خيرى حسن : سيدا تى وسادتى السلام عليكم ورحمة الله وبركاته اهلا بكم مع حلقة جديدة فى مساحة للراى موضوع النهاردة موضوع مهم جدا لما تكون هيبة الدولة معلقة فى رقبة مباراة لكرة القدم مثلا يبقى فى حاجة غلط لما تستنفر قوات الجيش والشرطة لتامين مباراة بلا جمهوريبقى فى بردوا حاجة غلط يبدو ان هذا الوضع ليس الوحيد الذى تعانية الدولة فمن يطالع الصحف يكتأب من كثرة الاخبار والاضرابات والاحتجاجات صحيح ان المطالب مشروعة ولكن لماذا نهدر الملايين فى وقت الاقتصاد والشعب فى حاجة الى كل جنية يدخل خزانة الدولة هل من وسيلة للتعبيرعن الراى والمطالبة بالحقوق بعيدا عن الاضرابات وتوقف العمل لماذا لا نفعل كما يفعل اليابانيون مثلا يعلنون عن مطالبهم المشروعة ولايتوقف العمل لثانية واحدة هل نحن اصبحنا فى تيارات الوقت نبذر فيه كمانشاء عموما هذه الاسئلة نطرحها فى حوار لمساحة للراى اليوم مع الكاتب الصحفى الاستاذ علاء عبد الهادى مدير تحرير الاخباراهلا بيك استاذ علاء الاستاذ/ علاء عبد الهادى : اهلا بيك خيرى حسن : فى البداية استاذ علاء يعنى نقول هل من طريقة اخرى غير لى دراع دولة فى المطالبة بحق الاستاذ / علاء عبد الهادي:اكيد اكيد خيرى حسن : واشمعنا اليومين دول ؟ الاستاذ/ علاء عبد الهادى : خلينى ابدا باشمعنا اليومين دول منذ انتخاب دكتورمحمد مرسى رئيسا للجمهورية جاء بمجموعة من الوعود البراقة والجميلة اللى على اساسها حاز بثقة المصريين واصبح رئيسا للجمهورية ومرت الايام الاولى للمائة يوم اللى هى وعد فيها السيد الرئيس بتحقيق انجازات على الارض ولم يحدث شيئا خيرى حسن : نعم الاستاذ/ علاء عبد الهادى : فبدا المواطن يستشعر خطرا على ما قد يراه المصريين عنهم شكوك كثيرة فى اى قطاع من القطاعات ستجد ابسط الناس لهم حقوق انا وانت لنا حقوق اللى حصل انوا حصل تراجع بعد انتخاب الدكتور محمد مرسى فى وتيرة المطالب الفئوية وبدأت تتجة الى ديوان المظالم فكرة نبيلة وجميلة مفيش خلاف عليها ان هى تنشد العدل لكن انا كان ليا ملاحظة تتعلق بانوا ليس لو انت دورت كده على 90 مليون مصرى هتلاقى كل واحد فينا عنده مشكلة ليس من المنطقى ولا من المقبول ان اطرق باب رئيس الجمهورية بحثا عن حل لمشكلتى الحل القاطع الناجز فى وجة نظرى ان تكون فى كل محافظات الجمهورية دواوين للمظالم وان كنت حتى باعترض على انشاء جهاز اخر جديد انا اشوف الخلل فين واعملة لكن اؤنشئ ديوانا للمظالم وكان عندى اجهزة للرقابة الادارية ماذا تفعل وعندى اجهزة امنية اخرى احنا نبحث عن حلول الحلول لا تكون بانشاء جهاز جديد سيترهل بعد فترة خلينى ارجع للنقطة اللى انا بدات منها خلينى اقول الناس استشعرت انوا الحل ان هى تروح لرئيس الجمهورية وبدأوا يطرقوا باب رئيس الجمهورية بدأت الامور شيئا فشئ تزداد سوءا حتى عجزت مؤسسات الرياسة عن استقبال هذه الاعداد الكبيرة بعضها انجز يعنى اتخذ فيها قرارات والبعض الاخرانت امام سيل الدكتور ياسر على تحدث عن ارقام مفزعة فبدأ المواطن المصرى بفطنتة يعرف انوا ان حصل وصل ديوان المظالم الى مرحلة التشبع فبدا يعود مرة اخرى الى الشارع بحثا عما قد يراه حقا له فبتاكيد اذا بحثت انت فى اى قطاع من القطاعات هتلاقى الناس كلنا مظلومين لكن هل اليس من المطلوب ان احنا نعطى لرئيس الجمهورية فرصة ليعطى لهؤلاء حقوقهم كيف سيعطينى حقى الدكتور مرسى هيدنى حقك وحقى فى ايه اذا كانت خزانة الدولة تعانى من مشاكل اصبح رجل الشارع البسيط يعرفها ابسط الناس اللى ما بهتموش بالسياسية بقى عارف ان احنا دلوقتى رحنا لصندوق النقد الدولى رغم انوا الاخوان قبل ما يجوا كانو رفضين هذا القرض والان طلبوه لان استلمواالمهمة وعرفوا حقائق الامور هل انا اخذ القرض ده علشان افتته فى مرتبات كانك بترمى خيرى حسن : فى اولويات الاستاذ/ علاء عبد الهادى : الاولويات انا فى وجة نظرى الاولويات هى التى تقيم دعائم دولة قوية تستطيع انك تعطى فرصة للرئيس الجديد انوا يكون فى استتباب للامن تبدأ عجلة السياحة تدور تبدأ عجلة الاستثمار تعود وبعد كده تبداالامور عندى عائد يستطيع ان يعيد توزيعة الان بقرة نضب درعها ومعدش فى فاحنا يجب ان نعطى الرئيس فرصة ولا نغالى فى الاحلام الوردية لانوا هذا يجعل الناس تتجرأ على الدولة يعنى ما حدث امس وامس الاول بالنسبة لاضراب بالمطار والضيافة لهم كامل الاحترام لحقوقهم لكن انا اعترض على هذا الاسلوب اللى فيه الليى لزراع الدولة هم فى هذه الحالة لا يتفاوضون خيرى حسن : فى حاجة كمان يا استاذ علاء ده مش تفاوض الاستاذ/ علاء عبد الهادى : طبعا لما اطعن بلدى خيرى حسن : اه الاستاذ/ علاء عبد الهادى : بمقتل وطلبات يمكن خفيفة يعنى الخسائر اذا قورنت بالخسائر يعنى احنااذا اتكلمنا بالخسارة المباشرة للادارة هم كان خمسين مليون لكن الخسارة غير المباشرة اللى حضرتك بتتكلم عنها كل من احتجز فى مطار القاهرة الدولى اثناء هذا الاضراب سيكون دعاية سلبية ضد مصر هنقول الاضرابات اللى حضرتك قلت فى مقدمتك الكريمة ان الاضرابات بتحصل فى كل حتى فى العالم خيرى حسن : اه الاستاذ/ علاء عبد الهادى : بتحصل فى كل حته فى العالم لكن عن طريق عن طريق جدول والا اللى انا باعملة ده يبقى اسمه لى ذراع يعنى انا هيحلك لاضراب فى الشرطة البريطانية كان من حوالى 3 شهور اناتابعت تقرير رائع جدا فى ال بى بى سى شرطى وزوجتة الشرطى بدأ الاضراب هو وزملائة وتم تحديد مكان للاضراب بحثاعن تقديم مطالب من حقة وزجته استلمت الوردية مكانة واستمر اضرابه مدة الشفت بتاع زوجته وخرج هو وجاء بابنة عبر عن مطالبه المشروعة وكانت مطالب حقيقية وهزت الراى العام البريطانى خيرى حسن : بس العمل لم يتوقف الاستاذ/ علاء عبد الهادى : لم يتوقف العمل واستمر الاضراب حتى ذهب هوالى العمل وغير لبسه واستلم الشفت وزوجته جاءت مكانة خيرى حسن : طب ليه احنا ما نعملش زى البريطانيين واليابانيين الاستاذ/ علاء عبد الهادى : خلينا اصل انا عايز اقول ايه خيرى حسن : فى الجزئية دى الاستاذ/ علاء عبد الهادى : ده ميراث حضارى احنا لازم نحافظ عليه الاضراب مفيش خلاف ان حق من حقوق الانسان يعني بدا عندنا متاخر يمكن فى 2003 برغم انوا الدولة اعطت الحق للناس بحثا عن حقوقهم الا انوا طبعا المشرع فى ذلك الوقت زى ما بيقولوا كده شفى المطالب ديت كانها مجرد بيلبى مطالب فى المجتمع الدولى انوا حق الاضراب للعامل حق مشروع لكن نحن جميعا ندفع فاتورة باهظة وسندفع اذا لم يكن هناك نقطة ونبدأ فيها من اول السطرنتصالحا مجتمعيا نعطى للرئيس فرصته لانه ليس بيده عصا سحرية هو ينفق ممافى الخزانة الخزانة خاوية دعوا العجلة تدور ويبقى ساعتها نقدر نحاسب الرئيس نقدر نحاسب قنديل يعنى مثلا اليوم اضراب ثورة المعلم طبعا كلنا مفيش خلاف على ان المعلم له حقوق المعلم هو الذى يبنى هذا البلد وهو الذى يبنى الاجيال التى ننشد انها تبنى مصر فى المستقبل لكن الان يقومون بهذا لاضراب ونحن على بعد عدة ايام من بداية عام دراسى جديد هذا لى بذراع الدولة ويجب ان يكون هناك وضوح لرئيس الجمهورية واكرر هذا لمشروعية الاضراب لكن لام ان احنا نحط نقطة ونبدأ من اول السطر حتى نبى هذا البلد والا سنستمر ما فعلة قبل ذلك عصام شرف لن يستطيع ان يفعل قنديل ما فعلة رئيس الجمهورية ليس فى يده عصا سحرية يجب ان نبدا البداية العمل القاطرة حتى الان لم تتحرك احنا مشغولين بالماضى عمالين نجر مشاكلنا ونجتر خيرى حسن : مشاكل شخصية طب الخوف يااستاذ علاء انوا يكون ده طريقة لحل المشاكل يعنى نتعود على كده اللى عنده مشكلة يجيب زميلة ويعتصم الاستاذ/ علاء عبد الهادى : حضرتك السلك العارى او المنطقة الحقيقية فى الازمة احنا الثقافة السائده فى الشارع المصرى لدلوقتى عايز حقك عليك وعلى رئيس الجمهورية واطرق بابه وبكل عنف اذا لم يفتح بابه عليك وعلى الوزير وعليك وعلى رئيس الوزراء اعترض اقطع الطريق هذه رسائل فى غاية الخطورة وللاسف هى بدات فى حكومة عصام شرف عندما قطع اخواننا فى قنا الطريق اعتراضا على مجئ المحافظ ومنذ ذلك اليوم اللى انا باعتبرة يوم اسود ويوم فاصل فى تاريخ ترهل الدولة المصرى انه من يريد ان يفعل شيئا فعلية اما بالبلطجة اما بالاعتداء على الطريق اما بالاعتداء على المسئول انا كنت مع احد الوزراء من كام يوم لقاء الرجل قال انا ما باقدرش اقعد فى مكتبى الناس بترزع عليا الباب وانا قاعد وتحديدا لما يكون معايا مسئول دولى خيرى حسن : السؤال الاهم يا استاذ علاء هل الاقتصاد المصرى يحتمل استنزاف الملايين نتيجة توقف العمل نيتجة اضراب اواعتصام ؟ الاستاذ/ علاء عبد الهادى : طبعا لا يحتمل احنا عايز اقول لحضرتك لولا الدكتور الجنزورى كان الخطاء النقدى كان بقى صفر احنا بنتكلف دلوقتى حوالى 15 مليار دولار اذا استمر الوقت على ماهو عليه ولم تدور عجلة الاقتصاد والاستثمار فى مصر سنكون فى خطر حقيقى عايز ايدك مثال بسيط جدا القرض اللى احنا هنخده من صندوق النقد الدولى انت بتتكلم فى كام فى اقل من 4 مليار دولار عايز اقول لحضرتك اذا عادت عجلة الاقتصاد واستقرت البلد وقدرنانشم نفسنا عندك 4 شهور السياحة تغاطيك يعنى لو اشتغلنا 4 شهور تخيل لن تكون فى حاجة قرض صندوق النقد الدولى اما من خلال الوضع ده فالقرض هنخده عشان اسكت علاء واسكت حسين طب ماهو ده علاء وحسين لهم حق طب وخيرى خيرى هيقولك طب واشمعنا انا انا طلعت محدش سال فيا اذا عليا ان اقطع الطريق عليا ان اعترض عليا ان اعتصم هذه اللغة يجب ان يكون فى نقطة ونبدا من او السطر احنا مش عارفين نحط النقطة ولا عارفين نبدا من اول السطر خيرى حسن : فى حاجة مهمة يا استاذ علاء كثرة الاضرابات والاعتصامات مش خساير بس بتضر سمعة مصر بردوا السمعة نفسها الاستاذ/ علاء عبد الهادى : بص انا عايز اقول لك عندما بدا الامر اللى مع بداية الثورة وانطلاقتها كلنا احترمنا الاضرابات الفئوية لانها جاءت بعد سنوات مكناش نحلم ان احنا نعبر عن اراءنا وقلنا ان دى تنفيس عن معاناة 30 سنة لكن الامر ذاد عن حدة واصبحت هيبة الدولة هى المستهدفة يعنى عايز اقول لحضرتك مثلا انا عايز انسى لكن لما يقطع مثلا بعض العمال فى الرى يقفلوا هاويس امام الاقصرويتم حجز السفن السياحية وبها السياح عدة ايام ده اسمه ايه العالم كلة كان مقلوب واحنا هنا مش حاسين لما يختطف سياح فى بعض مناطق على مستوى الجمهورية واحنا هنا العالم كله بينقلب واحنا لما يجى الاضراب بتاع اخواننا فى المطار العالم كلة بيرصد هذا وبيقول ان الثورة المصرية ضلت طريقها حتى الان مش عارفة تحط نفسها على الطريق عشان تبدا تبنى مصر المستقبل خيرى حسن : نعم هو فى سؤال اهم بعد الفاصل انشاء الله يعنى هل هيبة الدولة مرتبطة بمبارة كرة قدم يعنى الحوار متواصل مع ضيف البرنامج بعد مشاهدة هذا التقرير ونجاوب على السؤال انشاء الله فاصل مذيع : فى الاخبار وفى نصف كلمة لاحمد رجب مصر مديونة ومفلسة منذ حكومة عبيد ونظيف ومنذ الثورة توالت الاخبار عن استعادة الاموال المهربة ولاتزال الوعود المعسولة المسئولين بقدوم المليارات ولا احد يقول الحقيقة ان مصر مديونة بالمليارات الاخبار وفى حريات لرفعت رشاد يؤكد على اقتراب دقات طبول الحرب البرلمانية وان الاحزاب بدأ تحشد قواها ومن الملاحظ ان ما اعلنة سواء قادة التحالف الليبرالى وقادة المتاسلمين هى مجرد كلام غير محدد فى الاهرام راى عبد الناصر سلامة ان بداية الحل لكثير من الاحتقانات والمشاكل والاضرابات فى مصر لن تحدث الا باستعادة الثقة بين الشعب والحكومة وهى ثقة تخوضها منذ عقود وفى المساء فى عجايب سيد احمد يؤكد ان السبب فى الوقفات الاحتجاجية والفئوية التى تعم مصر الان ترجع للفوارق بين الطبقات واحتجاز الوظائف لاصحاب النفوذ الذى انتشر خلال النظام السابق وفى الجمهورية فى تساؤلات لعبد الله نصار حالة الغضب بعد التعينات الاخيرة فى مواقع كثيرة ترجع الى العشوائية والترضيات والحصص والكوتة والمجاملات ثورة الغضب فى محافظة مطروح على استمرار المحافظ حالة فريدة من نوعها فامواج البشر احاطت بالمحافظة تطالب برحيل المحافظ وفى اليوم السابع كريم عبد السلام يقول اذا قبلنا اليوم بتهديدات الالترس فقد تخرج مجموعات وغدا تحشد وتهدد من اجل قضية او لهدف مشروع او غير مشروع فاصل خيرى حسن : عموماموضوع الاضرابات ده موضوع كبير ويحتاج لحلقات نعود مرة اخرى مع حضراتكوا والحوار يتواصل مع الكاتب الصحفى الاستاذ علاء عبد الهادى مدير تحرير الاخبار ونتحول معه بالحديث عن الاضرابات الى موضوع قريب منه وهو ما دار حول مبارة السوبر السؤال استاذ علاء لهذا الحد وصل الامر لتكون هيبة الدولة مرتبطة بمبارة كرة قدم يا استاذ علاء الاستاذ/ علاء عبد الهادى : ده قمة بقى الخطورة وقمة الاستخفاف وقمة المأساة أنا يمكن عايز اقولك انوا يمكن احد ابنائى من الالترس الاهلاوء حتى العام الماضىوانا باتكلم عن تجربة شخصية الالترس كفكرة فكرة كويسة جدا مجموعة من المشجعين بيشجعواناديهم شئ جميل لا حد بيدفعهم ولا بيتلقوا اموال من اى جهة ولاولاولا شئ جميل جدا بدأوا فى 2007 وبعد كده هى الفكرة اصلا يعنى جديدة على عالمنا العربى وتحديدا مصر بدات فى البرازيل فى 1940 واتنقلت بعد كده لاوروبا الشرقية ومنها لبقية اوروبا والعالم كله الالترس كفكرة نبيلة قامت الثورة بدأ يتغير دورهم بدا يبقى لهم دور واداء سياسى اللى حاصل دلوقتى احنا مع الالترس فى العناوين العريض اللى بيتكلمواعنها لكن نختلف معهم فى الية زى بردوا المطالب الفئوية احناكلنا مع هذه المطالب لكن نختلف ونقول لأ ونعترض على الية التطبيق احنا مع حق الشهيد هيعود ازاى انا والا انت خيرى حسن : بالقضاء الاستاذ/ علاء عبد الهادى : بالقضاء وياخد مجراه وحاليا حاليا القضية منظورة اما م القضاء الدولة اعطت الشهداءحقوقهم ونجلهم ونحترمهم لكن اللى حصال انوا بدا يعنى عايز اقول انوا دخل على لغة الالترس مفردات غريبة خيرى حسن : يمكن استاذ علاء بيكون فى ثأر بين الناس بين الالترس والشرطة ولا احد يقول انوا ده عايزين يدوروا على الحصاد السريع ماهو هو هذه لغة انا ارفضها تماما يعنى لما يجى يطلب الالترس قبل عدم انعقاد المباراة امس بيطالب طلبات غريبة جدا اقالة الاعلام الفاسد اقالة وزير الداخلية اقالة مجلس ادارة النادى الاهلى يعنى اقالتى انا وانت يعنى اقالة الدنيا كلها حتى يعود حق الشهيد وبيتحدد بلغة مفردات سياسية الالترس ونحن معه فى دفاعه عن حق الشهداء اللى كلنابنبكيهم حتى الان يتعارض مع ان يكون له للدولة هيبتها انوا لابد ان تدور العجلة ولابد ان ننظر الى الامام وليس الى الوراء مع حق الشهيد احنامعاه لكن استمرر هذا الوضع معناه انك بتجمد الحياة الرياضية فى مصر الى الابد حتى الان الالترس يصورون وزارة الداخلية بعد كل تغيير القيادات اللى فيها وبعد التطهير اللى حاصل فيها وكانهم خانة الاعداء وهذا ليس صحصح ونلاقى بقى هناخروج غير منطقى عايز اعرف راحوا ليه لمحمد محمود امبارح وهل تامن انوا الالترس اللى راحواشارع محمد محمود ده هما مجموعة من الملائكة وهيعاد نفس السيناريو لولا رحمة ربنا هيخش اللى احنا قعنا نتريق عليه الطرف التالت والا الرابع والا اى ان كان انت لن تامن من يندس انت مش فى الجامع ولا فى الكنيسة هتعمل هذا المحيط ان يدخل فيهم اى حد وتعود الماساة من جديد .. استاذ كريم عبد السلام فى اليوم السابع يرى ان الرضوخ لتهديدات الالترس اليوم يفتح الباب لتهديدات اكبر سواء كانت مطالب مشروعة او غير مشروعة ايه راى حضرتك الاستاذ/ علاء عبد الهادى : طبعا انا باتفق معاه وهنا خلينى اقول لحضرتك فىافتراح اناسمعتة من احد الرياضيين فى النادى الاهلى هو بيمارس فى حاجة مش هنقول خطا احنا الالترس دول مع زيادة مساحة تاثيرهم فى الشارع انوا يكون فى ممثلين للالترس فى الاندية يعنى ايه يعنى لابد ان نسمع صوتهم لابد ان يكون هناك تواصل يعنى مجلس ادارة النادى الاهلى قام باشياء جملية تتعلق باسر الشهداء لكن لا تصل الى الالترس الالترس قيادتهم مسيطرة عليهم عندما اللى بيسموا القابوبتاع المجموعة او الفريق اذا قال فيسمع له انا رايى لابد ان يتم احتواء هؤلاء احتوائهم باية مش ان هما يعنى نجنبهم لأ لابد ان نستمع اليهم هم اغلبهم القطاع العريض منهم شباب نبيل بينشدوا مستقبل افضل لوطنهم وانديتهم لكن اذا استمر الوضع على ماهو عليه نحن امام كارثة وهما بيصعدواالموضوع ولن يكون الامر حل الشرطية لان احنا لو نصدر وزارة الداخلية فى النهاية هتحصل ماساة يعنى اذا انت راقبت البيانات امس واول امس بين وزارة الداخلية وبين الترس اهلاوى وبين الترس ديفيز فى الاستكندرية وكأنك داخل على لو فى حالة حرب مع اسرائيل مش هتبقى البيانات العسكرية المتبادلة ده لابد من احتواء هؤلاء لابد ان يفتح كافة الاندية واتحاد الكورة حوار مع ممثلين هؤلاءالالترس خيرى حسن : ولايتعدلوا اجراءات القضاء استاذ علاء مش معقول تكون معانا وما نتكلمش عن حديقة الازبكية كان لك فى جريدة اخبار النهاردة يعنى اثرت قضية التعدى على ما تبقى من حديقة الازبكية لاقامة سوق اليوم الواحد الاستاذ/ علاء عبد الهادى : هوطبعا التعدى مكنش على حديقة الازبكية بس كان على حديقة الازبكية وعلى متحف المركبات الملكية اللى هو على بعد خطوات من اتحاد الاذاعة والتليفزيون وسور القاهرة الشمالى كيف خيرى حسن : متهيالى بردوا شارع النبى دنيال خلينا الاستاذ/ علاء عبد الهادى : هو حضرتك عندما جاء دكتور الجيل وجد الشارع كما تراه واراه الاعتداء عليه بكل شكل ولون الباعة الجائلين يفترشون يفترشوا السماء هو فى حال ما بيتعامل مع امر واقع يبحث عن حلول احنا معاه فى هذه الحلول انوا يحل مشكلة الباعة الجائلين عن طريق انشاء سويقات منظمة حضارية الى اخره لكن عندما بحث وهنا بقى الكارثة بحث عن اماكن خاليه راح على اول حاجة لقى مساحة خالية ملاصقة لمتحف المركبات الملكية واستطيع ان اقول لك ان هذا المتحف فريد فى نوعه على مستوى العالم انفقت عليه الدولة من فلوس دافعى الضرائب ومن اموال عدة مئات من الملايين وعلى وشك انوا يفتتح فا وسور القاهرة الشالى بقلناحوالى 15سنة بنرممه حديقة الازبكية عمرها الان 140 سنة واؤنشأت على غرار حدائق بلونيا فى باريس ومن زار باريس يعرف اهمية حدائق بلونيا هذه رئة موجدة فى القاهرة فى القاهرة التاريخية هذه ليست مجرد رئة لكنها تتضمن عدة مبانى يزيد عمرها عن مائة عام اؤنشات بطراز فريد من نوعة زى ما باقول لحضرتك 140 سنة بدأ الاعتداء عليها للاسف فى اعقاب ثورة 52 لما انشاؤا مبنى الاتصالات هناك والان فى ثورة 25 يناير بنعتدى خيرى حسن : هيقضوا عليها كلها لاستاذ/ علاء عبد الهادى : لأ كمان خيرى حسن : بس دى نقطة مهمة يا استاذ علاء يعنى مش الاسواق اللى فى العالم كله يعنى علامة حضارية تؤكد ان الشعب مثقف ويحترم الكتاب ليس كل همه على بطنة زى ما سيادتك بتقول الاستاذ/ علاء عبد الهادى : اه طبعا طبعا بس حضرتك يعنى بردوامش عايز اعمل كده زى الفيلم بتاع عادل امام الارهاب والكباب فى اوروبا والدول المتقدمة بس خلينا واحنا بنعيد بناءم مصر ننظر لتجارب الاخرين يعنى ما حدث فى شارع البنى دنيال هو الاعتداء على قيمة وماحدث فى حديقة الازبكية وفى متحف المركبات الملكية وفى سور القاهرة الشمالى هو اعتداء على قيمة قيمة للتراث مصر خلينى اقولك ان ميزتها النسبة الاساسية احنا مش هنتفق حتى الان احنا مش تجار ولا احنا بتوع بزنس مصرميزتها النسبية فى تراثها وفى حضارتها وفى قوتها الناعمة فامجيش على الميزة النسبية بتاعت وانا باحل مشكلة بتاعت باعة جائلين اروح اعتدى على تراث هذا ارجوا من الدكتور قنديل ان يتخلص سريعا من هذه خيرى حسن : لأ يحل مشكلة الباعة الجائلين ولكن لا تكون على حساب الاستاذ/ علاء عبد الهادى : طبعا الباعة الجائلين من الاخر فى اوروبا حلوها بحلول عملية وواقعية مع الفارق الكبير اللى بينا وبين اوروبا دلوقتى انوابيجى على شارع من الشوارع المتوازية وبيجى على الشارع ده وبيقفلة من بداية النهار بتاع مثلا 5 او 6 صباحا حتى وقت متاخر يعنى حتى الخامسة مساءا وفى هذا الشارع بيكون بيتاح للباعة الجائلين الباعة الجائلين هنا لابد ان التزم البائع الجائل ده باشتراطات معينة تتعلق بالوسيلة اللى هيعرض عليها حاجاتة او بضاعتة اتنين اشتراطات صحية اناكجهة باوفر له وصلة كهربة هتقولى ازاى ده متاح جدا وسهلة وباتيح له منفذ على الصرف الصحى باتيح له منفذ للميه الكلام قد يبدو فى ظاهرة صعب لكنه ليس مستحيل يجب ان نبدا وحتى بيكون المكان مؤمن المرور بيتوقف فى المنطقة وبيعاد تدويرة فى منطقة اخرى ايه اللى بيحصل على مدار النهار اناوانت بنجد بضاعة رخيصة يحقق فيها الاشتراطات الصحية خيرى حسن : مفيش مخلفات مرمية الاستاذ/ علاء عبد الهادى : البائع الجائل بيكسب وبيجد لنفسة رزق حلال وسليم الساعة الخامسة مساءا ده اللى بيحصل فى اوروبا الساعة 5 وربع بتجد الطريق قد خيرى حسن : نتمنى من الدكتور هشام قنديل الاستاذ/ علاء عبد الهادى : ممكن تقول انوا خيرى حسن : يعيد النظر انشاء الله الاستاذ/ علاء عبد الهادى : لكن يجب الا نحل مشكلتنا وكاننا بظبط كده زى اللى ايه عنده فرخة بتجيب له بيضة دهب يروح يذبح الفرخة يعنى اناشد الدكتور قنديل ان يعيد النظر سريعا فى هذه القرارات لانوا ده راس مالة اللى هيبنى عليه مستقبل خيرى حسن : نعم بافكر حضرتكوا حلقتنا كانت النهاردة يعنى افكركوا بالخمسين مليون جنية خسائر مصر فى الاضراب الاخير كان ممكن ننشئ 50 مدرسة ريفية او 50 وحدة صية او نوفر 50 اتوبيس يحل ازمة المواصلات وتفتح ابواب الرزق لعدة الالاف من شبابنا يعنى 50 مليون مش شوية اللى بيعيشوا على الكفاف فى حين اللى بيتقاضوا الالاف وتمتعوا بالعديد من الامتيازات بيطبتروا على ماهم فيه من نعمه ويطعنون الوطن فى ظهره واكيد السياحة اتضربت فى الموضوع ده وبيسئ لسمعة شركتة وياريت الخاسرة المليون جنية بس ياريت تبقى عند الاساءة للوطن ولكن الخسارة معنوية لا تزول بل تبقى فى الذاكرة لسنوات بالنسبة لشباب الالترس لا تنقسهم الوطنيةولا حب مصر ولا حب انديتهم ولكن عندما يطالبون القصاص لا يجوز ان يهددوا بالمزيد من الدماءولا يتعجلوا ودائما بيقولوا الالترس هوفاكهة الرياضة وبدونهم لم تكون لها طعم يعنى عليهم واجبات كثيرة حتى يعود النشاط الرياضى ويساعدوا رجال الامن فى النهاية باشكر الاستاذ عبد الهادى مدير تحرير الاخبار اما انتم سيداتى وسادتى فلكم كل الحب والتقدير والى اللقاء.
