد هجرس : مش بنسبة ده لازم احط بيقين هل احنا عملنا اي شيء من هذا
د /عمرو عبد السميع : لم نفعل اي شيء من هذا الاستاذ وجدي رياض
ا وجدي رياض : لا فعلنا يا فندم
د /عمرو عبد السميع : عملنا ايه؟
ا وجدي رياض : انا مختلف مع استاذنا الدكتورسعد يعني هو بدايه انا حضرت حوالي 25 او 30 مؤتمر عن تطورات المناخ وانا اشكرك انك طرحت هذه القضية لانها قضية مهمة جدا
د /عمرو عبد السميع : وانا اشكرك انك حضرت معانا
ا وجدي رياض : العفو يا فندم استاذنا الدكتور طلبة كان بيتكلم بيقول احنا زمان كنا يعني قضية تغير المناخ كانت سيناريوهات كان تخيل توقع لكن دلوقتي بقت حقيقة من بعد ما الامم المتحدة عملت اللجنة الدوليه الغير حكومية لدراسة تغيرات المناخ في عشرة الاف عالم موجودين في الكورة الارضية بالطائرات والمناطيد و الاقمار الصناعية والبواخر والادوات الحربية بيشوفوا ايه اللي بيجري في العالم اللجنة دي هي اللي بتقول كلمها العلمي الصح لا تنتمي لاي دولة ولكنها منتخبة من كل دول العالم يعني القضية قضية لسه ما زالت الاثار المؤكدة لسه ما جتش دي نمرة واحد نمرة اثنين كان الاستاذ الكبير طلبة بيقول في احتمالين للامطار على وجهة التحديد على نهر النيل الاحتمال الاول ان 30 % تبقي زيادة واحتمال 70 % تبقي ناقص والدكتور طلبة برضه كان في احد المؤتمرات سمعتها قال ان في هيئة بريطانية للارصاد الجوية جايه تدرس حقيقة الامر بالنسبة لتذبذب مستوي الامطار على مستوي حوض النيل كله فيعني اذن في حاجات بتتعمل اخر حاجة عاوز اقولها علشان ندي كل حقة
ا /سعد هجرس : فين اللي عملنا بقي
ا وجدي رياض : ما هو كلفت الهيئة البريطانية بتاعة الارصاد الجوية دي انها هي تدرس الامر
د /عمرو عبد السميع : دلوقتي الاستاذ سعد بيتكلم عن مردود ده او انعكاسه على السياسة
ا وجدي رياض : لسه مجاش
د /عمرو عبد السميع : بقي ربما لو ....
ا وجدي رياض : في لجنة موجودة في لجنة لتغيرات المناخ مكونة من ست وزارات وزارة الصحة والزراعة والري والطاقة والسياحة والداخليه
د /عمرو عبد السميع : تجتمع كل اد ايه تقريبا هذه اللجنة ؟
ا وجدي رياض : لانها هي تعمل دراسات عن اثر التغير المناخي في مناطق معينة اللجنة دي يراسها دكتور محمد فهيم ابو حديد وبترفع تقاريرها لاصحاب القرار
د /عمرو عبد السميع : عند حضرتك فكرة بتجتمع كل اد ايه تقريبا ؟
ا وجدي رياض : انا اعتقد انوها تجتمع كل فترات متباعدة لازم اعترف
د /عمرو عبد السميع : متباعدة دي بقي ادي ايه تقريبا ؟
ا وجدي رياض : انت بتزنقني في الحتة دي
د /عمرو عبد السميع : لا انا مش عاوز ازنق خالص بس عاوز افهم
ا وجدي رياض : لا بس هي كل الحكايه انها بتجمع المعلومات كلها علشان نلخصها
د /عمرو عبد السميع : فترات متباعدة تعني بالظبط اللي الاستاذ سعد بيقوله يعني حضرتك ادتنا ايحاء انك مختلف معاه لكن اللي بتقوله الحقيقة في اتفاق معاه لان فترات متباعدة تعني عدم الاحساس بالخطر عدم الاحساس بالازمة عدم النظر قدام الى المستقبل ولا ايه ؟
ا وجدي رياض : لا يا فندم ما انت عارف في لجان علمية موجودة في ابحاث اتعملت الاستاذ دكتور طلبة عارف كل الابحاث دي اتعملت فين وفين وعلى هذا الاساس تطرح وترفع الى اللجنة واللجنة تبتدي تاخذ قرارها السياسي صح
د /عمرو عبد السميع : دكتورة /هالة
د /هالة ابو على : الحقيقة انا سعيدة بالحوار الدائر ده لكن احنا او انا كاقتصادية الحقيقة بنبص لعمليه التغير المناخي كمعليه ديناميكية لها اثار اجلة وحالة احنا كل اللي اتكلمنا عليه كان في الاجل الطويل الحقيقة والسيناريوهات المختلفة للدلتا والنيل وغيرة لكن الحقيقة مش لازم ان احنا نسيب بيئة نظيفة للاجيال القادمة زي ما جدودنا عملوا لنا ولكن برضه لازم نفكر في نسفنا شوية فنقدر ان احنا نبص على الاجل المتوسط
د /عمرو عبد السميع : الاجل القريب
د /هالة ابو على : القصير كمان ده شيء مهم مثلا لم يطرح المشاكل الصحية اللي ممكن تصدر بسبب التغيرات المناخية حتي في ظروف مش عاوزة اكون متشائمة لكن احاول اننا اضع سيناريو متفاءل لمثلا جايه زي انفلونزا الخنازير على ابوابنا دي مع ظاهرة التغير المناخي ممكن قوي ان الشهر الجاي تنزل درجات الحرارة 5 درجات عن معدلها الطبيعي يتفشي المرض ده اد ايه حالات الوفيات اللي هتحصل هتكون اد ايه التكلفة الدول ممكن في ابسط شيء لو 1% من المصابين بانفلونزا الخنازير توفوا ممكن تبقي التكلفة للدولة 7 مليار جنية بعد بكرة مش بعد 50 سنة
د /عمرو عبد السميع : يعني الخطر ممكن يكون مؤثرا حالا
د /هالة ابو على : اه طبعا في اخطار حالة ودي مهم ان يبقي عندنا سياسة ازاي تتعامل معها ومش بس كده ده عصب التنمية الاقتصادية حضرتك يعني احنا لم نتكلم على البيئة وعلاقاتها بالاقتصاد دلوقتي حضرتك يجيب ما شاء الله وكلك حماس يقولك السجل برنامج ده من غير ما تتنفس ولا تشرب ميه نظيفة هتقدر اه تدير 5, 10 دقائق وبعدين هطب مش كده بالظبط
د /عمرو عبد السميع : بعد الشر
د /هالة ابو على : بعد الشر يعني الاقتصاد المصري والاقتصاد العالمي برضه ممكن يحصل له كده مع الوقت لازم نبص ان عمليه الاحتباس الحراري بتاثر على التنمية بصفة عامة تاثر على التعليم ازاي لو هتقفل المدارس هيحصل ايه بتاثر على البطالة بتاثر على الفقر بتاثر على دلوقتي في قصة ان احنا نبتدي تزرع في الصحراء وكده والامن الغذائي وكل حاجة الامن الغذائي شيء مطلوب بس ده بنتكلم عليه بقلنا عقود كثيرة ولم نستطيع تحقيقة
د /عمرو عبد السميع : ايه ملاحظات على طرقنا لادارة الازمة
د /هالة ابو على : الحقيقة يعني هو مفيش افصاح يعني اكيد انا متاكده زي ما حضرتك تفضلت انه في ادارة للازمات ولكن هما ما بيكلموناش يعني احنا مفيش حوار مفيش حوار
د /عمرو عبد السميع : يعني ماتبقاش مناقشات جوه الاوضة الضلمة وخلاص عاوزين نبقي طرف احنا مواطنين دافعي ضرائب
د /هالة ابو على : بالظبط يعني احنا غير اننا كمان مواطنين احنا انا بما اني باجي من مؤسسة علمية احنا دورنا في البحث العلمي والاقتراب ما بين صانع القرار والبحث العلمي ده شيء مهم ولازم يكون عنده من الحكمة وسعة الصدر انه يسمعنا وطبعا احنا كباحثين برضه لازم نحاول ان احنا نسهل الفرضيات بتاعتنا ونحاول ان احنا نكون واقعيين بحيث ان احنا نقدر نقيم السياسات اللي حاصلة نقدر نطرح حلول جيده
د /عمرو عبد السميع : اليات هذا النقاش العام اللي حضرتك بتتكلمي عليه
د /هالة ابو على : الحقيقة الاليات يعني احنا كباحثين في ابحاث كثيرة
د /عمرو عبد السميع : لا متكلمنيش عن الباحثين كلميني عن المجتمع كله
د /هالة ابو على : المجتمع كله الحقيقة كل فرد مننا لازم نبص ان احنا مسئولين في ظاهرة الاحتباس الحراري انا لما اقرر اني انا اجي النهاردة هاخذ عربيتي وهاجي انا بساهم في الانبعاثات وبالتالي اساهم انا لما اجي اتفرج على البرنامج وافتح التليفزيون ان بساهم فدي كل تصرف بيكون الحقيقة الواحد لازم يبتدي بنفسه قبل ما يطالب صانع القرار ولكن صانع القرار لازم كمان هو يكون في اجندة لازم يحصل ضغط على الولايات المتحدة الامريكية دلوقتي هي السبب اللي هي وقعتنا في الازمة العالمية
د /عمرو عبد السميع : نحط ده في اوراقنا في كل تجمع دولي احنا موجودين فيه علشان نبقي قوة قابله لتحقيق شيء
د /هالة ابو على : تمام لازم يبقي عندنا سياسة واضحة ان احنا اه عندنا ميزة نسبية لان احنا نستخدم الطاقة الشمسية مثلا ده كرت كويس ان احنا نقدر نلعب به ونكبر كمان المجتمع الدولي ان هو لازم يدفع ثمن الاخطار بتاعته مش احنا بس
د /عمرو عبد السميع : الشباب اللي عاوز يقوم يسال قوم اقف
جوزيف انطون كليه الاعلام جامعة القاهرة : الحقيقة ان قضايا البيئة في مصر لا تزال حتي الان من القضايا المهملة على اطلاقها على عمومها رغم ان قضايا البيئة في العالم كله بدات تاخذ ابعادها الواضحة يعني مثلا منظمة الا يزو ابتدت تعمل مجموعة الا يزو الجديدة اللي بتقيس او تبين مدي التوافق نشاط اي مؤسسة مع البيئة هذا الكلام غير موجود في مصر التزام قضايا البيئة بوجه عام تلقي اقل الاهتمام ولا زال متعرف عنه وينظر اليها اغلب المجتمع على انها طرفا لا نقدر عليه وللاسف تساير الحكومة هذا الاتجاه المجتمعي الغالب فنجد انه حتي الان الاهتمام قليل جدا بانه يوجد حتي وزارة للبيئة بل وزير دولة بلا حقيبة وزارية حقيقية وتاتي استكمالها بان معظم التغيرات الوزارية جاءت في غير صالح الانشطة البيئية الصحيحة او في غير صالح السياسات البيئية السليمة فنجد مثلا ان الوزيرة النشطة الاستاذة نادية مكرم عبيد وقفت ضد قضية حرق قش الارز التي تمخض عنها السحابة السوداء تم استبدالها
د /عمرو عبد السميع : احد الاسباب
جوزيف : احد الاسباب تم استبدالها بوكيل وزارة الزراعة لتستمر نفس السياسة
د /عمرو عبد السميع : طبعا انا بكح بسبب الحكايه اللي انت بتتكلم عنها دي
جوزيف : وعندما تصدت البيئة ايضا لطريق حديث كان من المزمع ان يخترق غابة ومحمية طبيعية تم استبدال الوزير ايضا واستكمال الطريق والان جاء الخطر الداهم يبقي يعني احنا كده عملين والان جاء الخطر الداهم وهو الخطر الناتج عن التغيرات المناخية والحقيقة ان التغيرات المناخية لها تاثيرات سلبية خطيرة اهمها ارتفاع منسوب البحر الابيض المتوسط بسبب ذوبان الثلوج عند القطب الشمالي نتيجة لنظر ية الصوبة الزجاجية وارتفاع الانبعاثات الضارة من غاز ثاني اكسيد الكربون وده له سببين اسباب عامة وده نتيجة الزيادة السكانية الكبيرة في العالم كله وصل تعداد البشر حوالي 6.5 مليار نسمة ولها اسباب خاصة اللي هي زيادة الانبعاثات الضارة من النشاط الصناعي وعدم الالتزام بمعاهدة كيوتو للحد من الانبعاثات الضارة ويهمنا بقي في المجال ده تاثير اللي بيحصل على البحار الداخليه اللي زي البحر المتوسط كده واللي ممكن يؤدي الى غرق نصف مساحة الدلتا في مدة بس 50 سنة اين المشكلة المشكلة تكمن في ثلاث نقاط اولا عدم ...........
د /عمرو عبد السميع : موجزة
جوزيف : بايجاز عدم دقة الدراسات التي تمس هذا الامر الهام من حياتنا ووجودنا لغياب الدراسات المصرية التي تخصنا في ظل غياب هذه الدراسات وهو من المنطلق الاول فان اغلب الحلول تعتبر اجتهادات لا ترقي لمستوي المشكلة ولا لخطورتها الشديدة ثالث حاجة احتماليه تاكل الارض الدلتا التي يسكنها اكثر من 50% من تعداد السكان تقريبا وبها اكثر الارضي خصوبة هي كارثة تعتبر خطر قومي داهم ينبغي التعامل معه بحشد الجهود باسلوب علمي لمواجهته ازاي الحل اعداد دراسة علمية على اعلي مستوي تضم ناس من الجامعة العلمية العالمية والمحليه على فكرة مش عيب لا يعيبنا ابدا اننا نستقدم خبرات عالمية وذلك لان اي دولة في العالم يكون عندها مشكلة بتجيب امريكا بتجيب ناس من بريطانيا والمانيا
د /عمرو عبد السميع : ما استاذ وجدي رياض قلك ان احنا جيبين بريطانيا علشان يشتغلوا على النيل
جوزيف : وعلى فكرة لا يجب ان يتشدق احد بان لدينا خبرات محليه تكفي من المفيد جدا هنا الارتكان الى تجربة زي تجربة هولندا يعني هولندا ردمت المحيط الاطلنطي توسعت على حساب المحيط وليس العكس احنا بيحصل عندنا عكس ما حصل لديهم ايضا نحتاج اقمار صناعية للرصد والتي يمكن الارتكان اليها بالاستئجار او باي وسيلة اخري المهم ان احنا نوصل لحل بعد عمل هذه الدراسة اللي توضح ارتفاع منسوب المياه في البحر المتوسط وسرعة التيارات المائية في قناة السويس وغيرها نعطي هذه النتائج لمجموعة علمية اخري للبحث الافريقي كيفية مواجهة الاثر المائي هل زيادة حمايه الشواطئ وزيادة منسوبها هل عمل سدود اختم بحاجة اخيرة من هذا المشروع القومي ممكن مقارنة بالسد العالي احنا حاربنا علشان نجيب له تمويل اللازم ودي برضه لازم نتصرف ونجيب لها التمويل اللازم اعتمدنا على خبرات اجنبية روسية وبريطانية تخطيطا وتنفيذا نفس الكلام لازم يتعمل احنا ثالث حاجة والنقطة الاهم من وجهة نظري ان السد العالي كان له رد فعل سريع ودعم شعبي وتوعية هو المطلوب الان من خلال الاعلام انه يتعمل نفس هذا الموضوع التغيرات المناخية كاولوية اولي زية زي مشروع السد العالي وشكرا
د /عمرو عبد السميع : زميلك
كريم مصطفي كليه الاقتصاد والعلوم السياسية الفرقة الثالثة علوم سياسية : من الواضح ان احنا في مواجهة ازمة بس الازمة اللي اكبر منها هي عدم الشعور بها والازمة دية لها بعدين بعد خارجي وبعد داخلي على البعد الخارجي زي ما تم الذكر اتفاقية فيتو او في حاليا في معضلة ما بين حاجتين بين حق الدول النامية في التنمية اللي زينا وما بين محاولة الدول الكبرى من التنصل من مسئولياتها يعني في ضغط على السياسة الخارجية وده موجود مطروح على الاجندة السياسية الخارجية المصرية لمحاولة ربط الدول النامية ومنها مصر لتقديم تنازلات
د /عمرو عبد السميع : فكرة الضغط الفكرة دي طيب انا فين حقي في التنمية ان انا انمو اقتصاديا زي ما الدول دي هي اللي سببت الكارثة ودلوقتي انا في على والمعضلة الاخرى يعني بالنسبة لي كمصر دلوقتي مصر تراست قمة عدم الانحياز مصر لها دور نشط في الفرانكفونية مصر لها دور في منظمة المؤتمر الاسلامي اليست من الممكن وليست من المفروض على دولة زي مصر والسياسة الخارجية اين دور السياسة الخارجية المصرية
د /عمرو عبد السميع : ده اللي انا كنت باقولة دلوقتي ان احنا نضمن هذا الموضوع على كل التجمعات اللي احنا جزء منها
كريم : بالتاكيد طبعا لازم يكون في دور نشط للسياسة الخارجية المصرية في ظل التواجد السياسي لنا ان احنا نعمل دور قوي سواء في الامم المتحدة والمنظمات الكبرى للضغط على هذه الدول الكبرى على المستوي الداخلي في مشكلة بتطرح نفسها كل مرة فكرة سياسية الموسمية ورد الفعل يعني انا لا اهتم بالازمة الا لما يكون الموسم بتاعها لما يكون في المقطم ينهار وارجع اهتم بالناس السفينة تغرق اهتم بالملاحة
د /عمرو عبد السميع : اه السحابة كمان والبني يا كريم
كريم : السحابة في ازمات كثيرة احنا بنواجهها وهنا في سؤال بيطرح نفسه فكرة العقد الاجتماعي انا كمواطن هل انا تابع للسلطة وقراراتها ولا انا باساهم في صناعة وتنفيذ هذه القرارات انا فين من ان انا احدد واقرر مصيري انا اللي هتاثر لم يتم ذكر المواطن المصري
د /عمرو عبد السميع : برافوا عليك زميلك
محمد فياض محامي من حزب التجمع : امريكا في اوائل التسعينات بعد حرب تحرير الكويت فرضت على الدول المنتجة للبترول حاجة اسمها ضريبة الكربون واحنا دلوقتي بنقول ان احنا علشان نحاول نواجه الكارثة اللي هتحصل ما قالوا لنا دلوقتي بعد 17 سنة عايزين نضغط على امريكا علشان ندفع جزء من الاستحقاقات دي علشان نعمل تنمية وعلشان نواجه هذه الازمة اولا بشكل موضوعي جدا احنا مين اللي هيضغط على امريكا فنضغط على امريكا ده محتاج اليات تانية خالص مش موجود الان ومش موجودة في المدى المنظور يبقي نرجع بقي بعيد عن المسالة الدولة ونخش في الدولة المصرية الدولة المصرية عملت ايه وايه الموجود على اجندتها علشان تعمله المسالة مرهونة بالحكومة والشعب الشعب معندوش حالة استنكار ولا عنده وعي الشعب الفقير المريض اللي بيكابد ليل نهار في لقمة العيش و في تعليم سيء وفي كل حاجة سيئة
د /عمرو عبد السميع : ويعاني من السحابة
محمد : ويعاني من السحابة اللي اصابة حضرتك واصابة ناس كثير جدا ان هذا الشعب مطلوب استنفاره في شكل مشروع قومي زي المشروع القومي اللي كان معمول في السد العالي والكل واعي له وواعي لنتائجه والكل بيساهم فيه وبيحلم بيه احنا الان لما نيجي نطرح ده من خلال اعلام على الشارع المصري وعلى الشعب مش هيسئل فيه ليه لان الشعب راكم جواه عبر سنوات طويلة مضت ان الحكومة بتاعته بتكذب عليه وانه مش هيصدقها في كل اللي هتقولة تقوله ده انت هتغرق بعد 17 سنة يقولك احنا مش هنغرق احنا قعدين كويسين اه طيب والحكومة نفسها على اجندتها عملت ايه الحكومة نفسها زي ما العالم الدكتور العالمي الدكتور الباز قال ان الحكومة المصرية معملتش حاجة لاحنا عندنا بحث علمي بيتصرف عليه ولا احنا عملنا مس جيولوجي علشان نعرف المياه الجوفية بتاعتنا فين علشان نستعد لما تحصل كارثة هنروح فين وحدوتة زي ما قال الدكتور عبد الحميد قال ان مسالة الاسوار او زي نفس النسق اللي عمله من 200 سنة محمد على المسالة تتكلف 200 مليار ايه 200 مليار دي علشان ننقذ الدولة المصرية حتي لو وضعت بشكل نظري على الاجندة المصرية سؤال بس ال 200 مليار دول من السهل تدبيرهم اللي بقلهم كثير يحلبوا مصر ان الاوان انهم يدفعوا 200 مليار من السهل تدبيرهم من فرق بيع مجموعة من شركات القطاع العام بين السعر اللي بتتباع بيه والسعر الحقيقي
د /عمرو عبد السميع : تمام زميلك
مينا فايق كليه تجارة جامعة عين شمس :
د /عمرو عبد السميع : ايوة كده شوف في راجل هادئ اه بيكلمنا بالراحة
مينا : هولندا كان لها تجربة مماثلة في خطر غرق اجزاء من اراضيها بسبب الفيضانات المستمرة والامطار المستمرة وارتفاع منسوب المياه لكن قدرت تتغلب عليها بعدة طرق ليه بقي مصر او الادارة المصرية اللي المفروض تعمل لجنة مخصوصة انها تشوف المشكلة دي وتحلها ليه مشفش التجربة الهولندية انت سمعت الاستاذ وجدي رياض قال لك قال ايه قال في لجنة لكن تجتمع في فترات متباعدة في الاعياد و المواسم وكده
مينا : اه بتجتمع في الازمة بس احنا عاوزين نلحق الازمة قبل ما تحصل علشان نلحقها فهولندا عملت حاجة زي كده فنشوف التجربة الهولندية ونعمل زيها بالظبط في مصر
د /عمرو عبد السميع : زميلك
محمود احمد هاشم طالب في كليه حقوق جامعة طنطا امانة الشباب المركزية في الحزب الوطني الديمقراطي : بالنسبة للهندسة الوراثية لماذا لا يتم التوسع في استخدام الهندسة الوراثية لتحقيق فائض في الانتاج الزراعي ومحاولة تعويض الاضرار والخسائر
د /عمرو عبد السميع : ما هي دي ضمن الوسائل اللي ممكن تكون للمواجهة يعني احد الوسائل ؟
محمود : محاولة تعويض الاضرار والخسائر التي تنتج عن غرق اجزاء كثيرة من الدلتا وفقدان الكثير من الاراضي الزراعية
د /عمرو عبد السميع : زميلك
ابو بكر فوزي كليه اعلام جامعة الازهر : الاستاذ الدكتور مصطفي كمال طلبة قال ان الدلتا المصرية بتتاكل من 1.5 متر الى مترين سنويا فيعني ممكن اسالة هل من الممكن اقامة ما يشبه بالسد العالي عن المياه الاقليمية عند
د /عمرو عبد السميع : هو ما قلش لك بتتاكل من 1.5 متر لمترين سنويا ولكن من الممكن ارتفاع منسوب المياه يصل من 1.5 الى مترين
ابو بكر : تمام
د /عمرو عبد السميع : لا دي حاجة ودي حاجة يبقي تمام ازاي ما انت لازم تكون دقيق في اللي سمعته
ابو بكر : ما هو ارتفاع منسوب المياه يؤدي الى التاكل
د /عمرو عبد السميع : بس مش متر ونصف الى مترين اللي انت قولتهم
ابو بكر : تاكل الدلتا عموما هل يمكن اقامة ما يشبة بالسد العالي عند المياه الاقليمية لحدود البحر المتوسط تؤدي الى عدم ارتفاع منسوب المياه البحر المتوسط وممكن نستخدمها في تحليه المياه ونحولها الى الصحراء لاستصلاحها
د /عمرو عبد السميع : تمام زميلك
ولاء على كليه الهندسة جامعة المنوفية : ما هو دور الهندسة الجيولوجية في التخلص من الاحتباس الحراري الموجود حاليا
د /عمرو عبد السميع : اجابات وتعقيبات المنصة دكتور حمدى اتفضل
د /حمدى عبد العظيم : الحقيقة التعقيبات الاسئلة كلها موضوعية والاخ يوسف انطون
د /عمرو عبد السميع : جوزيف انطون
د /حمدى عبد العظيم : جوزيف بيتكلم على اهمال قضايا البيئة والحاجة الى التوعية والاعلام وطبعا ده شيء مطلوب وبالفعل هناك صحوة حاليه ومنها هذا البرنامج اللي بيناقش قضايا البيئة او ما يتعلق بتوعية المجتمع بموضوع الاحتباس الحراري الصحافة ايضا قائمة بدور جميل في هذا الموضوع والاستفادة من تجربة هولندا مفيش ما يمنع اي تجارب عالمية نستفيد منها وقطر برضه عملت جزء ردم اللي في الدوحة في المحيط علشان توسع الارض دي مسائل متعلا بالتكنولوجيا
د /عمرو عبد السميع : بتاع الخليج
د /حمدى عبد العظيم : الخليج بالظبط وبالتالي ممكن نستفيد
د /عمرو عبد السميع : مفيش محيط في قطر يا دكتور ؟
د /حمدى عبد العظيم : لا اللي هو الخليج العربي ايضا موضوع الامم المتحدة والسياسة الخارجية احنا كنا او في مجموعة دول ناشئة مشاركة مع قمة الثمانية واثاروا موضوع الاحتباس الحراري واهمية التزام الدول الصناعية المتقدمة والولايات المتحدة الامريكية باتخاذ اجراءات لتقليل نسبة الانبعاث والالتزام والدول النامية تنسق مع بعضها ونضغط ولكن برضه يجب تعترف ان احنا في عالم الاقوياء ان الولايات المتحدة والدول الصناعية المتقدمة هي المسيطرة على المحافل الدوليه وهي بتفعل ما تشاء وبترمي على الدول النامية كل ما يلوث البيئة من انشطة وملوثات ومن اشياء
د /عمرو عبد السميع : زي ما شوفنا قبل كده لما كانوا بيحرقوا الحاصلات الزراعية ويعملوها وقود حيوي
د /حمدى عبد العظيم :احنا كما ايضا يعني الاخ الكريم مصطفي ومحمد فياض اتكلم على موضوع ضريبة الكربون الخ طبعا لم تجدي مع الولايات المتحدة في نفس الاطار لان هما تعودوا ان هما اللي يفرضوا وان احنا
د /عمرو عبد السميع : ام ال ايه اللي يجدي مع الولايات المتحدة ؟
د /حمدى عبد العظيم : اللي يجدي معهم هو المفاوضات الجماعية وده بتاخد بعد سياسي واقتصادي في نفس الوقت مصالح وبالتالي التحرك الدولي في هذا الاطار مجموعة الدول النامية وعدم الانحياز وال 77 وال 20 الخ كل ده ممكن من خلال مشاورات يؤدي الى نتائج ايجابية عند المستوي الداخل بقي عندنا بعض الزملاء اتكلموا على الموضوع الداخلي ايضا عاوزين نهتم بدراسات الجدوى البيئية يعني لما المستثمر يجي يعمل مشروع لازم ايضا نلزمه بحمايه البيئة ونلزمه باشياء تمنع التلوث وتقلل الانبعاثات من الاسمنت والكيماويات والاسمدة والحاجات دي كلها وفي الحالة دي ممكن نستخدم كل الاساليب العلمية وفي حمايه البيئة تستخدم الهندسة الوراثية الهندسة الجيولوجية لان في جدوى فنية في جدوى اقتصادية في جدوى بيئية كل هذا لابد ان احنا نهتم به ويبقي يعني ضمن البرنامج المصري للتعامل مع ظاهرة الاحتباس الحراري واستخدام طاقة نظيفة وبديلة امنه بيئيا بحيث اننا تقلل الاثار السلبية وتمنع اي ضرر في المستقبل
د /عمرو عبد السميع : استاذ نبيل
ا نبيل زكي: انا مع كلام جوزيف انطون وزميلة كريم مصطفي في موضوع التوعية نحن في حاجة الى ضمير بيئي عالمي في حاجة الى ضمير بيئي جديد في حاجة الى شرح فكرة التوازن بين الانسان والبيئة في حاجة الي مشروع فكرة انه ضرورة تحقيق نوع من التوازن البيئي في حاجة الى شرح ان في جرائم بترتكب ضد البيئة بتجعل الانسان عدو البيئة وعلى فكرة وصل الامر الى درجة اطلاق صاروخ على القمر سمعت الحكايه دي يعني نضرب القمر بصاروخ قال ليه قالوا علشان يشوفوا فيه ميه ولا لا يعني اسلوب برضه في عنف
د /عمرو عبد السميع : نقل التلوث من الارض الى القمر .
ا نبيل زكي : بالظبط انا اعتقد ان مشكلة العالم الان هو انه في حاجة الى انه يرتفع او يتساوي فوق قضايا كثيرة يعني اجتماع الدول في احلاتل دول اخري في استغلال شعوب اخري تتواري ويبقي الهدف الاسمي الان هو الدفاع عن كوكب الارض حمايه كوكب الارض لانه حمايه لمستقبل الاجيال ومستقبل البشرية اي واحد ساكن في بيت يهتم بنظافته بيئته طيب اهتموا بالكرة الارضية دي الساحرة كما وصفها البعض كمان انا اعتقد ان الانسان يجب ان هو النهاردة ينتبة الى الاخطار هنا عاوز اقول هذه الاخطار قائمة فعلا مفيش فيها مغيرة وانا يعني مرت بتجربة شخصية في هذا الموضوع السنة اللي فات يعني طلعت تسلقت مبني اعلي جبل في سويسرا وكان
د /عمرو عبد السميع : تسلقته لوحدك ولا بالاسانسير ؟
ا/ نبيل زكي : بالتليفريك
د/عمرو عبد السميع : اه ماشي الحال
ا/ نبيل زكي : لا انا لا ازعم اني انا من هواة يعني مقدرش
د/عمرو عبد السميع : انا قلت يعني تظهر مواهب جديدة نكتشفها فيك يعني الحقيقة .؟
ا/ نبيل زكي : ايه رايك بقي ان الاجيال اللي كانوا لما طلعوا كانوا في ماتم اين الجليد على قمة لا وجود للجليد لاول مرة سنتين ثلاث وراء بعض مفيش طبقات كثيفة من الجلود تتشكل كما كان يحدث على مر القرون في مشكلة هنا انا اعتقد انه الوعي البيئي ايضا يتطلب من الدرسة انا شوفت في معرض كتب عملوا في بورتو غالب اثناء المؤتمر العالمين للموقعين على بروتوكول مونتريال كتب للاطفال رائعة في شرح يعني ايه الاوزون يعني ايه التلوث يعني ايه المخلفات الصلبة يعني ايه كذا وكذا شرح مبسط برسوم جميلة مشوقة جذابة انا اعتقد ان ياريت نعمل كده يعني مشكلة بقي مصر انه رغم انه انت غازات الاحتباس الحراري طالعة من عندك من مصر لا تتجاوز 0.6 % الا ان في اجتماع من كل العلماء على ان مصر ستكون اكثر الدول تعرضا للاضرار نتيجة هذا الاحتباس الحراري ليه بقي انت عندك ساحل البحر المتوسط كله ساحل البحر الاحمر كله عندك بيئة بحرية يجب ان تحافظ عليها عندك ايضا نهر النيل وما يمكن ان يحدث له في حالة التغيرات المناخية عندك مشكلة البخر هيزداد اذا ارتفعت درجة حرارة الارض ومشكلة التصحر اللي هي هتزيد اكثر اذن في مشكلات حالة يجب ان احنا ننتبه اليها هنا بقي في نقطة
د /عمرو عبد السميع : اخيرة جدا
ا/نبيل زكي : انه انت عندك على فكرة قانون للبيئة في مصر انا راي انه رائع اللي هو القانون رقم 4 لسنة 1994 المشكلة فين التنفيذ حضرتك عاوز اقول حاجة انا هنا لا احمل المسئوليه لوزارة واحدة للحكومة كلها للمحافظين للمجالس المحليه في القرى اللي بتحرق قش الرز بيعملوا ايه دول لا شيء اذن انا هنا في حاجة الى خطوات عمليه او لجنة اللي بيتكلم عليها استاذ وجدي رياض انا عاوز لجنة يكون لها حق اصدار قرارات ملزمة للدفاع عن البيئة وحمايه
د /عمرو عبد السميع : وما تجتمعش على فترات متباعدة؟
ا نبيل زكي : بالظبط انت عندك مشكلة محدش اتكلم عنها من ملوثات البيئة الضوضاء الضوضاء في مصر بلغت مستوي يتجاوز المسموح به عالميا وعلى فكرة تلوث الهواء عشر اضعاف المسموح به عالميا ايضا في مصر في القاهرة بالذات طيب نواجهه الحكايه دي ازاي يبقي لازم يبقي في لجنة لها قرارات ملزمة لكل الوزراء
د /عمرو عبد السميع : دكتور مصطفي
د مصطفي كمال طلبه : يعني انا ليه مجموعة ملاحظات سريعة اولا سعدت بان الشباب متحمس قوي للمناقشة قضية دي وبيسالوا اسئلة موضوعية وانا بفتكر ان لا امل في حاجة هتتعمل في مجال المناخ الا اذا الشباب اخذ على عاتقة انه يقول للناس اللي من جيلي واللي من جيلك والاجيال اللي بعدنا كمان بطلوا تخريب فيما نملكه نحن في مصر في المستقبل واذا ما عملوش كده هيحصل حاجة محدش هيغير حاجة احنا كلنا بنتكلم سعداء جدا بالكلام ولا نفعل شيئا عاوزين اللي جنبنا هو اللي يصلح انا مش شايف مخطط متكامل للتعريف والتوعية بقضية تغير المناخ كنت حضرتك بتقول كتب احنا معندناش اطلاقا برنامج نوقش هنعمل ايه انا شخصيا بقالي 30 سنة باشتغل في تغير المناخ منهم من يوم ما رجعت من الامم المتحدة 17 سنة هنا في مصر براس اللجنة اللي بتعد تقرير مصر الي كوبنهاجن الى اتفاقية تغير المناخ ليس لدي وانا بقول بكل هذا ليس لدي ايه معلومة دقيقة عن من الذي يعمل في مصر في قضية تغير المناخ مين الاساتذة اللي بيشتغلوا ابحاث
د /عمرو عبد السميع : حتي اللجنة بتاعت الاستاذ وجدي رياض
د مصطفي كمال طلبه : انا عندي البيانات المتاحة اول رد بقوله ان عندنا عجز في المعلومات المتاحة للجهات اللي بتشتغل بتشتغل في ايه عندنا ابحاث منشورة بتجمعها وبنحللها زي اللجنة الدوليه بتعمل كده انما ليس عندي قاعدة بيانات باسماء العاملين الباحثين في مجال تغير المناخ في جميع المجالات سواء اقتصاد زراعة طب كل المجالات اللي احنا بنشتغل فيها دلوقتي ولدينا الكثير في ابحاث بتتعمل وفي دراسات بتتعمل في الزراعة في الموارد المائية تحليه مياه البحر كل الكلام ده لكن ليس لدينا قاعدة بيانات تعرف منها النواقص فين وايه اللي حقتنا نركز عليه ونسد هذه الفراغات ثم لما نعمل الكلام ده نشوف معندناش فلو س في البحث العلمي بياخذ اخر ذيل القائمة الاخ اللي قال ابننا العزيز اللي قال معندناش حتي وزير عندنا و زير دولة لشئون البيئة انا عاوز اقوله يا ابني امريكا مغيهاش وزير بيئة فيها رئيس الهيئة بتاعة حمايه البيئة الامريكية المسالة ان عندها سلطة احنا عندنا جهاز لشئون البيئة زيه زي هيئة حمايه البيئة الامريكية بس سلطاته يا دكتور /عمرو انه رئيس مجلس ادارة جهاز شئون البيئة لان الجهاز طبقا للقانون رقم 4 اللي اشار اليه الاستاذ نبيل و اللي عدل السنة دي سنة 2009 لتغليظ العقوبات على الذين يقومون بجرائم في قضية البيئة فاضل كل ده انت سئلت سؤال فين التنفيذ استاذ نبيل سال فين التنفيذ عندنا كمية من القوانين قابلة انها تنفذ ولا تنفذ وبرضه معرفش ليه
د /عمرو عبد السميع : حضرتك بحثت متعرفش ليه دي مع حد من المسئولين التنفيذيين الكبار ؟
د/ مصطفي كمال طلبه : ناقشت موضوع تغير المناخ بالذات مع السيد رئيس الوزراء وقلت له قلت له الكلام ده اني مبعرفش مين اللي بيشتغل قلت له ان احنا يبقي عندنا لجنة برئاسة وزير وفيها مجموعة من وكلاء الوزارات لا تقدم ولا تؤخر شيء لانه وكيل الوزارة هيرجع للوزير بتاعة وانا راجل عشت التجربة دي كنت وكيل وزارة ووزير وعارف الكلام ده ايه فانا قلت له يا حبيبي مطلوب لجنة برئاسة رئيس مجلس الوزراء وتضم جميع الوزراء المعنيين علشان ياخذوا قرارات اللي اشار اليها الاستاذ نبيل قلت له مع كل تقديري واحترامي لكل الوزراء مفيش حد منهم متخصص في قضية تغير المناخ ولا يعرف تفصيلها ايه فتنشاء في نفس الوقت لجنة فنية من 20 او 25 عالم في مختلف المجالات من علم النفس لغايه الارصاد الجوية لغايه الاستشعار عن بعد كل الكلام ده يجمعه نمرة واحد كل ما عمل في مصر ويجري في مصر حاليا من دراسات وبحوث
د /عمرو عبد السميع : وقالك ايه بقي يا دكتور مصطفي ؟
د مصطفي كمال طلبه : قالي انت بتلمس قضية شغلاني جدا جدا جدا ومن فضلك خلاي الكلام ده ابعته لوزير الدولة لشئون البيئة علشان يجيبة لنا في مجلس الوزراء وكتبت المذكرة ومحصلش حاجة تغير المناخ بقلنا حوالي اربعة اشهر
د /عمرو عبد السميع : كتبت مذكرة ومحصلش حاجة والنقاش مستمر وحالة الحوار قائمة وعلى لقاء ان شاء الله