اتجاهات

مسعد ابو ليلة : اعزائي المشاهدين السلام عليكم ورحمة الله وبركاته اهلا بحضراتكم الى هذه الحلقة الجديدة من اتجاهات في اثناء الاحداث الكبرى والمتسارعة التي تمر بها مصر الان يبدو الاعلام بشقيه اعلام الدولة والاعلام الخاص يبدو من اكثر الاشياء اختلافا عليها ودائما هو في مرمى نيران قائمة طويلة من الاتهامات تارة انه لا يستطيع ان يخرج من جلباب السلطة وتارة انه يتحدث باسم مصالح راس المال واجنداته المختلفة واحيانا بانه ينحاز الى صاحب الصوت الاعلى ايا كان موقعه اعلام الدولة او اعلام الشعب يبدو دائما في موقف لا يحسد عليه فالجميع ينتظر منه ان يكون معبرا عن توجهاته ومؤيدا لافكار ومواقفه وهو دائما تحت الميكروسكوب فك هذا الضجيج والجدل الدائر حول قضايا الاعلام لم نجدد في اعلام الدولة افضل من المهنية ملاذا امنا للحماية من كل اوجه النقد والخلاف وسوء الفهم احيانا او كذا نحاول .. نحاول ان نحرص ان نكوون الرا ي والراي الاخر في برامجنا وان تعذر وجد طرف لاي سبب من الاسباب يكون وجوده معنا عن طريق الهاتف رافعين شعار اعلامنا يبني ولا يهدم ولا يفرق نتحاور بلا اسفاف ونختلف بلا خسائر نصون حرية التعبير وندافع عنها ويظل اعلامنا دائما عاكسا لمصالح مصر وشعبها بالتاكيد لا نشجع على العنف ونسعى دائما الى مد جسور الحوار بين كل الاطراف نحترم اراء المخالفين ونتهج اساليب مهنية ومؤسسية رشيدة من اجل خير مصر وسلامها وا منها اعزائي المشاهدين يسعدني ان يكون معي في حلقة اليوم الاستاذ ياسر عبد العزيز الخبير الاعلامي ومن المفروض ان يكون معنا في هذه الحلقة ايضا الدكتور احمد سبيع المتحدث باسم حزب الحرية والعدالة ولعله يدركنا في هذه الحلقة ان شاء الله نواصل الحديث مع حضراتكم بعد الخروج الى هذا الفاصل
فاصل
مواطن 1: الاعلام بقى احسن من الاول .. الاول كان فيه تضليل دلوقت بقى بيجيب صوت وصورة بس الحمد لله دلوقت بقى فيه حيادية تامة
مواطن2: دلوقت بقى فيه كلام كويس بيتقال وبقى فيه صراحة وفيه بعض القنوات برضه مصرية ما بتجيبش اي صراحة بتتبع فصيل عن فصيل وناس ضد ناس
مواطن3: هي دلوقت بقى بتجيب صورة حقيقية من موضع الاحداث لكن الاول كان فيه تعتيم شوية عن الموضوع دا لكن فيه بعض القنوات الخاصة برضه اللي عايزة تتاجر بالام الشعب واحزانه ازيد من اللازم ويستضيفوا ناس من ايام الفلول ودلوقت عايزين يعملوا ابطال فدا غلط طبعا
مواطن4: دلوقت الاعلام متقسم فيه متحيز لجزء معين واعلام متحيز لجزء معين تاني وممكن تسمع لدا وتسمع لدا وتحتار تصدق مين فيهم
مواطن5: ناس بتتكلم عن الاخوان المسلمين وناس بتتكلم عن الليبراليين والواحد وصل الى مرحلة انه مابقاش فاهم اي حاية في اي حاجة يعني انا بروح من الشغل لبيت ما بقتش احب اتفرج على تليفزيون ومابقتش احب اتفرج على النت ولا عايز احب تفرج على اي حاجة عايز احس ان انا كده مغيب
مواطن6: الاعلام بتاع التليفزيون المصري قناة النيل والقناة الاولى والقنوات الارضية ممتازة من ساعة ما الحمد لله الرئيس مرسي ووزير الاعلام ظبط الدنيا
مواطن7: الاعلام دلوقت اصبح فيه حيادية وصدق واخلاص من ناحية اعمل ومن ناحية نقل الخبر كمان اصبح مفيش اي اتجاهات اخرى غير اتجاهات الري الصواب والكلام المظبوط
فاصل
مسعد ابو ليلة : نواصل حديثنا مع حضراتكم مع ضيفنا العزيز الاستاذ ياسر عبد العزيز الخبير الاعلامي استاذ ياسر تابعنا بعض ما يقوله المشاهدين نريد من هذه الحلقة ان نقول ونتحدث عن اعلام الدولة ولكن في نفس الوقت يهمنا التعليق على مايرد من السنة المشاهدين في نفس الوقت بنظرة خبير الاعلام المصري او اعلام الدولة بالتاكيد تعرض ضغوط شديدة في اوقات مختلفة والعنصر الخاص هو الحرية
أ. ياسر عبد العزيز: انا يوم الجمعة الماضية كنت اشاهد القناة الثانية من التليفزيون العام فكان برنامج بيجيب استطلاع راي في محيط قصر الاتحادية انا كتبت التعليق اللي قاله المواطن لاني نويت اني اكتب عنه مقال فساله انت ايه رايك في الاعلان ادستوري فقاله الاعلان دا ممتاز جدا وعظيم جدا قاله بس فيه ناس زعلانة منه قاله القوى المدنية زعلانة منه اذا هما خايفين يكتب طلب يقول ارجو الا يطبق الاعلان الدستوري علي والرئيس يوافق ويبقى خلاص مفيش مشكلة فالراجل دا فاهم اني اقدر اكتب طلب للرئيس مرسي استثنيني من تطبيق الاعلان الدستوري بتاع الرئيس مرسي فيوافق لي عليه فانا اقصد ان الكلام اللي بيتقال في استطلاعات الراي من هذا النوع انا لا اريد ان ابني عليه تحليل .. واحد بيقول ان الرئيس مرسي ظبط الاعلام .. الرئيس مرسي من ساعة ماجه معملش قرارات تجاه الاعلام الا محاولة لاستئثار والاستحواذ والسيطرة والقمع والتقييد ظبط ايه فطبعا انا مع احترامي للجمهور ومع احترامي لدور الجمهور في السياسة العامة
مسعد ابو ليلة : حضرتك بتتكلم في ناحية الاعلام اي قمع في الاعلام
أ. ياسر عبد العزيز: من ساعة ماوصل الرئيس مرسي الى الرئاسة ووصلت جماعة الاخوان المسلمين الى سدة الحكم واحنا في الاعلام بنواجه قصف عنيف جدا اولا بتترفع قضايا على بعض الصحفيين والاعلاميين وبعضها ترفع لمؤسسة الرئاسة وبعضها من الاخوان المسلمين وبعضها من الطرف الاخر
مسعد ابو ليلة : وفيه كمان على 3 قيادات كبيرة في حزب الحرية والعدالة اقصد ان الامور متعادلة
أ. ياسر عبد العزيز: يبقى الرئيس نزل من مقام الرئاسة ونزل يلعب في اشارع مع اللي بتلعب في الشارع ..لا لا .. رئاسة الدولة لها وضع وظروف معينة في حرية الاعلام ويجب ان تحتفظ بالعلم بحريته ما تنزلش تلعب مع الناس في المسائل بتاعة الدعاوى المتعادلة قرار مثلا بمنع بث الهواء من استوديو دريم القضاء الاداري بعد كده عطله لفترة مؤقتة
مسعد ابو ليلة : دريم ناحية قانونية وليست اعلامية
أ. ياسر عبد العزيز: ناحية ادارية طب لما السلطة دلوقت تخش في سواتر وادوات .. هو راجل معه استثناء بالبث من استوديو معين وكتب مركز قانوني معين انت مش عاجبك ذا الاستثناء روح ارفع معاه قضية
مسعد ابو ليلة : هما امهلوه مدة عشان يوفق اوضاعه
أ. ياسر عبد العزيز: لكن القرار التاني انه شكل المجلس الاعلى للصحافة بتشكيل لم ترض عنه الجماعة الصحفية وعارضته واعاد تكريس الصلاحيات القانونية الموروثة من عهد مبارك ولما عمل مجلس الشورى بيهيمن عليه تيار معين عمل شئ ماعملوش حسني ميارك انه ابعد رئيس تحرير في احدى الصحف القومية بدعوى انه عمل مشكلات من نوع معين مثال عين وزير ينتمي الى الفصيل السياسي الحاكم ودا بيتنافى مع فكرة انه الاعلام يتحول من اعلام حكومة الى اعلام شعب او دولة وانت لما تحب تدي فكرة انه هذا الاعلام لما يتحول الى اعلام شعب والى اعلام جماعة وطنية مش اعلام جماعة معينة فانت مش لازم تعين حد بينتمي الى الجماعة ليس هذا فقط ولكن الجمعة التاسيسية الي بيهيمن عليها التيار اللي الرئيس بينتمي اليه الجمعية التاسيسية عملت سلوك حيال حرية الصحافة والاعلام يمكن وصفه بانه عدائي وبالتالي الجماعة الصحفية والاعلامية انتفضت ورفضت ما يحدث من خلال الجمعية التاسيسية بدليل انه مجلس نقابة الصحفيين قرر ان هو ينسحب من الجمعية التاسيسية بدليل انه عدد من مستشاري الرئيس اللي بينتموا الى الجسم الاعلاني ايضا استقالوا والغرض اللي بيتقال للمواطن العزيز اللي بيقول كده الاوضاع على صعيد حرية الراي والتعبير
مسعد ابو ليلة : استاذنك استاذ ياسر الدكتور مراد محمد علي المستشار الاعلامي لحزب الحرية والعدالة معنا عبر الهاتف دكتور مراد مساء الخير ..حضرتك سمعت ماقاله الاستاذ ياسر
د.مراد محمد علي: الحقيقة انا هرد على ماذكره من اعتراضه على وزير اعلام ينتمي الى حزب الحرية والعدالة ونحن نحترم كل الاراء بس المعتاد لمايكون عندنا عملية دبموقراطية شئ طبيعي ان الوزراء ياتوا من احزب الذي يحصل على الاكثرية ومع ذلك انا عايز اؤكد على ملاحظتين الملاحظة الاولى ان الدكتور مرسي عرض وزارة الاعلام على شخصيات مستقلة قبل ان يعرضها على الاستاذ صلاح عبد المقصود والمعلومة التانية انه سياسة الاستاذ صلاح عبد المقصود النهاردة الدكتور ياسر عبد العزيز ضيف على التليفزيون المصري يتحدث بكل الحرية ويهاجم فيها سيادة الوزارة وبيهاجم الوزير ويعرض وجهة نظره ومعتقدش ان حد اعترض على دا خالص عشان دا حقه التليفزون المري دا الاستاذ ياسر عبد العزيز يملك فيه زي ماكل المصريين يملكوا فيه ووجود وزير على راس هذه المؤسسة
أ. ياسر عبد العزيز: يادكتور احنا بنتكلم في موضوع كبير جدا بنتكلم عن حرية الاعلام في نص فانا كنت بعد مجموعة من العوامل التي ادت الى قلق الجماعة الوطنية والجماعة لما بنتكلم على المجلس الاعلى للصحافة ونعين رؤساء تحرير صحف قومية او مجلس الشورى اللي هو الغرفة التانية في البرلمان كنا بنتكلم على اجواء استهداف بعض الاعلاميين والصحفيين من خلال قضايا ترفع عليهم من قبل جهات معينة بنتكلم على اجواء معينة من ضمن هذه الاجواء يجي موضوع تعيين وزير ايدلوجي او ينتمي الى اي تيار ايا كمان اسمه كنا بنقول انه رما كان افضل انه اعلام الدولة لا تتحكم فيه الجماعة الغالبة او الحزب الغالب لان الاعلام مش من المناصب اللي ممكن يظهر فيها والاحسن انه يبقى من التيارات الاخرى ؟.. ممكن نقبل الديموقراطية انه يتعين فيها اعضاء من الحزب الغالب او احزب صاحب الاغلبية ولكن بما انه عندنا اعلام واستراتيجية ورؤية لتحويله الى مرفق عام موضوعي ومتوازن فكان من الافضل ان احنا نمشي في خطة تانية
د.مراد علي : ودا كان اتجاهنا ولكن لم يتحقق انه كثير من الشخصيات المستقلة تم عرض المنصب عليها وللاسف الشديد لما جينا نشكل الوزارة لم يحدث تعاون كامل من اتيارات الاخرى وفضلوا ان يظلوا في مقاعد المعارضة مع احترامنا لهم كنا كنا نتوقع انه بعد نجاح مرشح الثورة وهنبدا مع بعض صفحة جديدة ونشيل البلد مع بعض لكن البعض فضل ان يظل في مقاعد المعارضة على انه يبني معانا البلد ونحترم رغبته وفيه اشاعات ونشرتها بعض الصحف وقتلت انه بعض مستشاري الرئيس الاعلامين استقالوا الاستاذ ايمن الصياد وهذه المعلومات عرفتها من هذه الشخصيات نفسهم كذبوها وقالوا ان الكلام دا غير صحيح وبعض وسائل الاعلام لا تلتزم الحيادية . الاعلام يجب ان يكن حرا وموضوعا وحضرتك تتذكر يادكتور ياسر اه كان بينا حوارات وان احنا نساند وجود هيئة مستقلة لادارة الاعلام القومي والتليفزيون المصري تحت رئاسة وزير ينتمي الى الاخوان نحن نؤمن في حزب الحرية والعدالة بما تؤمن به الجماعة الوطنية من حرية للاعلام وحرية مطلقة تحددها القواعد واحنا قلنا في برنامجنا ان الحزب ينتظر ان يكون الاستاذ صلاح عبد المقصود هو اخر وزير للاعلام ونحن لا نرى ان تكون هناك سيطرة حكومية على مؤسسات الاعلام ولكن ان يكون هناك مجلس اعلى او مجلس وطني يديره اهل المهنة ويتم اختيار اعضاؤه بطريقة ديموقاطية ولكن في النهاية اللي احنا عايزين نعمل عليه تاكيد مرة تانية ان احنا نؤمن بحرية الاعلام عشان نحافظ عليها ولكن في نفس الوقت عايزين نعترف بحاجة انه الاعلام اصابه ما اصاب ناس كتير من المهن مااصاب النظام السابق اي ان النظام اسابق لمدة 30 او 40 سنة افسد كثير من المهن واوجد فيها خلل في بنيتها بحيث انه بقى فيها اخلاقيا لا تجوز انا شخصيا مررت بتجارب عديدة كنت اطلق تصريحا الاقي التصريحات يتم تحويرها وتنزل في مانشيتات غير حقيقية وعندما اشتكي اى رئيس التحرير وغيره لم يتم التعديل وايضا التليفزيون في بعض البرامج التليفزيونية مابقولش كلها وكيف يتعامل في طرح المواضيع بحيث انه يطرح لموضوع من وجهة نظر واحدة وليس من وجهة نظر الراي والري الاخر ولما نشوف في بعض المجلات وبعض البرامج كيف يخلطوا مابين الخبر ومابين الراي هتلاقي حضرتك المانشيت الرئيسي الموجود في جريدة او في مجلة دا مش خبر نقطة اخيرة علشن تصحيح كمعلومة وهي قضية دريم ودي لام تكون واضحة دريم من اكثر من سنة ونص تعاقب عليها وزرا متعددين لتصحيح اوضاعها انهم مستثنون هما وقناة اخرى بيبثوا من خارج مدينة الانتاج الاعلامي مما ضيع اكتر من 150 مليون جنيه على ميزانية الدولة يعني رجل اعمال صاحب هذه القناة ليس في حاجة الى هذه الاموال بدل ما ييجي يدفع الفلوس دي الي هتصرف بعد كده على الغلابة وعلى التعليم وعلى الموظفين الفقرا هو مش محتاج ال150 مليون جنيه هو ملياردير .. لا بدل ما يتاثر بيها رئيس القنوات ويذيع من داخل مدينة الانتاج الاعلامي تحالف بشكل او باخر مع النظام السابق واعطوه استثناء وقالوه خلاص ذيع من برة وفيه قناة لرجال اعمال اخوان طلبوا من وزير الاعلام الاخواني انه يعطوهم استثناء فوزير الاعلام الاخواني رفض ان يعطيهم استثناءات وقال انه الاستثناءات سيتم تصحيحها فقناة دريم واخدة تنبيه من اكتر من سنة وجالهم اكتر من انذار مكتوب ولكن في الاخر لم يستجيبوا فتم تصوير الراجل وكانه تكميم افواه هو ليه عايز يبقى على راسه ريشة وياخد امتيازات وياكل حقوق المصريين ولو حاولت استراجاع ملايين الجنيهات اللي بتدخل جيوب مش محتاجها يتنقل الموضوع الى حرية العام ومصادرة راي وما الى اخره طب ماهي قناة سي بي سي بتهاجم الاخوان وموضوع دريم مالوش اي علاقة بالمواقف الايدلوجية
مسعد ابو ليلة : شكرا دكتور مراد المستشار الاعلامي لحزب الحرية والعدالة شكرا جزيلا
أ. ياسر عبد العزيز: احنا بنتكلم على جوهر الازمة اللي موجودة في مصر الان في قطاع الاعلام وفي الاعلام عموما وفي القطاع الوطني ايضا جوهر ازمة و غياب الثقة اللي قاله الاستاذ مراد دا كلام ممتاز جدا ولا احد يستطيع ان يجادل فيه وكن لما تيجي لواحد زي حالاتي انا وتقوله هذا الكلام فهيفتكر ان الاخوان المسلمين كانوا بيشاركوا في ثورة 25 يناير وانهم قوى وطنية عندهم كفاح وطني عريض جدا وانها قوى وطنية ربما كانت مضطهدة على مدى 6 عقود في الاعلام العام لكن هيفتكر برضه ان جماعة الاخوان المسلمين مثلا وعدت انه ايد واحدة مع الثوار في الفترة من 25 يناير اى 11 فبراير وبعد كده اتكلمت عما يسمى بتطبيق الشريعة هيفتكر ان جماعة الاخوان قالت هنخش كمشاركة لا مغالبة 30% من البرلمان او 40% وبعدين نافست على كل المقاعد وهيفتكر انه الاخوان المسلمين كانت مع اجراء تعديلات على دستور 171 وضد تماما مطالب الجماعة الوطنية وضد تماا انشاء دستور جديد وانها دعت اعوانها وانصارها الى التصويت في هذا الاتجاه وهيفتمر في جحماعة الاخوان قالت انها لن ترشح الى رئاسة الجمهورية وبعدين رشحت الى رياسة الجمهورية وهيفتكر الدكتور محمد بديع مرشد جماعة الاخوان المسلمين فيما يشبه التوجيه الاستراتيجي وصف الاعلاميين بانهم سحرة فرعون وقال ما نصه ان الشيطان يوسوس هم همنا انا بفهم التوجيه الاستراتيجي لجماعة تجاه المجال الاعلامي ايضا هتلاقي قيادي كبير في حزب الحرية والعدالة زي الدكتور عصام العريان لما بيتهم مذيعة على الهواء مباشرة بانها تتقاضى اموال الاخوان ظلمت في المجال الاعلامي ولكن لديها نزعة ثارية ظهرت في التأطير الاستراتيجي اللي قاله المرشد لما قال ان الاعلاميين سحرة فرعون نمرة واحد
مسعد ابو ليلة : بس دا من حق اي مواطن اشمعنى الدكتور بديع
أ. ياسر عبد العزيز: هو انا مش بقول من حق اي مواطن!! انا بشرحلك ازمة الثقة جت منين هنا لما تيجي ازمة الثقة نبتدي احنا نقول ليه مجلس الشورى يعين رؤساء تحرير الصحف القومية وهيعينهم باي طريقة ليه وزير الاعلام ينتمى الى جماعة معينة ونبتدي نتحسس ليه تطلع هذ القرار ضد دريم في هذا الوقت وهي وقت غير ملائم سياسيا في وقت الرئيس مرسي بيوجه تهديدين سافرين الى المجال الاعلامي في لقاءين جماهيرين وبيتكم عن فضائيات معينة والفضائيات دي بتشتغل على تحقيق الفوضى فانا الاقي توجيه استراتيجي من القيادة الروحية او اللي على راس الاخوان المسلمين بلاقي راس السلطة التنفيذية في الرئيس مرسي يستهدف المجال الاعلامي بلاقي الجمعية التاسيسية لا تتجاوب مع مطالب الجماعة الصحفية فيما يتعلق بتحصين العامل الصحفي والمجالات الصحفية والاعلامية وبلاقي اضافات في مسودةالدستور يمكن ان تكون محل جدل كبير في موضوع الاعلام بتنشا حالة من عدم الثقة فمانقدرش نتفاهم مع بعض عندنا مشاكل مع الدستور انا اقدر اكلمك عنها كويس لاني حضرت الجمعية التاسيسية اكتر من 5 جلسات
مسعد ابو ليلة : معانا الاستاذ ياسر عبد الرافع عضو اللجنة الاعلامية بمجلس الشعب المنحل استاذ ياسر السلام عليكم.. هل لك تعقيب مما تفضل بيه الاستاذ ياسر
أ. ياسر عبد الرافع: هو الاستاذ ياسر عبد العزيز بيلقي اتهامات على الهوا وفي الاخر يقولك اللي يرد يرد ودا حال الاعلام الناس بتطلع اشاعات واللي يرد يرد اديني بسوأ سمعة الناس .. النقطة الاولى اللي اتكلم عنها الاستاذ ياسر وهي عن تعيين مجالس ادارات الصحف القومية واحد من رؤساء مجالس الصحف يوم الحد اللي فات بعد ماتم وقف الحرب بين غزة واسرائيل كل الصحف القومية بتاعتنا تاني يوم في الجرنان الصبح المختبرات العامة في وقف الحرب بين غزة واسرائيل ولم تذكر جريدة واحدة م الجرائد القومية اسم الدكتور مرسي ولا قوته وا فرض رايه على العالم كله لوقف الحرب بين غزة واسرائيل في حين ان كل الوسائل الاعلامية في كل الصحف وفي الصفحة الاولى بتاعتها الواشنطن بوست والنيويورك تايم الجرائد دي تصدرت الخبر بتاعها في حين تجاهلت الصحف القومية هذ الخبر الكبير تاني حاجة ان الوزير من الاخوان هوالحقيقة انا شخصيا اعترض على الاستاذ صلاح عبد المقصود وزرته اكتر من مرة وقلت له يا استاذ صلاح اه فيه لسه قوى من قوى الفلول تسيطر على مبنى الاذاعة والتليفزيون واحنا محتاجين تطهير ودا مطلب بنقدمهولك باوراق ومستندات النهاردة لما الاقي قناة زي النيل الاخبارية بتحارب التيارات الدينية حتى المساحة اللي فيها بعض الحرية في قنوات التليفزيون المصري الاستاذ ياسر عبد العزيز جاي حضرته بقامته العظيمة وعايز يزنقنا في هذه المساحة ويرجعنا شوية ورا ويخلي فيه نوع من التراجع الحالة الاخيرة في المداخلة فتح موضوع دريم وكشف تماما الموضوع وبرضه الاستاذ ياسر .. استاذ ياسر انا بفكرك بس ان الاخوان المسلمين وحزب الحرية والعدالة بعد الثورة لما دعوا لاكاديمية السادات وطلبنا حضرتك تحديدا بالاسم علشان تدي دورة لينا في الاعلام وحرية الاعلام انت رجل ذو قامة عظيمة في العالم العربي وكلامك معروف فما ينفعش انه انت جاي تتكلم عن الاعلام وكيفية ممارسة الاعلام الصحيح وتنحاز انت راجل خبير وراجل مهني فما ينفعش الايدلوجية بتاعتك تطغى على الحلقة وتوجه نظرك ان نت ضد الرئاسة او ضد اتجاه الاعلام او ضد المرشد لانه دي ليها مجال اخر غير مناقشة المادة الاعلامية النقطة الاخيرة انا بالقي النهاردة انه معظم فلول الحزب الوطني موجودين في القنوات المصرية وفي قلب ماسبيرو احنا بنقول انه احنا كحرية وعدالة مش عايزين اعلام خاص بالحرية والعدالة ولا عايزين اعلام خاص بالتيارات الاسلامية احنا عايزين اعلام يقدم الراي والراي الاخر لكن للاسف بنلقي المهاجمة اخر نقطة فين بقى السيطرة الاعلامية من الحكومة والاخوان لا يطلع عمرو اديب ويقول على رئيس الجمهورية ويقوله انت رئيس فاشل لما يطلع وائل الابراشي يطلع يقول لوزير الاعلام انت وزير كداب لما ابراهيم عيسى شغل ليل ونهار ردح للاخوان المسلمين لما لميس الحديد ليل ونهار سب وقذف للاخوان المسلمين لا شفنا قنوات اتقفلت بل ان احنا الحرية والعدالة بيتم اقصاءنا من كل المواقع الاعلامية انت عندك مبنى فيه 43 الف موظف محترم ومذيع ومعد قولي كام واحد منهم ينتمي الى جماعة الاخوان المسلمين عشان كده التليفزيون المصري
مسعد ابو ليلة : شكرا استاذ ياسر عبد الرافع..
أ. ياسر عبد العزيز: على فكرة انت مش مديني فرصة اتكلم لو حد من برة احسب انا جيت اد ايه وانا ضيف في الاستوديو مع المكالمات والمقاطعة بتاعتك غير الموضوعية الحصص التليفونية اكبر من حصص ضيف الاستوديو المقاطعة بتاعة حضرتك غير الموضوعية اخلت بمسار حديثي رقم تلاتة ودا الاهم انه انا مش جاي برؤية هجومية عشان تجيب لي حد يدافع لو انت كنت سبتني
مسعد ابو ليلة : انا تدخلت لما حضرتك دخلت مم المنحى الموضوعي الى المنحى غير كده ما تدخلتش
أ. ياسر عبد العزيز: يا سيدي الفاضل مفيش ظاهرة اعلامية يمكن تناولها بمعزل عن اطارها السياسي انا بقول انه فيه ازمة ثقة في الجماعة الوطنية المصرية مع التيار الحاكم الان ازمة ثقة انعكس على موضوع الاعلام عايز تسالني عن الاداء الاعلامي الي اتكلم عنه الاستاذ ياسر او الدكتور مراد اه الاداء الاعلامي خضع لتجريف زي بقية الموجود فيه تجريف كبير بيرتكبها الاعلام وفيه اخطاء اعلامية بيرتكبها الاعلاميين نعم يرتكب الاعلاميون الاخطاء يوما بعد يوم الاخطاء دي ممكن تكون خطيرة نعم خطيرة حائط الاعلام مائل..؟ نعم حائط الاعلام مائل لكن حيطان السياسة مايلة وحيطان العسكرية مايلة والامن مايل والمحاماة مايلة وحيطان القضاء مائلة مش كل الانشطة في مصر السياسية جيدة جدا والاعلام هو الحياد اللي غلطان هل الجماعة الغالبة اللي جاية للحكم لديها رؤية اصلاحية في المجال الاعلامي تقديري انا .. لا.. هل حصلت على وجهات نظر او مشاريع متكاملة من الجماعةالاعلامية لكي تعيد بناء النظام الاعلامي لمصر على اسس الحرية والتنظيم الذاتي والضبط واخضاع العام للتقييم نعم حصل .. هل تعاملت مع هذه الرؤى بشكل يفعلها ..لا.. اللي انا شايفه انه كان فرصة لاصلاح المجال الاعلامي المصري وتحرير وسائل الاعلام المملوكة للدولة واللي انا شايفه انه لاسباب عديدة رات جماعة الاخون المسلمين ان تكرس لاوضاع نفسها في المجال الاعلامي المصري عبر نصوص لا تلبي طموحات الجماعة الصحفية في مسودة الدستور وكانت النتيجة ان الجماعة الصحفية انسحبت من هذه المسودة وعبر ممارسات على الارض من خلال السيطرة على وسائل الاعلام المملوكة للدولة والصحافة المطبوعة اللي بيسيطر عليها مجلس الشورى اللي بيهيمن عليه الاخوان المسلمين وعندنا اتحاد الاذاعة والتليفزيون اللي بيهيمن عليه جماعات الاخوان المسلمين وعندنا ايضا سلطات ادارية دى الدولة هذه السلطات موجودة في يد الاخوان المسلمين في الهيئة العامة للاستثمار وفي النايل سات وفي منطقة المدينة الحرة انا شخصيا بسبب ازمة الثقة اللي حاولت اشرحها لسيادتك مش مرتاح لانه سلطة واحدة في البلد تهيمن عل المجال الاعلامي دون ان يعني ذلك ان الاعلاميين لا يخطأون .. الاعلامين يخطأون والاعلام يخطئ ونحن لدينا وسبة لضبط الاداء واخضاعه للتقييم وهذه الطريقة لم تبناها جماعة الاخوان المسلمين حتى الان
مسعد ابو ليلة : تمام ونكتفي برد الاستاذ ياسر
أ. ياسر عبد العزيز: لا هما ماقالوش رد هما قالوا اكتر من رد
مسعد ابو ليلة : استاذ ياسر احنا بنتكلم على الاعلام كيف ننهض بالامة خاصة وقت الازمات كيف ترى صورة الاعلام الان سواء اعلام الدولة او الاعلام الخاص في تناوله للازمات الكثيرة التي مرت بها مصر وبيست الازمة الحالية
أ. ياسر عبد العزيز: الاعلام في اوقات كتير بيبقى صانع ازمات ومبتكر ازمات لانه الاعلام صناعة وحال صناعة الاعلام في مصر تختلف عن الصناعات الاخرى احنا عندنا مشاكل والاعلام كصنعة بيخضع للمشاكل والاعلام هو نشاط انساني اديك شايف ازمة الثقاتة في المجتمع المصري والكل بيخون بعضه والكل بيخاف من بعضه والكل عنده حدة تجاه الاخر مفيش طريقة موضوعية للنقاش المشكلة التالتة انه متصوران الاعلام هو مخلوق لذاته يعني انه الاعلام بينبت لوحده لا هوالاعلام تعبير واجتماعية وسياسية معينة يعني الرئيس محمد مرسي رئيس الجمهورية كان مستثمرا اعلاميا وهو يمتلك حصة في قناة مصر 25 وهذا يعني انه ذهب الى الاستثمار في مجال الاعلام جماعة الاخوان المسلمين ايضا هي مستثمر اعلامي لانها تمتلك حصص .. حزب الحرية والعدالة يمتلك حزمة في وسائل الاعلام والمواقع الالكترونية المنتشرة الكبيرة جدا في التيار الاسلامي اقصد لا تعيب على من يطور تعبيرا اعلاميا للتعبير عن مصالحه طيب احنا قررنا ان كل قوى اجتماعية او سياسية راغبة وقادرة في انشاء تعبير اعلامي تنشا تعبيرا اعلاميا بدليل ان احنا كمان بننشئ طيب افرض ان التعبيرات دي كانت منحازة التعدد بيعالج الانحياز طب افرض انت التعبرات دي تتعدد الخطوط وصنعت ازمات زي ما بيحصل دوقت او اججت ازمات لازم تطبق قواعد ضابطة .. مين اللي يحط قواعد ضابطة من السلطة مش الحكومة مش الجماعة مش مجلس اشعب لا جهاز مستقل يعبر عن المجموع العام ويكون مقوامه مبني على الجماعة الاعلامية نفسها فتنشا الية للتنظيم الذاتي فينضبط الاداء وتقل المخالفات هي دي الرؤية اللي انا متاكد ان انا عرضتها على كل صاحب امر في هذا البلد وانه لم يبد اعتراضا جوهريا عليها ولكن ليست هناك رغبة لتفعيل هذا المشروع
مسعد ابو ليلة : سيداتي وسادتي يسعدنا ان ينضم الينا في الحوار معكم الاستاذ احمد سبيع المتحدث الاعلامي باسكم حزب الحرية والعدالة كنا بنتحدث مع استاذ ياسر وطبعا ان فيه مداخلة من استاذ ياسر عبد الرافع ودكتور مراد محمد علي في الاعلام ونحن نتكلم عن الاعلام وكيف ياخذ مصداقيته ويكون على مستوى الاحداث اللي بتشهدها مصر خاصة بعض ما نسميه بالازمات الي مكن تكر بالمجتمع وما نشهده حاليا
أ. احمد سبيع: الاستاذ احمد سبيع المتحدث الاعلامي باسم حزب الحرية والعدالة يعني لما نتحدث عن المجال الاعلامي انا اتحدث بلسانين فانا من اسرة اعلامية وعضو نقابة صحفيين وفي نفس الاطار امثل تيار اسلامي او اتجاه اسلامي الحقيقة انا شايف الاعلام عندما اطلق عليه الرئيس السادات سلطة رابعة مالم يكن متجاوزا في ذلك هو الفعل سلطة كبيرة جدا تستطيع ان تقوم بتوجيه المجتمع او نشر افكار محببة في المجتمع وبيسموها صناعة الافكار وللاسف مصر بدات من 2001ثم انشاء قناة فضائية خاصة لرجال اعمال وصحف ودي لعبت دور كبير في تشكيل الوعي العام المصري
مسعد ابو ليلة : بالمناسبة استاذ ياسر اشار الى عدد من اعضاء حزب الحرية العدالة اسهمت في جهات اعلامية او قنوات اعلامية
أ. احمد سبيع: لا قناة مصر 25 دي كانت بالاسهم بس لا غير
أ. ياسر عبد العزيز: دكتور محمد مرسي ان يوما مستثمرا في قناة 25
أ. احمد سبيع: اه دا كان الدكتور محمد مرسي باعتباره عضوا في مكتب الارشاد وهو المشرف عى هذه القناة وكنا عايزين اسهم وهو كان مشارك بالاسهم .. فهنا الازمة انه تلون بلون الاعلام عندما يكون محايدا وموضوعيا هو ما يزعلش حد وبيمسك العصاية من النص عشان يبين كل الاراء لكن احنا عندنا الاعلام المصري بدات تظهر فيه الالوان السياسية وهذا الكلام ممكن ان يكون مستباحا لصحف المعارضة على اساس ان صحف المعارضة تمثل لسان حال حزبها بينما الصحف المستقلة اوالصحف الخاصة والصحف اقومية او المؤسسات الاعلامية ماليش دعوة بالتليفزيون او اي جهة غير خاضعة لراس مال حزبي ويجب ان تتحدث بلسان الجميع وبالنسبة للازمة الاخيرة الاعلام أجج الازمة بشكل كبير نسمع كل شوية عن خبر بينزل على شرايط الاخبار العاجلة والقنوات الفضائية ليس له اي اساس من الصحة
مسعد ابو ليلة : السلبيات الي اشار اليها الاستاذ احمد هل رصدت منها وانا يهمني هنا الاعلام المصري باعتباره يخصني انا وانت رصدت الوزير الاخواني الموجود هل رصدت اي سلبيات
أ. ياسر عبد العزيز: انا منفتح على اي شخص او اي جماعة فانا معنديش اي مشكلة في هذا الصدد الا مشكلة واحدة بس انا بدعو جماعة الاخوان المسلمين وحزب الحرية والعدالة اذا كانت لديها رؤية اعادة بناء النظم الاعلامي المصري على اسس تحد الممارسات الضارة .. ليه بستخدم كلمة يحد لانه مفيش نظام في العالم مفيهوش ممارسات ضارة في الممارسة الاعلامية حتى الولايات المتحدة وفرنسا وبريطانيا هناك حالات لخرق ممارسات اعلامية في كل العالم فيه فضائح وفيه مشاكل كبيرة جدا فاذا كانت جماعة الاخوان تريد ان تنشئ نظامات يخفض ويحد من الممارسات الضارة واعرف انها خطيرة جدا وكارثية في قطاع الاعلام لدينا رؤية اذا اردنا ان تتضمنها اهلا وسهلا ولكن ما اراه حتى هذه اللحظة ان الجماعة بتشتغل على قديمه
أ. احمد سبيع: لا هو انا اتخيل ان جماعة الاخوان المسلمين ليست المسئولة عن تبني الرؤية ولكن المجتمع انا معجب جدا بفكرة تطوير الاعلام والاعلام الذاتي وكيف يقوم الاعلام بدوره التوجيهي وايضا في نفس الوقت دوره اللي بيحافظ على اطار المجتمع القصة هنا مش قضية جماعة ولا دولة هتحط قانون .. لا .. القصة هنا مسئولية من الاعلام يقابلها رقابة ذاتية من الشعب والشعب لا يستطيع ان يقيم الاعلام او يوجهه الاعلام يجب ان يتحلى او يتخلى ويبتعد وينزع ثوب راس المال حتى يستطيع ان يلبي طموحات الشعب المصري والاعلام الحكومي العام مهم جدا مش اعلام قليل بينما الاعلان الخاص فراس المال هواللي بيحدد السياسة التحريرية بهذا الشكل يخدم على مصالح انا قد تكون ضارة بالبلد ولكنها ممكن ان تفيده في مصلحة وهناك رؤى كثيرة مقدمة .. رؤية نقابة الصحفيين عندما تقدم رؤى فانها تقدم رؤى ايدلوجية وليست رؤية مهنية
مسعد ابو ليلة : نشكر الاستاذ ياسر عبد العزيز الخبير الاعلامي ونشكر الاستاذ احمد سبيع المتحدث الاعلامي باسم حزب الحرية والعدالة شكرا لكم والى حلقة جديدة من اتجاهات