اتجاهات

الخميس*27/10/2011
محمد موافى : سلام من الله عليكم ورحمة منه وبركاتة مع احترامى ليكوا كلوكواكل مصرى بره مصر هو اكثر وطنية من اى مصرى جوا مصر لان واحنا بعيد عن مصر بنحس بيها اكثر الخبر بيقول ان قررت محكمة القضاء الادارى النهاردة الزام اللجنة العليا للانتخابات بتمكين المصريين المقيمين فى الخارجمن الاقتراع فى اول انتخابات تشريعية بعد اسقاط نظام الرئيس السابق حسنى مبارك الكلام ده منسوب لوكالة انباء الشرق الاوسط وانه يتعين ده كلام المحكمة يتعين على اللجنة العليا للانتخابات اتخاذ الاجراءات والتدابير اللازمة ولتى من شأنها تمكين المصريين المقيمين فى الخارج من ممارسة حقهم الدستورى بالادلاء باصواتهم مبروك لمصر اصوات 8 مليون مصرى بره مصر فى المنطقة العربية او فى الولايات المتحدة اوفى كندا او فى اوروبا يعنى كانوا محرومين من كل حقهم السياسى ان هما يقولوا كلمة لبلدهم لان هما الناس اللى بتحول عملة صعبة الناس اللى بتعمل الناس اللى محروقة على البلد زينا واكثر فمبروك لمصر والف مبروك ليهم وارجو ان هما يختاروا صح .. الانتخابات اللى جاية هذه الانتخابات مختلغة تماما هذه الانتخابات الاولى فى مصر بعد الثورة هذه الانتخابات الاولى فى مصر دون الحزب الوطنى الديمقراطى المنحل ولو اسما حد هيقول لى فى فلولدى قضية ثانية خالص انما الحزب مش موجود هذه الانتخابات الاولى ربما فى تاريخ مصر القريب التى نتائجها غير معروفة مسبقا هذه الانتخابات الاولى التى ستحدد مستقبل مصر وشكلها الى درجة كبيرة الانتخابات محكة مهمة فى تاريخ مصر السياسى ونتيجة الانتخابات القادمه سوف تحدد مصير الوطن لعقود قادمة كما ستعد مؤشرا على مدى نجاح الثورة التنافس بين الاحزاب والتيارات والائتلافات سوف يكون شديدا هذا ما شهدناه من الاقبال على الترشح الانتخابات اكيد انها ستكون ساخنة وغامضة النتائج يعنى كل اللى عمال يتوقع الحزب الفلانى او الجماعة الفلانية هتاخذ اد ايه محدش يقدر يجزم بحاجة نحن بانتظار مشاركة واسعة من ابناء الشعب على غرار ما حدث فى المشاركة على الاستفتاء فى التعديلات الدستورية المؤكد ان المؤشرات السابقة لم تحدث فى تاريخ مصرنرجوا الا يحدث انفلات او حوادث نعكر صفو هذه الانتخابات لان هذه الانتخابات سوف تشهد نعتقد ذلك اوسع مشاركة جماهيرية ربما هى الاوسع فى تاريخ مصرعلى الاطلاق الانتخابات البرلمانية القادمة وسط كل ماتعانية مصر ووسط كل هذه الائتلافات هو موضوع هذه الحلقة من اتجاهات ارجوكوا ابقوا معنا
فاصل
مواطن : الناس مفروض توعى ماتبقاش مسالة ان بالفلوس يقدر ان هو ينتخب صوت لأ يبقى فى فكر وفى وعى لان احنا فى مرحلة محتاجين ناسس البلد كويس علشان نقدر انشاء الله نشوف البلد دى كويسة انشاء الله باذن الله
مواطن : هو لوكان فى انضياط فى البلد وبيقولوا يعنى ان الداخلية هتسيطر وان القوات المسلحة هتسيطر يبقى الانتخابات فى ميعادها عادى مفيش مشكلة
مواطن : دلوقتى احنا عايزين نظام جديد نظام احسن نظام افضل نظام ان كل واحد يبتدى بنفسة بحيث ان هو يمنع الرشاوى كلها
مواطن : المسافة دلوقتى بقت حوالى 150 كيلويعنى ذادت عن المسافات المقررة القديمة معنى كده ان انا علشان انتخب او اترشح واخذ 500 الف جنية سواء فردى او سواء 500 الف جنية قوائم والدولة بتساعدنى فية مش هيقدوا احنا كده فى بشرى غير سارة فى الانتخابات دى عايزن الشرطة تنزل والامن يكون فى كل مكان والرشاوى والحاجات بتاعت الانتخابات دى مش عايزينها برضه عايزين انتخابات نزيهة
مواطن : كل واحد يدلى بصوتة بطريقة خالصة مستخلصة تعبر عن راية الحقيقى بعيدا عن كل الضغوط وعن كل
الرشاوى وعن اى ملوثات ممكن تلوث رايك الحقيقى من جوا
مواطن : الافضل طبعا ان يكون الاثنين مع بعض لان الداخلية لوحدها مش هتنفع مش هينفع خالص والجيش لوحدة هيبقى حمل ثقيل قوى علية انما هما الاثنين مع بعض هيبقى فى توازن كويس جدا
فاصل
محمد موافى : مشاهدينا اهلا بحضراتكوامن جديد واتجاهات موضوعنا الانتخابات ضيف هذه الحلقة اللواء/ محمد رفعت قمصان مساعد وزير الداخلية للشئون الاداريةو الانتحابات يعنى هو الرجل المعنى تحديدا بالاشراف على هذه الانتخابات اهلا يا افندم
اللواء/ محمد رفعت قمصان : اهلا بحضرتك
محمد موافى :سيادة اللوا انا عايز ابدأ من الخبر اللى احنا لسة قايلنة موضوع ان القضاء الادارى وافق على او حكم باحقية المصريين بالخارج من الادلاء باصواتهم ووجه للعمل على تمكين المصريين بالخارج 8 مليون مصرى من الادلاء باصواتهم المشكلة فى ايه كانت يعنى غير القانون كانت المشكلة فى ايه ؟
اللواء/ محمد رفعت قمصان : بداية قبل ما اجاوب على سؤال حضرتك المصريين فى الخارج واحنا طبعا بنبارك لهم زى ما باركت لهم كده وهنأت لهم احب اصحح بس معلومة انا لست مشرفا على الانتخابات
محمد موافى :اه
اللواء/ محمد رفعت قمصان : ولكن المشرف على انتخابات اللجنة العليا للانتخابات
محمد موافى :تمام
اللواء/ محمد رفعت قمصان :انا دورى الاعداد الادارى للعملية الانتخابية من خلال احد الادوارالموكلة لوزارة الداخلية الى جانب التامين
محمد موافى :دى نقطة مهمة جدا فى حوارنا فايعنى نرجأها شوية وخلينا فى موضوع المصريين المغتربين فى الخارج
اللواء/ محمد رفعت قمصان : طبعا اى حطم قضائى لابد ان يكون محل اعتبار واللجنة العليا للانتخابات مؤكد هتدرس هذا الحكم وتضع الالية اللازمة لتنفيذة بالاسلوب المناسب وفى حدود القواعد القانونية التى تطبق هذا .. هو القانون القديم 73 لسنة 56 كان فى نص فى المادة 12 بيحدد على وجه الدقة الموقف الانتخابى للمصرى المقيم فى الخارج واخر محل اقامة له بالميلاد قبل المغادرة وبالنسبة للمصريين العاملين على السفن فى الميناء المسجل به السفينة
محمد موافى :تمام
اللواء/ محمد رفعت قمصان : هذ ا النص الغى مع التعديلات التشريعية الاخيرة عقب ثورة 25 يناير فبتالى ليس هناك قيد على النمط الانتخابى للمصرين فى الخارج
محمد موافى :اجرائيا هل تستطيعوا هل تستطيع الحكومة المصرية ان تمثل هؤلاء المصريين بالخارج للادلاء باصواتهم
اللواء/ محمد رفعت قمصان : احنا كوزارة الداخلية يعنى وللاسف الشديد طبعا ملناش دور فى هذا الموضوع مثل الانتخابات الداخلية لان المفروض الاخوة المصريين مقيمين فى الخارج هنمكنهم من الادلاء باصواتهم انشاء الله تنفيذا لهذا الحكم هيكون فى مقار السفارات فى الخارج والنتيجة بتصب بشكل او باخر عند اللجنة العليا للانتخابات فيمكن دور وزارة الداخلية الخاص سواء اعداد ادارى او تامين يمكن هيتضائل هنا الى حد كبير ولكن مايطلب من وزارة الداخلية فى ظل ما سيقر من قواعد فى هذا الشان هنفذة وهنفذة على الوجة الاكمللان ده استكمالا لدور العديد من وزارة الداخلية لربط ابناء مصر فى الخارج بالوطن الام
محمد موافى :سيادة اللواء يعنى حضرتك كنت حريص فى البداية على تصحيح خطأ ان دور وزارة الداخلية خلينا نقول المسألة بشكل اكثر قسوة لو سمحت لى يعنى
اللواء/ محمد رفعت قمصان : اتفضل اتفضل
محمد موافى :وزارة الداخلية ممثله فى سيادة اللواء محمد رفعت قمصان الا تستشعر حرجا من اشرافك هذه المره على الانتخابات مع انك ايضا كنت مشرفا على الانتخابات السابقة التى زورت صوتا وصورة دا دا اعتذر للقسوة بس
اللواء/ محمد رفعت قمصان : اطلاقا اطلاقا دى فرصة جيده ان احنا نوضح العديد للى لدية مغلوط الى حد ما وقد يكون لهم العذر فى هذا يعنى دور وزارة الداخلية اساسا الانتخابات قانونا وفقا للقواعد القانونية والمعمول به فى التعليمات الادارية هو شقين .. الاعداد الادارى .. واللوجيستى لكل جوانب العملية الانتخابية
محمد موافى :تسهيل الامور
اللواء/ محمد رفعت قمصان : من خلال المقر والصناديق وتفاصيل كثيره سنتناولها انشاء الله ثم التامين الخارجى للجان الاقتراع ما يتردد عن التزوير .. التزوير
محمد موافى :هو ما ترددش ؟
اللواء/ محمد رفعت قمصان : ماقيل
محمد موافى :هو حدث
اللواء/ محمد رفعت قمصان : و
محمد موافى : دا هو سبب الثورة !!!
اللواء/ محمد رفعت قمصان : نقول حقيقة التزوير
محمد موافى :تمام
اللواء/ محمد رفعت قمصان : الذى تم سواء فى الانتخابات السابقة وما قبلها اواو او او مصر تمارس انتخابات برلمانية منذ عهد الخديون اسماعيل فى 1866 ميلادية
محمد موافى : تمام
اللواء/ محمد رفعت قمصان :ولن تاتى فرصة للتاكيد على من خلال الاطلاع التاريخى على ان مثلا جميع الانتخابات منذ هذا التاريخ كانت سليمة ونقية واواوا وا .. ولكن كان هناك انتخابات نزيهة فى العديد من المواقع سنة 1924 يحيى باشا ابراهيم كان وزير الداخلية وسقط فى الانتخابات .. السيد المرحوم ممدوح سالم اجرى انتخابات نزيهه فى السبعينات فى عهد الرئيس السابق انور السادات
محمد موافى :الله يرحمهم
اللواء/ محمد رفعت قمصان :التزوير بيتم من اطراف عديدة قد يكونوا ناخبين قد يكونوا مرشحين وقد يكون اتباع هذا اوذاك قد يكون جهات الادارة المنوط بها تنظيم العملية الشرطة
محمد موافى : اه
اللواء/ محمد رفعت قمصان : وبعض اجهزة الشرطة قد تكون ادوات حزبية بتتبع النظام القائم ولكن جميعها لا تتم الا برغبة وتوجه لدى النظام القائم انما لا يمكن احد ان يبادر بالتزوير من ذاتة دون ملاقاة اعتراض من الاخرين اللى هى القوى الاخرى كلها
محمد موافى :يعنى محدش بيقول ان الشرطة قصدت التزوير يعنى هى فى النهاية مصلحتها ملهاش علاقة هى انما هى نفذت رغبة نظام كان حاكما فى التزوير وبالتالى هى مسئولة بشكل مباشر او غير مباشرعن التزوير الذى حدث
اللواء/ محمد رفعت قمصان :من قبل هذا العمل وثبت فى حقة يحاسب محاسبة عسيرة لابد لان احنا فى مرحلة تصحيح مسار
محمد موافى :سيادة اللوا المطالبات بالمسألة او الحساب كان لحضرتك شخصيا
اللواء/ محمد رفعت قمصان : تمام
محمد موافى :كانت على الفيس بوك والمقالات ويعنى
اللواء/ محمد رفعت قمصان : ونفس المقالات
محمد موافى :استاذ ابراهيم عيسى كتب مثل مقال اتكلم فيه عن التغيير فى الشرطة وان اللوا رفعت قمصان لسة مكانة
اللواء/ محمد رفعت قمصان : تمام
محمد موافى :اتفضل
اللواء/ محمد رفعت قمصان : انا قرأت هذا المقال وطبعا تقديرا لاى كتابات بتقال لان ده زى مرآه حقيقية لما يدور فى المجتمع ولابد ان كل جهة تستفيد من القضايا التى تثار فى الاعلام حتى يتسنى تصحيح المسار اذا كان هناك داعى لهذا التصحيح أستاذ ابراهيم كتب طبعا وله العذر فى كل ما كتب ولكن لماتم توضيح الصورة كاملة عن دور الادارة العامة للانتخابات انا ما باتكلمش عن دورى الشخصى انما دور الادارة اللى انا كنت متولى رئاستها وتحت اشرافى حاليا وقفل هذا الدور على الاعداد الادارى حتى صباح يوم الانتخابات .. انا مش عايزابالغ واقول ان انا اليوم بتاع الانتخابات صباحا هروح بتنا لأ صعب اروح بيتنا فى يوم زى ده انما بكدة توقفت مهمتى عند هذا الحد ولما أستاذ ابراهيم عيسى سمع هذا الكلام شافة على الطبيعة واطلع على كل ما يؤكد هذا الكلام عتقد ان فى مقال يوم 24 /8 فى نفس الجريدة انا باشكرة يعنى ان هو يعنى رد لى اعتبارى واعطانى اكثر من حقى قد يكون هذا يعنى
محمد موافى :طب سيادة اللوا عشان برضه المسالة ما يبقاش
اللواء/ محمد رفعت قمصان : وبرضه الفيس بوك برضه اعتقد اللى سيادتك اشرت له
محمد موافى :كلنا خالد سعيد
اللواء/ محمد رفعت قمصان : اه اه اشاروا برضه الى اعتذار وانا باشكرهم من خلال برنامج حضرتك على الموضوعية فى تناول موضوعاتى
محمد موافى :يعنى هوالمسالة مش شخصية لكن سؤال اخير فيما يخص شخص اللواء محمد رفعت قمصان
اللواء/ محمد رفعت قمصان : اتفضل
محمد موافى :مين اللى اختارة لهذه المرة هل وزير ا لداخلية ام رئيس الوزراء
اللواء/ محمد رفعت قمصان : هذه المرة
محمد موافى :يعنى مين اللى اصدر قراران برضه اللواء محمد رفعت قمصان يشرف على هذه الانتخابات
اللواء/ محمد رفعت قمصان : لأ انا كنت فى ادارة الانتخابات
محمد موافى : تمام
اللواء/ محمد رفعت قمصان : عام 2005 كنت وكيل الادارة ثم مدير الادارة حتى يومنا هذا يعنى انا تم مد خدمتى قريبا ولمدة محدودة لتغطية الانتخابات الحالية من السيد رئيس الوزراء مشكورا لاداء مهمة معينة فيما يتعلق بالاعداد الادارى للعملية الانتخابية
محمد موافى : تمام
اللواء/ محمد رفعت قمصان : هذا الاعداد الادارى قناعة مثل السيد رئيس الوزراء يعنى على راس المطالبين بالتغيير والتجديد واعطار الفرصة للشباب بقيادة وزارة الداخلية وقيادات المجلس الاعلى للقوات المسلحة واى حد تعامل معانا عن قرب ولامس الدور الحقيقى للادارة العامة للانتخابات
محمد موافى :اية هو بقى عشان ما نبقاش يعنى بنهاجم لمجرد الهجوم او الامور متسابة كدة يعنى ما هو دور وزارة الداخلية ودور اللجنة المشرفة على الانتخابات فى مسألة الانتخابات
اللواء/ محمد رفعت قمصان : تمام دور وزارة الداخلية بصفة عامة شقين الشق الثانى ده مش هنتكلم فية بتفاصيل وهو التامين الخارجى لمقار لجان الاقتراع والفرز واعلان النتايج
محمد موافى :تمام
اللواء/ محمد رفعت قمصان : ودى مسالة خطة امنية بتوضع يعنى الانتخابات القادمة مشتركة مع القوات المسلحة اى انتخابات بتتم خطة تامين معينة للجان الاقتراع والفرز الدور الاساسى هوالاعداد الادارى للعملية الانتخابية وفقا للمواعيد الوارده فى الدستور الاعلان الدستورى الجديد او عندما يتقرر اجراء انتخابات معينة بيبدأ دورنا فى الاعداد لهذه الانتخابات اولا طبعا كل هذا بيتم ما سيتم توضيحة تحت اشراف الجهة القائمة على اجراء العملية الانتخابية وهى فى وضعنا الحالى اللجنة القضائية العليا للانتخابات ودى لجنة قضائية خالصة ومرتبطنها بكل جوانب العملية الانتخابية منذ بدايتها وحتى اعلان النتيجة
محمد موافى :تمام
اللواء/ محمد رفعت قمصان : ويمكن حضراتكوا تابعتوا فتح باب تلقى اوراق الترشيح للسادة المرشيحين لمجلسى الشعب والشورى وتولتها لجان قضائية خالصة لا تواجد لوزارة الخارجية فيها على وجة الاطلاق هى اللى تلقت الطلبات وهى حددت الاعداد والحصولات الكاملة ويمكن انا باعرفها زى حضرتك كدة من الصحافة ويمكن انت عندك تفاصيل اكثر منى فيها لان دى مسالة تتبع اللجنة العليا للانتخابات
محمد موافى :يعنى دور وزارة الداخلية المسال الادارية فيما يتعلق بالصناديق بتامين المقارمن الخارج دون التدخل
اللواء/ محمد رفعت قمصان : بالضبط
محمد موافى :المراقبة المباشرة هى للقضاء اولو القضاء هيشرف على الانتخابات طب سيادة اللوا هل الشرطة المصرية كرجل معنى بهذه الانتخابات هل الشرطة المصرية باوضاعها الحالية اوباوضاع البلد عموما الحالية يعنى لسة شايفين اعتصامات امناء الشرطة قادرة على تامين وتسيير هذه الانتخابات الضخمة
اللواء/ محمد رفعت قمصان : بعون الله انشاء الله الداخلية تبقى قادرة على التامين الكامل على العملية الانتخابية باتنسيق مع القوات المسلحة وفى فعلا ملامح لهذا التعاون بدأت تتضح القوات المسلحة لا تدخر جهدا فى المساهمة فى تامين العملية الانتخابية لكن القضية مش قضية ان وزارة الداخلية تتطلع بدورها لان الاطلاع بهذا الدور كاملا ليس محل شك ولكن القضية
محمد موافى :لأ هو محل شك عند ناس كثير عمالة تكتب يعنى ناس مازال هناك اتجاه يرى الشرطة مقصرة يهاجم الشرطة يعنى فده موجود ده موجود
اللواء/ محمد رفعت قمصان :اه طبعا احنا بنحترم كل وجهات النظرولكن يجب تقنين الامر فى مجمل الامور المحيطة به ما تعرضت له الشرطة فى فترة معينة الاحداث المتوالية يعنى حاليا مش الشرطة بس اللى هى وضعها يسترد بس على الوجه اللائق انما قطاعات عديدة فى الدولة وطوائف عديدة فى الدولة لها مطالب سواء بشكل شرعى او غير شرعى سواء كانت على حق او غير حق كل هذه الامور اعتقد انها خارج السياق الطبيعى للحياة اللى لمسناها فى مصر عشناها فترة طويلة يعنى الجانب التامينى ده مؤكد هنقوم به وعلى اكمل وجه انشاء الله
محمد موافى :الشرطة مع مساعدة القوات المسلحة
اللواء/ محمد رفعت قمصان : القوات المسلحة
محمد موافى :هل ستسمحون بطرف ثالث او بشريك ثالث فى التامين يعنى فكرة اللجان الشعبية هل ستقبلون بوجود لجان شعبية لتامين الانتخابات
اللواء/ محمد رفعت قمصان :هو احنا يعنى دور الشرطة بيحكمة القانون ومحدد فى القانون على سبيل الحصر دور الشرطة فى تامين العملية الانتخابية والحدود اللى هتتحرك خلالها يعنى
محمد موافى :تمام
اللواء/ محمد رفعت قمصان : ما سيقر من نظام واجراءات فى الاطار القانونى من مؤسسات الدولة الدستورية والقائمة على ادارة شئون البلاد وزارة الداخلية تلتزم بتنفيذة ولكن اللجان الشعبية قد ترضى البعض وقد لا ترضى البعض هى ظهرت تلقاءيا بارادة داخلية عندنا كلنا
محمد موافى :كما هى ممكن تبقى مدخل لبعض المرشحين
اللواء/ محمد رفعت قمصان :قد يكون هذا دا قد يكون تحفظ البعض فكل امر لابد ان يدرس من جميع جوانبة ويقيم كاملا اللجان الشعبية ايام ثورة 25 يناير محدش نادى بظهورها انت بصيت من البلكونة شفت زمايل ابنك واقفين تحت فاشجعته ان هو ينزل يقف معاهم وبدأت تعمل لهم اكل وشاى وتنزله لهم وهما لما استشعروا ان الامور استقرتوالاوضاع بدات تعود الى حالتها الطبيعية كل واحد رجع لدارستة ولحياتة الطبيعية وتصرف فى هدوء
محمد موافى :سيادة اللوا انا شخصيا هاخذ يعنى راحة من الاسئلة لان فى ناس على التليفون كثير عايز تسال حضرتك
اللواء/ محمد رفعت قمصان : اهلا وسهلا
محمد موافى :معانا أ/ سراج محمد من القليوبية مساء الخير يا افندم ...... طب معانا أ/ مصطفى حسن من القاهرة اتفضل يا افندم ...... يعنى القليوبية والقاهرة فيهم مشاكل فى الانتخابات لسه ما وصلش طيب سيادة اللوا ايه هى الاخطاء التى يعنى حضرتك شرحت لى دور وزارة الداخلية فى تامين الانتخابات لكن برضه انا هعيد وازيد وزارة الداخلية كان دائما هى اللى بيتوجه لها اصابع الاتهام عند الحديث عن اى تزويربلاش نتكلم عن اتهام وزارة الداخلية لكن ماهى الاخطاء التى ارتكبتها الداخلية المصرية قبل الثورة فيما يخص الانتخابات وستعمل على تلافيها بعد الانتخابات
اللواء/ محمد رفعت قمصان :انا بس بانقل لحضرتك ان هناك رغبة جامحة يعنى اقصى درجات الشدة يعنى واكيده فى اخراج انتخابات نزيهة وحرة وشفافة تتسم بالشفافية المطلقة وكل اجهزة الوزارة عازمة على ذلك وتعلميات السيد منصور العيسوى فى مجال مقررة وتؤكد على هذا المفهوم بشكل قوى جدا وكلنا ملتزمين
محمد موافى :ماهو مش الشرطة ده مصر كلها نفسها يعنى مستنين الانتخابات دى بقى علشان نخلص يعنى يبان لينا صاحب زى ما بيقولوا
اللواء/ محمد رفعت قمصان : وعشان التحول الديمقراطى يبقى حقيقى ونجنى ثمرة من ثمار 25 يناير يمكن اذا اتت فوائد كثيرة من الثورة سواء على الجانب الاقتصادى او من الجانب الاجتماعى انشاء الله لما الامورتهدأ يعنى فا قد يكون ابرزهم واحسنهم واقواهم هوالاثر السياسى الخاص بتمتع الارادة السياسية للمواطنين بحرية كاملة فى التعبيرعن رايه شعور المواطن بان صوتة له قيمة حقيقة
محمد موافى :كام مواطن مسجل ومقيد فى جداول الانتخابات
اللواء/ محمد رفعت قمصان :احنا جداول الانتخابات اتلغت احنا استحدثنا نظام جديد طبعا الجداول الانتخابية القديمة اللى سيادتك تعلم عنها كان فيها بعض المسالب
محمد موافى :كان فيها ناس يعنى مواطنين مصريين بس فى عداد الموتى
اللواء/ محمد رفعت قمصان : اكيد الموتى دى كان ليها سبب معين ان لما تم تطبيق نظام قاعدة البيانات الرقم القومى كانت بتتم بشكل الى ولكن قيد وقائع الوفاه كان بيتم فى مكاتب الصحه فا حدوث اى خطأ فى الاسم كان لا يتيح للنا س هذا التزاوج بس اتفقت نسبة عالية من الوفيات انا طبعا كنت لامس ان هى لم تصل الى الدرجة اللى بياملها الشخص اللى بيطمح لمستقبل احسن لبلده يعنى فا كانت فيها بعض الاخطاء بها لان القانون كان بيحتم على جهة الادارة انها ما تصححش الاسماء مع المواطن ايضا كان فيها بعض الوفيات اللى كان
محمد موافى :بس كان فيها وفيها وفيها بس كان الانتخابات اللى فات كان برضه بالحبر الفسفورى والمشعارف ايه وال اية وال اية
اللواء/ محمد رفعت قمصان :الحبر الفسفورى بيعمل ضمانات معينة لابد ان تكون الجداول دقيقة فا احنا انتهازنا فرصة يعنى من ضمن مكاسبنا لثورة 25 يناير والاجواء اللى خلفتها والتحولات الحقيقية اللى اسفرت عنها ان كان لابد من ان كان ده مطلب لينا بسنوات قليلة يعنى ولكن ايضا لم تتوفر الارادة السياسية لتنفيذه فا انتهزنا فرصة الثورة وانا كنت حاطت تصور كامل لكيفية تطبيق الاستفادة من قاعدة بيانات الرقم القومى فى اعداد قاعدة بيانات للناخبين وليس جداول ورقية وبالفعل او لما اتيحت الفرصة قبل الاستفتاء ويمكن الموضوع ده كان هياخذ مننا وقت طويل شوية ولكن قيادات المجلس الاعلى للقوات المسلحة والسيد المشير تحديدا مشكورا شجعنا على القيام بهذه الخطوه وتطبيق الية معينة يعد بها الاستفتاء رقمى واحصائى يحس كان فى كشوف مسجل فيها اسماء الناخبين خاص بالاستفتاء فى نظام الوافدين مسموح للغرباء من خارج اللجان
محمد موافى :يعنى اه فى اى لجنة جنب الواحد اه تمام
اللواء/ محمد رفعت قمصان : فوضعنا الية جديدة تعتمد على فى قاعدة بيانات رقم قومى دى بتتضمن اكثر من 195 مليون لمواطين مصر ما بين وفاة وميلاد وزواج وطلاق
محمد موافى :تمام .. طب سيادة اللوا احنا معانا اتصال برضه معانا سيادة اللواء حازم حماد مساء الخير يا افندم
اللواء/ حازم حماد : مساء النور ازى حضرتك
محمد موافى :سيادة اللوا حازم حماد يعنى عضو مجلس الشعب السابق صح
اللواء/ حازم حماد : اه طبعا عضو مجلس الشعب السابق وسيادة اللوا رفعت القمصان من الناس المحترمة جدا جدا فى وزارة الداخلية والمعروف بان هو راجل موضوعى ومحترم ملوش اى حاجة تانية غير ان هو يشوف شغلة مظبوط ده من صغرة وانا اعرفة كده يعنى من وانا ضابط صغيرلغاية النهاردة اناعايز اقول حاجة يا اخوانا بالنسبة
محمد موافى :اتفضل
اللواء/ حازم حماد : انا رايى الشخصى لموضوع التامين انا واثق تماما ان اجهزة الامن ستتمكن تماما من تامين العملية الانتخابية بمشاركة حتى لو كانت مشاركة بسيطة من القوات المسلحة انما الامن تمكن فى خلال ا لمرحلة الاخيرة من استعادة عفيتة وتمكن تماما من التواجد فى الشارع بقوة واعتقد رفعت بيه يؤيدنى فى الكلا م ده ان احنا هنقدر نامن العملية الانتخابية هنقدر نحافظ على الاستقرار فى الشارع لكن بمشاركة حتى لو كانت رمزية للقوات المسلحة العظيمة اللى هى كما كانت القوات المسلحة كل الدنيا تعرف انها بتحظى بكل ثقة واحترام قواعدالمجتمع فى مصر وبتقدر من خلال تواجدها معانا فى الانتخابات انها تسد الثغرة البسيطة الباقية او الشرخ البسيط
محمد موافى :انا حضرتك نازل الانتخابات السنه دى ؟
اللواء/ حازم حماد : اه طبعا انشاء الله باذن الله
محمد موافى :هل انا اسف فى التعبير بس يعنى طبعا حضرتك بتعتبر من ضمن الفلول يعنى لو اعتبرنا مصطلح الفلول قائم انا اسف
اللواء/ حازم حماد : سعادة الرئيس ارجو ارجو من كل مصرى
محمد موافى :انا باقول اللى بيتردد
اللواء/ حازم حماد : اه اه
محمد موافى :لان ده تليفزيون الناس كلها
اللواء/ حازم حماد : بارجوا من الاعلام المصرى
محمد موافى :اه
اللواء/ حازم حماد : المحترم سواء كان الاعلام القومى او الاعلام الحر ان احناننسى هذا المصطلح لان هذا المصطلح اصبح الان لا يصلح لية
محمد موافى :اه
اللواء/ محمد رفعت قمصان :والله يا افندم انت حضرتك سمعت
اللواء/ حازم حماد : انا عايز اقول لسعتك حاجة الفلول اللى هما بيقولوا عليهم فلول النهارده موجودين فى قوائم كل الاحزاب السياسية التى تقدمت للترشيح
محمد موافى :ايوا
اللواء/ حازم حماد : جميع احزاب الموجوده اللى اسفت مؤخرا كل مرشحى كوادر الحزب المنحل موجوده فى هذه الكوادرفى هذه الاحزاب فا احنا ما نبقاش يعنى ياريت المجتمع نبطل ده مصطلح الفلول احنا كلنا مصريين مع بعض
اللواء/ محمد رفعت قمصان : يا افندم انا مش باتكلم عن المصطلح تحديدا انما انا باقول رغم الهجوم اللى حصل ده كلة حضرتك مازلت مصر ان تخوض التجربة الانتخابية طب بتعتمد على ايه
اللواء/ حازم حماد :انا باخوض التجربة الانتخابية اعتمادا على شئ معين مساحة خدماتى لاهل ديرتى مساحة علاقاتى بالناس انا قبل ما افكر فى الترشيح انا سالت اهلى وديرتى وناسى انزل قالوا لى لازم تنزل لانى انا لست فاسدا وليس منحرفا ولم استفيد كان الحزب الوطنى الديمقراطى سابقا كان بيسعى ان هو يحطنى على قوائم مش انا لوحدى
محمد موافى :طب سيادة اللوا يعنى لو افترضنا وانا اوافق يعنى لو انا اتفقت معك عندماخضت الانتخابات وكان لك شعبية او مازالت لك شعبية نجحت فى هذه الانتخابات الماضية لكن الاعضاء الاخرون كيف استفادوا من نظام الانتخابات فى التزوير وفى الدخول مجلس هم لا يستحقونه انا ما باقولش حضرتك اتكلم عن نفسك وبدون ذكر اسماء يعنى ايه الاخطاء اللى خلتنا نتهم الشرطة بعد كدة
اللواء/ حازم حماد :هو شوف مفيش شك ان طبعا كانت الانتخابات الماضية كانت انا باعتبرها كارثة سياسية لان ما حدث فيها لايمكن ان يحدث اطلاق ويعنى حسبى الله ونعم الوكيل فيمن تسبب فيها
محمد موافى :طب طالما حسبنت يا سيادة اللوا انا اما اثنين من كبار رجال الداخلية يعنى سواء الحاليين او السابقين دورالشرطة كان فين فى التزوير اللى فات
اللواء/ حازم حماد : يعنى ياريت سعادة الرئيس معلش علشان خطرى وعايزين دايما ايه ننظر الى لامام خلاص الداخلية معلش بعد اذن رفعت بيه القمصان
محمد موافى :بنحاول نتعلم من الاخطاء احنا بنتعلم من الاخطاء
اللواء/ حازم حماد : الداخلية يوم 28 انهارت تماما
محمد موافى :باتكلم عن الانتخابات يا افندم
اللواء/ حازم حماد : ماهى انهارت بكل نظامها احنا كناعايشين مرحلة ما قبل 25 يناير مرحلة فيها مرحلة اسمها بما فيها نظام كل مؤسسات الدولة بما فيهم الجهازالاعلامى العظيم اللى انت قاعد فية النهارده كان كلة بيلعب لمصلحة النظام مننساش دى
محمد موافى :اكيد اكيد اكيد
اللواء/ حازم حماد : احنا النهارده اصبحنا فى انتخابات حرة اصبحنا شرطة حرة هدفها العدل ودولة القانون والمساواة انما ما قبل 25 يناير احنا كلنا بعد اذنك بنذبح فى فى النظام منقدرش هتنكرها هل ممكن تنكرها
محمد موافى :لأ انا ما اشتركتش فى تغطية ساعة الثورة انما انا لا انكر حتى فى اصطلاح يا عزيزى كلنا فلول - شكرا جزيلا شكرا جزيلا... سيادة اللوا الجدل اللى اثير مع بداية التحضير للانتخابات اولة كان مسالة التقسيم للدوائر الانتخابية عملت ازعاج عملت لخبطة عملت على اى اساس تم التقسيم
اللواء/ محمد رفعت قمصان : تمام ده سؤال فى غاية الاهمية لان دى فرصة نوضح للاخوة المواطنين بداية انا باؤيد تماما ان الدواير الانتخابية زى ما ظهر فى التقرير مترامية الاطراف كبيرة المساحة تكتظ باعداد كبيرة من الناخبين ولكن هذا الامر حتما وضرورى نتيجة النظام الانتخابى الذى تم اقرارة كان فى السابق مجلس الشعب باعضاءة جميعا بتفرزهم 222 دائرة بتفرز 444 عضو
محمد موافى :تمام
اللواء/ محمد رفعت قمصان : وحتى مع كوتة المراه ولما بلغ المجلس 508 عضو كانت بتفرزهم زيادة الدوائر الفردية
محمد موافى :تمام
اللواء/ محمد رفعت قمصان :الان صدرقانون بتنظيم انتخابى جديد قانون بتنظيم انتخابى جديد يتمثل فى الثلثين فى القوائم الحزبية والثلث للمقاعد الفردية فلابد ان اعضاء .. عدد هذه الدوائر 22 يقلص للثلث ماهوده كان بينتج كل اعضاء المجلس بالنظام الفردى
محمد موافى :فى عملية حسابية
اللواء/ محمد رفعت قمصان : مطلوب حاليا ان ينتج ثلث المجلس فقط بالنظام الفردى حيث الثلثين قوائم
محمد موافى :يعنى التقليص ده بقى المعايير ثابتة فى التقسيم ده
اللواء/ محمد رفعت قمصان : بالضبط بس معانا اتصال.. معانا أ/ مصطفى حسن من القاهرة مساء الخير يا افندم
أ/ مصطفى حسن:سلاموا عليكوا
محمد موافى :وعليكوم السلام اتفضل
أ/ مصطفى حسن:والله اناعايزاسال استاذ اللواء محمد رفعت على الانتخابات بالنسبة ايوا حضرتك سمعنى
محمد موافى :وطى التليفزيون خالص وحضرتك اتكلم
أ/ مصطفى حسن:انا وطيت التليفزيون
محمد موافى :اتفضل
أ/ مصطفى حسن:قفلتة خالص سامعنى حضرتك
محمد موافى :اتفضل يا افندم
أ/ مصطفى حسن:اناعايز اقول حضرتك اقول للوا محمد رفعت على كلام حصل بالنسبة للناس اللى هى فى الخارج كان فى مسئول وكان فى جلسة فى البرلمان السابق واحد من الصحفيين بيسالة عن حق الترشيح وحاجة زى كده بالنسبة للى فى الخارج فا قال له يعنى ليه ممنوعوالله يعنى هو اصلا مشكوك فى ولاءهم
اللواء/ محمد رفعت قمصان :يا ساتر يا رب
أ/ مصطفى حسن:انا عايز اسال سؤال
محمد موافى :مشكوك فى ولاءهم
اللواء/ محمد رفعت قمصان : صعب دى
أ/ مصطفى حسن:اه اذا هو
محمد موافى :حضرتك محتاج اساسا ان احنا نرد على مثل هذا الكلام يعنى ده ولاءك فوق راسنا
اللواء/ محمد رفعت قمصان :حضرتك قلت المصرى فى الخارج قد كون اكثر ولاءا
محمد موافى :كثر ولاءا واكثر وطنية لانة بعيد عن مصر
أ/ مصطفى حسن:كويس
محمد موافى :تمام ده الكلام اللى احنا بنحس به لان انا واحد من الناس انا واحد من الناس دى لما يقول انا مشكوك فى ولائى وبعدين فى النهاية يطلعوا هما كلهم حرامية سرقوا وودوا الفلوس بتاعت مصر برة واحنا للى بنشقى برة وبنجيب الفلوس
محمد موافى :وانتوا اللى بتجيبوا الفلوس من برة
أ/ مصطفى حسن:اه يعنى العكس
محمد موافى :ربنا يكرمك يا استاذ مصطفى
أ/ مصطفى حسن:دى غلطتنا احنا ان احنا معندناش ولاء
محمد موافى :ماعاش اللى يقول الكلام ده
أ/ مصطفى حسن:احناعشمنا توصيل الكلام ده والله
محمد موافى :احنا كدة صححناه مستنين صوتك فى الانتخابات ترجع بالف سلامة سالم غانم
أ/ مصطفى حسن:الله يخليك
محمد موافى :بتتكلم منين
أ/ مصطفى حسن:باتكلم من القاهرة
محمد موافى :الله امال مغترب فين بقى
أ/ مصطفى حسن:يعنى ما اجيش مصر
محمد موافى :لأ تعالى قاعد فين قصدى
أ/ مصطفى حسن:انا قاعد فى نيويورك
محمد موافى :احسن ناس يا باشا احسن ناس المصريين اللى هناك
أ/ مصطفى حسن:نعم
محمد موافى :احسن ناس المصريين اللى هناك
أ/ مصطفى حسن:والله يعنى انت معندكش فكرة داحنا بنعمل احتفالات بنعمل احتفالات بنبكى فيها
محمد موافى :ربنا يكرمك
أ/ مصطفى حسن:اه يعنى ما يصحش كان يتوصفنا بالوصفة دى
محمد موافى :نورت بلدك يا استاذ مصطفى
اللواء/ محمد رفعت قمصان :عايز اقول كلمة بس للاستاذ مصطفى طبعا يا استاذ مصطفى احنا كلنا بنؤكد ان احنا ابناءكوا واخوانكواداخل مصر بنسعى جاهدين ان انتوا تظلوا على صلة دائمة بمصر جأنا ناس وانا فى لقاء العديد حضرتك اللى عايشين فى الولايات المتحدة الامريكية سواء اتحاد المصريين الامريكيين او غيرهم وانا زارونى فى المكتب وقعدت معاهم وتدارسنا الافكار اللى بتمكنكوا انشاء الله من التمتع بهذا الحق الدستورى اثر طلبات المصريين فا نشاء الله كل الامورتسهل وكل القواعد توضع حتى يتم تطبيق القانون فى هذا المجال
محمد موافى :طيب نرجع بقى لمسالة الدوائر الانتخابية احنا اتكلمنا انازاى تلتين القائمة
اللواء/ محمد رفعت قمصان : بالضبط
محمد موافى :والتلت الفردى
اللواء/ محمد رفعت قمصان : بالضبط
محمد موافى :متهيأ لى ال 222 دائرةلازم
اللواء/ محمد رفعت قمصان : يتقلصوا للتلت حوالى 74
محمد موافى :تمام يتقسموا ازاى حدد لى ال 74 دى ودى ودى يجوا ازاى
اللواء/ محمد رفعت قمصان :تم وضع مجموعة من المعايير تم الالتزام بيهافى وقت واحديعنى انت حضرتك لما تحط العيار واحد او اثنين هنا هيكون فى صعوبة حتى فى تطبيقة فى جميع الاحوال ولكن تم وخاصة بالنسبة لدوائر مجلس الشعب تحديد فاهى دى
محمد موافى :لشورى كان كده كده متقلصة
اللواء/ محمد رفعت قمصان : الشورى
محمد موافى : اه
اللواء/ محمد رفعت قمصان : مابتفرقش كثير وصغيرة فما كانتش محل مناقشة من احد ولكن بالنسبة لمجلس الشعب تم وضع 6 معايير وتطبيقها جميعا فى ذات التوقيت على جميع محافظات مصر على جميع الدوائر اولا عدم المساس بالعدد الذى تحوزه كل محافظة
محمد موافى : عدد
اللواء/ محمد رفعت قمصان : عدد المقاعد
محمد موافى : اه تمام
اللواء/ محمد رفعت قمصان : فى مجلس الشعب السابق او الاسبق اوالاسبق او الاسبق
محمد موافى : يعنى كل دائرة كانت بتقدم اثنين بالتالى الدائرة لما كملت
اللواء/ محمد رفعت قمصان : لأ بنتكلم عن المحافظة
محمد موافى : اه
اللواء/ محمد رفعت قمصان : على مستوى المحافظة لان الدوائر كيانها اتغير الدوائر الفردى
محمد موافى : الدائرة الصغيرة لما دخلت فى دائرة اكبر بنفس العدد وبالتالى المحافظة كلها نفس العدد
اللواء/ محمد رفعت قمصان : المحافظة لان القانون الجديد بيقول ان ثلثين المقاعد المخصصة للمحافظة قوائم والثلث فردى فالعبره هنا بالمحافظة فكل محافظة حافظنا على عدد المقاعداللى اكتسبتها فى الانتخابات السابقة حيث لا تنقص مقعد واحد كان بالعكس فى بعض المحافظات زادت مقعدين اواربعة او سته
محمد موافى : تمام
اللواء/ محمد رفعت قمصان : ولكن ليس هناك محافظة على مستوى الجمهورية نقصت مقعد فى هذا المجال ده اول معيار ثانى معيار يمكن السادة النواب ومنهم الاخ العزيز حازم حمادى عاصر هذا يعنى كانت الدوائر مفتتة يعنى جزء من مركزاو قسم ينضموا لمركم اخر لاسبب او لاخر بقى مصالح شخصية تكتلات حزبية اغراض سياسية
محمد موافى : دوائر
اللواء/ محمد رفعت قمصان : بالضبط دوائر كده كانت 22 دائرة منذ148 دائرة مجزأة بنسبة حوالى 67 – 64 و17% تقريبا من اجمالى عدد الدوائر الانتخابية فا دى كانت عوار فى القانون وكانت بترهق النواب فى التعامل مع
محمد موافى : وهذا العوار تم تلافية
اللواء/ محمد رفعت قمصان : على سبيل المثال كان مركزكفر الدوار فى البحيرة مقسم ما بين قسم كفر الدوار ومركز ابو المطامير والدائرة مركز اتكو رشيد فكان المركز مفتت من ثلاث اتجاهات يعنى تم علاج هذا العوارواعة كل الكيانات الادارية لتصبح كيانات ادارية كاملة المعالم موحدة الاقسام والمراكز كاملة دون استقطاع جزء لحساب جزء اخر وده طبق على جميع انحاء الجمهورية ولا يوجد حاليا اى جزء مستقطع
محمد موافى : طب سيادة اللوا هل ترجع كل هذه التعديلات حضرتك بتقول لى كل محافظة لم يتم تمثيلها فى البرلمان
اللواء/ محمد رفعت قمصان : تمام
محمد موافى : اساسا هل نحن فى حاجة لاعادة النظر فى الكثافة السكانية لكل محافظة وبالتالى تمثيلها فى البرلمان
اللواء/ محمد رفعت قمصان : هو الكثافة السكانية بتفرز قاعدة انتخابية تتناسب معاها والعبرة عندنا فى التقسيم ودى احد المعايير اللى باقول لحضرتك عليها السته ان هو مراعاة اعداد الناخبين وتناسبها فى الدوائر الانتخابية فا ده معيار ثالث زائد ضرورة التجاور الجغرافى هناك الدائرة لانه كان فى بعض الدوائر تلاقى الدائرة لفة كده واخدة جزء من حتة تانية فعملناتجاور جغرافى من خلال خرائط مساحية ومن خلال متابعة ميدانية مع الاجهزةالمختصة فى المحافظة بحيث يبقى فى تجاور جغرافى لمكونات الادارية الخاصة بالدائرة الفرديةايضا تجاور جغرافى لمكونات دائرة القوائم من الدوائر الفردية
محمد موافى : تمام
اللواء/ محمد رفعت قمصان : والمعيار الاخير اعادة مكونات محافظة حلوان لكل من الجيزة والقاهرةواعادة اكتوبر
محمد موافى :بعد ما شحطتونا رجعنا تانى
اللواء/ محمد رفعت قمصان :لمحافظة الجيزة هذه المعايير الستة طبقت بدقة شديدة وبموضوعية اشد ودون حساب او اعتبار لاى جوانب سياسية حزبية او خلافة وعلى مستوى الجمهورية جميعا واسفر تطبيق النظام يمكن كانفى البعض اتاخرنا فى الدوائر فى اعلانه
محمد موافى :بس هى هى الجدل كان ان هى صعبت قوى على الناخبين او على المرشحين
اللواء/ محمد رفعت قمصان :انا مع حضرتك كانوا العديد من الناخبين او الحزبيين اللى على اتصال بيا بيؤكدوا على هذا وانا مقتنع باللى بيقولوه
محمد موافى :ويدى الفرصة اكثر للقائمة يعنى القائمة بقت للتنافس فيها اقل حدة من التنافس على الفردى يعنى الفردى بقى
اللواء/ محمد رفعت قمصان :موضوع القائمة كنا فى البداية اشتغلنا على 50%و50% ويكاد يكون القانون على وشك الصدورولكن فى بعض المطالب كان فى بعض المطالب ان كلة يبقى قوائم مهما ان كانت المطالب النظام القانونى اقر انا كمسئول عن اعداد ادارى او التجهيز
محمد موافى :ليس لك علاقة به
اللواء/ محمد رفعت قمصان :انا من رايى بنفذ الجزء المختص بيا فى ما يقارب القوانين
محمد موافى :تمام
اللواء/ محمد رفعت قمصان : القانون قال تلتين قوائم والتلت فردى يبقى الدوائر الانتخابية تتظبط على هذا لونص ونص كانت اريح شوية
محمد موافى :تمام .. طب الجد ل ده فيما يخص الدوائر الانتخابية كتقسيمها واللى اتقال عنه الجدل الثانى او اللى بيثار فى الشارع دلوقتى قالت ضبط استخدام الشعارات الدينية ايه دور وزارة الداخلية فى هذه المسالة ودور قيمة الاشراف على الانتخابات فى هذه المسالة
اللواء/ محمد رفعت قمصان : هستاذن حضرتك بس فى حتة الدوائر الانتخابية كان فى لقاء عقدة السيد الفريق سامى عنان نائب رئيس المجلس الاعلى للقوات المسلحة ورئيس هيئة الاركان مع ممثلى القوى السياسية ووجهت بعض اوجة النقد لقانون تقسيم الدوائر والبعض ذكر امثلة وتم الرد عليه فى حينه بالارقام والارقام لا تكذب ولا تتجمل يعنى
محمد موافى :فى عدالة فى الموضوع
اللواء/ محمد رفعت قمصان :العدالة المطلقة
محمد موافى :تمام
اللواء/ محمد رفعت قمصان :وسيادة الفريق طلب ان تتاح الفرصة لكل القوى السياسية اللى هتبدى ملاحظات خاصة وكنا على استعداد كامل لاستقبال اى ملاحظات وتعديل التصور وكان هذا عن حق فعلا وبوجهة نظر موضوعية وفى اطار القانون
محمد موافى :تمام
اللواء/ محمد رفعت قمصان : والمهلة اللى كانت ممنوحة وضعفها كمان بشوية ومفيش حد تقدم يعنى انماهما انا مشفق عليها فى الدوائر وحجمها وكبرها انماهى مرحلة انتقالية ومرحلة مهمة كلنا نتحمل المشقة فيها لحد انشاء الله ما نعبر ببرلمان قوى محترم
محمد موافى :يارب
اللواء/ محمد رفعت قمصان : حيادى يتمتع بكل النزاهة
محمد موافى :الشعارات الدينية
اللواء/ محمد رفعت قمصان :اللجنة العليا للانتخابات بتضع قواعد منظمة للدعاية الانتخابية وبتستند فى تحديدها لهذه القواعد الى ماورد فى الاعلان الدستورى وفى قانون تنظيم وثيقة سياسية وثيقة مجلسى الشعب والشورى
محمد موافى :تمام
اللواء/ محمد رفعت قمصان :كل هذه القوانين وهذه المنظومة القانونية بتتضمن ضوابط للدعاية الانتخابية من حيث تحديد مدتها سقف الانفاق فيها القواعد اللى بيجب الالتزام بيها من عدم تعرض لحرمة الاخرين والاشخاص اللى الجوانب الشعارات اللى بتحمل مخاطر على ا لامهكل هذه الامور بتبقى نصب اعين اللجنة العليا بتضع هذه القواعد تطبيقا لنصوص دستورية وقانونية واحنا بنناشد كل الاطرافالالتزام بهذه القواعد لان يمكن حضرتك اثرت مسئولية الامن والشرطة وزى ما الاخ حازم حمادى قال ان الشرطة هتقوم بدورها شرط قيام الاخرينبادوارهم فى هذا المجال لان استقرار الامن والحفاظ على سلامة العملية الانتخابية واتمامها على اكمل وجه ليس مسئولية الشرطة فقطولكن الناخبين والمرشحين
محمد موافى :ده الكلام اسمحى حضرتك ماهوده الكلام ده نفسة برضه مدرسة وزارة الداخلية السابقة ان احنا بنقوم بدورنا لكن الجميع يجب ان يقوموا بدورهم الشرطة فى خدمة الشعب والشعب فى خدمة الوطن لكن ماهو دوروزارة الداخلية ان هى تضرب على ايد اللى ما يلتزمش بدورة
اللواء/ محمد رفعت قمصان :اكيد ما هو لازم ايه حضرتك
محمد موافى :حضرتك لما تلتزم بدورك التزام شديد تجبر الاخرين ان هما يمشوا
اللواء/ محمد رفعت قمصان :هوالتالى حضرتك مش مجرد رص قوات ادام مكان معين من الساعة كذا للساعة كذا هو التامين بيحمى هذا المكان وما يجرى فيه من عمل ديمقراطى المفروض يكون حقيقى وسليم
محمد موافى :ويدينى الحرية بدون ضغط بدون تهديد
اللواء/ محمد رفعت قمصان:تصدى تصدى حازم لكل اوجه الخروج على الشرعية اى خروج على الشرعية مخالفة القانون يتم والجرائم الانتخابية الوارده فى قانون ممارسة الحقوق السياسية اكثر من 11 مادة اللجنه العليا ابدت مشروع لتغليظ العقوبات قدم وصدر مرسوم
محمد موافى :يعنى لو ضابط شرطة مسئول عن تامين مدرسة او مقر انتخابى ولقى شعار دينى وحصلت علية مشكلة ايه دورة
اللواء/ محمد رفعت قمصان :لأ هو لوحصل علية مشكلة هيتقدم ببلاغ فى حد
محمد موافى :انما هوهو ملوش علاقة طالما لم يبلغ احد
اللواء/ محمد رفعت قمصان: هى الالية الية التعامل مع اوجه الدعاية الانتخابية بتاع اللجنة العليا للانتخابات هل فى جهات عندها ضبطية قضائية وخلافة وبترصد التجاوز بلا بلاغات مواطنين تحال النيابة العامة للتحقيق
محمد موافى :طب هنسال حضرتك ايه اللى موجود طيب القواعد المظمة للدعاية الانتخابية للجنة العليا للانتخابات وتحط فيها كل هذه التفاصيل والاليات يعنى هل فى لجنه انتخابات فى المحافظة هل يتم اللجوء ليها فى تقديم البلاغ ابدا النيابة العامة
محمد موافى :الة القانون قال ايه طيب
اللواء/ محمد رفعت قمصان :لأ القانون لأ ادى للجنةالعليا
محمد موافى :انما اللجنة لسة ما قالتش
اللواء/ محمد رفعت قمصان :اللجنه اصدرت بعض جوانب هذه القواعد وبتترجم الياتها فى التنفيذ فى الميدان لما تقترب موعد
محمد موافى :فى سؤال يمكن سابق لاوانة لكن يعنى طالما الانتخابات هتتم مرة واحده او يعنى المرشح
اللواء/ محمد رفعت قمصان :لأ هى على 3 مراحل
محمد موافى :انا قصدى الناخب اللى هيخش هيعلم على القائمة ويعلم على المرشح الفردى اوالمرشحين ليه الفردى النتيجة انتوا قلتوا ان هتطلع قبل القائمة مع ان الورقة واحدة
اللواء/ محمد رفعت قمصان :تمام هى مش ورقة واحدة
محمد موافى :قصدى هو ورقتين متزامنين يعنى
اللواء/ محمد رفعت قمصان :بالضبط الناخب هيدخل ياخذ بطاقتين لابداء الراى احداهما للمقاعد الفردية والاخر للقوائم ودى ليها صندوق ودى ليها صندوق المقاعد الفردية كيفية حساب النتيجة فيها فى القانون اللى بيعدى الاغليبة المطلقة 50 + 1 بيختار اعلى اثنين بشرط ان يكون احدهم على الاقل من العما ل والفلاحين فى الية معينة بتحكمها ثم مسموح فيها بنظام الاعادة
محمد موافى :هه
اللواء/ محمد رفعت قمصان :ده فى القانون بتتم الاعادة بشكل معين مش هينفع اخش فى تفاصيلة فلازم تعلن فى ذات اليوم او اليوم التالى مباشرتا لانتهاء العملية الانتخابية اما بالنسبة للقوائم الحزبية فالقانون ايضا حدد نسبة حسم لابد ان يحصل عليها اى حزب او اى قائمة حزبية سواء قائمة حزبية منفردة او قائمة ائتلاف حزبى بين عدة كيانات حزبية على نص % من عدد الاصوات على مستوى الجمهورية من يعبرهذه الخطوة ويحصل على هذه النسبة له حق التمثيل فى البرلمان ويدخل فى حزبة اخرى خاصة بتوزيع المقاعد فمن هنا كان لابد من الانتظار المرحلة الاولى تتم والمرحلة الثانية تتم والمرحلة الثالثة تتم حتى يتم تجميع
محمد موافى :يعنى انا
اللواء/ محمد رفعت قمصان :للاصوات اللى اخذها كل حزب فى ال3 مراحل
محمد موافى :الى انا كنت فاهمة مثلا لو قائمة الاخوان قائمة الوفد قائمة حزب كذا حزب كذا حزب كذا نازل الانتخابات قائمة منهم اخذت 20% فيتم اختيار اول اثنين قائمة اخذت 30% بتختار اول ثلاثة هل ده صحيح هل انا فاهم كده صح
اللواء/ محمد رفعت قمصان :هومعلش يعنى هو كبعا انا باكد كيفية حساب النتائج ده بتحكمة القواعد القانونية واللجنة العليا اعتقد انها بصدد تفصيل دقيق ليها اقام الامثلة علشان يطبق فى المرات القادمة انما باختصار شديد علشان ما نرهقش ذهن السادة المشاهدين فى خطوةاولى قبل كل ده حكاية 20% و30% والكلام ده كلة
محمد موافى :اه اللى هى
اللواء/ محمد رفعت قمصان :نسبة الحزب لابد ان كل حزب او قائمة
محمد موافى :على مستوى الجمهورية نص %
اللواء/ محمد رفعت قمصان : نص % من عدد الاصوات الصحيحة وتعتبر دى من اقل النسب على مستوى العالم يعنى احنا عندنا نسبة الحسم فى المانيا 5%فى اسرائيل تزيد عن هذا يعنى اذا كان
محمد موافى :خلينى مثال بس
اللواء/ محمد رفعت قمصان :اتفضل
محمد موافى :يعنى لوحزب س اخذ فى دائرة اخذ 70% من الاصوات لكن على مستوى الجمهورية مكملش نص % يبقى ال 70% دول
اللواء/ محمد رفعت قمصان :هو لا يمثل فى البرلمان ما لم يحصل على نسبة نص % الى هى نسبة الحسم ودى القانون
محمد موافى :حلو حصل بقى على نسبة
اللواء/ محمد رفعت قمصان : حض تك سنه 87 وفى83 وكان فى انتخابات بالقائمة برضه اعترف بعدم دستوريتها يعنى كانت نسبة الحسم
محمد موافى : مادى برضه بيطعن فى عدم دستوريتها
اللواء/ محمد رفعت قمصان :والله دى اوضاع مش بتعتنا يعنى يعنى اى وضع هيتم
محمد موافى :اه
اللواء/ محمد رفعت قمصان :نتمنى ان الانتخابات تتم باسرع مايمكن وتفرز ماتفرزة يعنى فى ظل هذا المناخ
محمد موافى :طيب تم الحصول على نسبة نص %
اللواء/ محمد رفعت قمصان : كانت النسبة قبل كدة 8%وفى بداية الاقتراحات التشريعيه ظلت تتناقص تتناقص
محمد موافى :كانوا عامين اوكازيون
اللواء/ محمد رفعت قمصان :لازم الاحزاب تاخذ فرصة جديده لية احنا فى مرحلة انتقالية والثورة افرزت كيانات وقوى سياسية جديده لابد انها تاخذ فرصتها والشباب الجديد يمكن غير معترف بالحياة السياسية ولا يعلم تفاصيلها ودقائقهاوقد تعوزة بعض الاماكانيات فلابد نمنح الفرصة كاملة
محمد موافى :احنا معانا اتصالات كثيرة جدا يعنى هناخذ اتصال منهم يعنى اتصال ربما يكون الاخير أ/ه نادية من القاهرة مساء الخيريا افندم
أ/ة نادية :مساء النور ياافندم
محمد موافى :اتفضلى يا افندم
أ/ة نادية :حضرتك مع سيادةاللوا فى ان الشرطة اه تامن الانتخابات بس فى نفس الوقت يكون المواطن على مستوى المسئولية مينفعش الشرطةزى ما حضرتك بتقول تضرب من يد من حديد
محمد موافى :مادى قضية ثانية دى قضية ثانيةخالص
أ/ة نادية :لأ حضرتك دلوقتى اى انسان فى الشارع لو كلمتة دى على بيتطاول على اى انسان ان كان كبير او مسئول بغض النظر عن ان كان شرطة فى مكاتب فى مدارس فى اى حته فلازم قبل كل شئ لازم يكون فى تعاون والتعاون ده ما يتمش الا لو كان المواطن يبقى مسئول لكن انا قلت
محمد موافى :يا استاذه اسمحى لى طيب اللى مش هيتلم انا اسف فى التعبير يعنى للاسف بالقرانمن لم يذهب بالقران يذهب السلطان
اللواء/ محمد رفعت قمصان :يذهب بالقانون اه
أ/ة نادية :يتلم اه بالقانون بس برضه محدش مثلا حضرتك يرجع يعمل حاجة وترجع تقولة انت ضربت لية لأ انا هحكمك
محمد موافى :دى قضية ثانية انا اتفق مع حضرتك يعنى
اللواء/ محمد رفعت قمصان :شكرا يا استاذه نادية متشكرين
أ/ة نادية :الله يخليك
محمد موافى :شكرا دلوقتى باب الترشيح اغلق المرشحين كلهم تقدموا بس المسالة انتهت ماهى الخطوة التالية ستبدأ الدعاية السماح بالدعاية
اللواء/ محمد رفعت قمصان : لأ هو بعد غلق باب الترشيح فى فترة اسبوع مقسمة ما بين عرض كشوف المرشحين طبقا للقانون يعنى اللجنة العليا للانتخابات اعلنت هذا فى كل وسائل الاعلام للجميع فى فترة للطعن على الشكوفوابداء اى ملاحظات عليها وفى لجان قضائية للفصل فى الاعتراضات
محمد موافى :الفترة دى اد ايه ياافندم
اللواء/ محمد رفعت قمصان :اسبوع كامل بعد هذا الاسبوع بتعلن الكشوف النهائية للمرشحين مقرونة بالرموزالانتخابية وهتنشر بمعرفة اللجنةالعليا للانتخابات فى صحيفتين يوميتين واستعتين الانتشار ومن اليوم الثانى للنشر اعلان الكشوف بتبدأ فترة الدعاية الانتخابية
محمد موافى :السؤال بقى مين اللى هياخذ الجمل والهلال
اللواء/ محمد رفعت قمصان :مفيش جمل وهلال فى الرموز
محمد موافى :خلاص شلتوهم يعنى حتى الجمل والهلال اتشالوا مع الحزب
اللواء/ محمد رفعت قمصان :هو اللجنة العليا للانتخابات اعادت القانون 73 ل سنه 56 المادة 3 مقرر منه حديثة الاختصاص اللجنة العليا للانتخابات وهى عاشر اختصاصات تحديدا تشمل كل جوانب العملية الانخابية احد هذه الاختصاصات وضع تطبيق نظام الرموز الانتخابية فالجنة العليا فعلا اصدرت قرار 16 لسنة 2011 لتنظيم دقيق ومحكم وعادل لتوزيع الرموز الانتخابية بين الاحزاب وبين السمتقلين واعادة تققيمة للاحزاب الرموز كانت
محمد موافى :ماهومفيش ماهو اكيد برضه ياافندم فى توزيع الرموز فى محسوبيات فى وساطات
اللواء/ محمد رفعت قمصان :لا يمكن بص
محمد موافى :كان قبلكده فى
اللواء/ محمد رفعت قمصان :لا يمكن لأ وفق قرار اللجنة العليا للانتخابات
محمد موافى : ماهو القرار حاجة والتطبيق حاجة
اللواء/ محمد رفعت قمصان :هقول لحضرتك على نقطة كان زمان توزيع الرموز باولوية الحضوروما يقترفه ببقى من الحاجات اللى سيادتك بتقول عليها دى ولكن وضعت من 2007 بعض القرارا برضه بهيئة اللجنة العليا السابقة نظمت الى حد بعيد موضوع الرموزاللجدنة القضائية الحالية قيمت الموضوع كاملا يعنى اعادت تقييم الرموز الموجودة واضافت عليها رموزجديده اصبحت حاليا 150 رمزانتخابى واعادة تقييم حزفت كل الرموزاللى بتحمل يعنىحاجات امور ثانوية يعنى ذات دلالات معينة هى زى الهلال النجمة الشمس القمر الرموز دى يعنى
محمد موافى :بس دى ملهاش علاقة
اللواء/ محمد رفعت قمصان :ماهى دى حضرتك
محمد موافى :ملهاش علاقة
اللواء/ محمد رفعت قمصان : اه
محمد موافى :يعبد الشمس والا القمر يعنى
اللواء/ محمد رفعت قمصان :كل الحيوانات فكل الحيوانات يعنى قد يكون غير مناسب لبعض المرشحين انه ياخذ رمز حيوان مثلا مش مناسب فكل الامور دى اتشالت واتنقت الرموز كلها وتم زيادةعددها لصل الى 150 رمز وتم وضع قواعد محددة وواضحة تماما بمعايير قمة الشفافية والنزاهة فى توزيع الرموز على الاحزاب وتطبييقها وتطبيق قواعد معينة فى حالة التزاحم
محمد موافى :يعنى لن نجد احد المرشحين تقدم ببلاغ او يصيح فى الصحف والاعلام انه تم اعطاء رمزمعين لمنافسة وهو اعطى رمز لاخر
اللواء/ محمد رفعت قمصان :اى بلاغ فى هذا المجال اللجنة العليا هتفحصة كاملا وانا اذا كلفت بفحص هذا الموضوع انا مستعد للرد علية ومن يتم فى حقة مثل هذا التجاوزعليه ان يلجأ لكل الوسائل القانونية والاعلانية
محمد موافى :ليس المسالة ليس فيها خيار يعنى لا يتم المرشح لايختار ما بين الرموز المتاحة والا هو اللجنة هى اللى بتدى ده
اللواء/ محمد رفعت قمصان :نفرق بين القوائم الحزبية وبين النظام الفردى فى القوائم الحزبية الحزب بيبدى رغبة فى اختيار رمز معين بتلبى رغبتة فى حالة وجود تزاحم ان الرغبة هذه اجلت مرة
محمد موافى :عرى مستوى الدائرة والاعلى مستوى الجمهورية كحزب ده بيطبق فى كل الدول
محمد موافى :جميل
اللواء/ محمد رفعت قمصان :بيختار رمز واحد فقط بيعطى لقوائمة علىمستوى الجمهورية لوحدث تعارف بين الرغبات بين الاحزاب وبعضها دى فى قواعد حطها اللجنة العليا للانتخابات اذا كان تم استخدام هذا الرمز فى انتخابات سابقة الالوية للحزب الاقدم فيها فى حالة وجود تعارض بيعمل قرعةعلنية ما بين المتزاحمين حتى الان الحمد لله مفيش الكلام ده بتبدأ الفردى باسبقية تقديم طلب الترشيح فالمرشح بياخذ رمزمعين حسب اولويتة وبيكوناتاح له خلال 3 ايام يعدل الرمز اللى يعجبة زى ماهو عايز
محمد موافى :سيادة اللوا احنا تقريبا خلصنا بعض الاسئلة
اللواء/ محمد رفعت قمصان :عايز اكمل بس حضرتك
محمد موافى :اتفضل
اللواء/ محمد رفعت قمصان :الانتخابات القادمة العديد من الوسائل التى ترفع من درجة الحيدة والنزاهة والشفافية هيتم تطبيقها انشا ء الله وانا ووزارة الداخلية كنا حريصين انها تتعمل وان احنا نبذل اقصى جهدسواء السفرلاحدى الدول الاوروبية للوقوف على احدى التجارب او الدعم المادى فى الامور دى كلها
محمد موافى :زمان برضه وتم استيراد الكمبيوتربتاع وزارة الداخلية اللى كان بيطلع 99%
اللواء/ محمد رفعت قمصان :لأ دا
محمد موافى :زمان دا كانت النكت اللى بتتقال
اللواء/ محمد رفعت قمصان :لأ هو جا من برة يعنى
محمد موافى :اه
اللواء/ محمد رفعت قمصان :مش عارف يا استاذ محمد احنا الى متى سنظل بنكى الى اللبن المسكوب
محمد موافى :سيادة اللوا انا بدأت الهجوم وحاولت افكر بدوا المشاهد بالهجوم فى نهاية الحلقة حتى تتضح حدود وزارة الداخلية
اللواء/ محمد رفعت قمصان : انا كنت عاوزاخذ فرصة بس اوضح الحاجات الجديدة ويمكن دى اول مرة نطلع فيها فى برنامجكم يعنى
محمد موافى :بسرعة
اللواء/ محمد رفعت قمصان :هيبقى فى كبياين اقتراع بديلة للستائر القماش
محمد موافى :اه
اللواء/ محمد رفعت قمصان :بشكل جيد هتساع اكثر من ناخب فى توقيت واحد وبسرية تامة فى حبر فسفورى معد بمعرفة اعرق شركات مستلزمات الانتخابات فى العالم
محمد موافى :والاعظم ان مفيش ميتين
اللواء/ محمد رفعت قمصان :فى تميز وطبعا مش هيكون فى من المؤكدفى من توفى فى الفترة الاخيرة جدا جدا ملحقتش تخش قاعدة البيانات دلوقتى مش هيدخل علشان بطاقة الرقم القومى
محمد موافى : سيادة اللواء محمد رفعت قمصان مساعد وزير الداخلية والانتخابات شكرا جزيلا كان لازم نوضح ماهى حدود وزارة الداخلية فى الماضى وما هى حدودها فى هذه الانتخابات ربما كانت الحدود واحدة كان التطبيق هوالمختلف هذه الانتخابات كما قلنا فى المقدمة هى الاولى بامتياز فى تاريخ مصر من حيث اشياء كثيرة الخبر الذى بدأنا به بشرى للمصريين بالخارج وقد حكمت المحكمة الادارية العليا باحقيتة فى التصويت فى الانتخابات شكرا لحضراتكوا جميعا حتى القاكم دمت فى رعاية الله وامنة .