الاربعاء: عمروالشناوي: مساءالخيرعنوان حلقتنا النهارده هو(ماذا نريد من حكومة الدكتورشرف الجديدة) ساعات ويعلن التشكيل الوزاري الجديد لحكومة الدكتورعصام شرف رئيس الوزراء وسط المطالبات بالاقالة والابقاء واعطاء الفرصة،بداية لا يختلف مصري على نزاهة الدكتورشرف ووطنيته ولكن الخلاف هذه المرة كان على طريقة الادارة وآلية اتخاذ القرارمايصح لادارة أسرة لا يصلح لادارة دولة التحديات مهولة والمهام جسام والضغوط الشعبية لا حدود لها من مطالبات سياسية وحتى فئوية الانتقادات التي وجهات للحكومة السابقة عديدة البعض يراها انها لم تنجز ماكان ينبغي عليها انجازه في تلك المرحلة ولم تتصد الى ازمات ومشكلات والبعض يرى ان الحكومة كانت حكومة تسييراعمال،الحكومة الحالية بطبيعة التزاماتها والفترة الزمنية الباقية لها المؤقتة والمحدودة مهمتهاهي وضع مصرعلى الطريق الصحيح ومؤسسات الدولة من برلمان ورئاسة على قدميها من جديد ، لو كانت مجرد حكومة تسيير اعمال كان طلب منها ان تسيرالامورعلى ماهي عليه الى ان تنتهي هذه الفترة الانتقالية وان المسمى الصحيح هي حكومة تغيراوتغييراوانقاذ، حكطومة شفيق كانت حكومة تسيير اعمال وحكومة شرف الاولى حكومة انتقالية ، الحكومة الجديدة حكومة ثورة او انقاذ اوحكومة تغييراوتحقيق مطالب الثورة خاصة تلك المطالب العاجلة ، الاهتمام بالشارع عودة عجلة العمل والانتاج كل ماكان برنامج الحكومة القادمة واضح ومحدد صار في استطاعتها ان توازن بين ثورة التوقعات وان تحمل اعباء غيرمسقوفة وبين الامكانيات في اللحظة الراهنة وهي محدودة حكومة شرف تريد في الظروف الصعبة ما يغطي على حكومة شرف ويزيد ، غيرمطلوب في الحقيقة من الحكومة الجديدة تقديم حلول جوهرية لمشكلات مزمنة وغير مطلوب من الحكومة القادمة التصدي لقضايا استراتيجية تحتاج لجهود وتمويل اكبر بكثير مما هو متاح حاليا انتهى عهد الابوية السياسية ليحل محلها عصر المساءلة السياسية حتى نحاسب الحكومة القادمة على ما ستكلف به لتنفيذه ، الحكومة الجديدة يجب ان تتصرف على انها حكومة ثورة منتصرة وعلينا ان نوفر لها دعمنم شعبي قبل الرسمي حتى نعبر جميعا بسفينة الظروف الصعبة التي نعيشها الان ايها السادة نلتقي بعد هذا التقرير تقرير مواطن1: نطلب من الحكومة الجديدة انها تكون حكومة عادلة مش عايزين ظلم زي الاول عايزين كل واحد ياخد حقه وعايزين حق الناس اللي ماتت مواطن2:انا عايزة البلد ينصلح حالها والشباب يتجوز ويلاقي شقق وعايزة البلد تبقى كويسة دا اللي انا عايزاه والناس كلها عايزة كده مواطن3: قيادات جديدة نسيبنا بقى من النظام القديم خالص ومن الوزرا اللي كان بيطلع ، احنا عايزين شباب وقدرات تمسك ويكون فيه تجديد يعني مثلا الوزارة تغير مش تمشي على نفس النظام القديم مواطنة 4: توعية للشباب وتوعية لكل فئات الشعب احنا بلدنا محتاجة علم بحق ربنا احنا عيبنا الوحيد ان احنا ما بنطبقش العلم صح مواطن5: تكون معبرة عن كل الاتجاهات وكل الطوائف بتاعة البلد وتكونة حكومة عندها قدرة على اتخاذ القرارات السريعة اللي هي المطالب بتاعة الجماهير اللي هي طالباها انها تحققها في الفترة القصيرة دي لحد ماتيجي الانتخابات مواطن6: فيه صنايعية قاعدة برضه من الشغل عايزين نشتغل والناس الغالبة كتير قوي في البلد دي مواطن7: عايزين رئيس وزارة يتناسب مع طموحات الشعب ان مفيش حد من نظام حسني مبارك اللي احنا عايشين فيه 30 سنة فساد ورشوة ومحسوبية وكله عايزين وزارة نضيفة وبس فاصل عمروالشناوي: اهلا بيكم مرة تانية بنرحب بضيوفنا الدكتور عمرو هاشم ربيع الخبير بمركز الدراسات السياسية والاستراتيجية اهلا بيك دكتورعمرو ايضا يسعدنا ان يشرفنا بالحضورالاستاذ محمد سيد صالح مدير تحرير جريدة المصري اليوم ..الحقيقة التووقعات مالية الشارع على التشكيل الوزاري الجديد توقعات كثيرة جدا وطموحات وامال عريضة دكتور عمرو ماذا تتوقع في هذا التشكيل ؟ د/عمروهاشم ربيع: اتوقع طبعا بعد المشكلة اللي فاتت من حكومة دكتور شفيق ثم حكومة دكتور عصام والتعديلات التي جرت اكثر نمن تعديل ان يكون هناك اكتر من درس لكافة القوى والاطراف بمعنى انه يكون درس للمجلس العسكري انه يعطي قدر كبير من السلطة ومن التفويض بمعنى ان االعلان الدستوري ملئ بسلطات كبيرة جدا للمجلس العسكري وسلطات محدودة جدا لمجلس الوزرا ويكون هناك قدر كبير كبير من المرونة ودا المتوقع وما يكونش رئيس الوزرا كما لو كان دوبلير للمجلس العسكري يكون عندما ينتقد فينتقد من سياسة هو وضعها وعندما يثاب فيثاب من سياسة هووضعها ومطلوب من الطرف الاخران يهدأ قليلا اعطاء الفرصة للاخر بمعنى انه فيه مطالب ومطالب معظمها ان لم يكن كلها مطالب مشروعة لكن يجب ان يكون هناك نوع من الصبر واعطاء مهلة لانه ما ينفعش المطالب تتحقق بشكل سريع عمروالشناوي: اذا طلبنا ان احنا نديهم مهلة وهما اصلا حكومة مؤقتة في فترة زمنية محدودة هل تتفق مع هذا ان فيه بعض الصلاحيات للوزارة محدودة ايضا ؟ أ/محمد سيد صالح: بالفعل لكن انا عايز اقول حاجة كان تشكيل حكومة شرف الاولى وحكومة شفيق كان حتى مداولات بين الاصدقاء انت هتقبل الوزارة ولا لا فيقول انا خايف دا شفيق عليه كلام في الشارع او شرف ممكن يستقيل بكرة واتفقنا في الاخر وكانت نصيحة من البعض ان العمل في حكومة ثورة اليوم يوازي سنة ..الفترة مش محدودة قوي شوف انجازات الثورة في الفترة اللي فاتت وانت تشوف والاعباء التي حلت وقضايا الفساد التي نوقشت الوقت ثمين جدا في هذه الفترة لكن زي ما الدكتور عمرو بيقولك مش بس اعطاء الفرصة لحكومة شرف او شرف نفسه، اعطاء الفرصة لوزراء شرف انفسهم فيه ناس كفاءة منهم لكن زي مطرب طلعه كده محدش بيسمعه معتصمي الثورة مش قادرين يسمعوا اصوات حتى .. الصوت العسكري كان احيانا مفيهوش مرجعية واحدة خليني اديلك مثال على سبيل المثال الدكتور عمرو عزت سلامة اعتقد لما جه في بداية الثورة اعتقد انه كان مطلب جماهيري لانه الراجل قدم اداء راقي جدا ولم يتدخل وماجاش اسمه في قرار فساد لا اداري ولا اي حاجة بدليل انه اشتغل في وزارة الاسكان واشتغل كممثل في التعليم العالي في الجامعة ، الارجل لما رجع كان فيه ذهول من العلام وذهول من زملائه وذهول من الجميع ازاي انت ما اقلتش هذه القيادات المحسوبة على الحزب الوطني الراجل تم الضغوط عليه الراجل ما اداش كويس الراجل في ضغوط نفسية الراجل خايف يعني فيه حجمين من الضغوط مورس في الفترة الماضية ضغوط من المجلس العسكري وضغوط من الناس عايزة تمشي جنب الحيط علشان تعدي عمرو الشناوي: اي وزيرواي مسئول معرض ي هذه الفترة لهذه الضغوط ؟ أ/محمد سيد صالح: التغيير المرة دي هيبقى كاشف جدا المرة دي الامور محسومة والمطالبات واضحة منه للشارع مباشرة اتمنى من الدكتور عصام شرف انه ما يطلعش في كل صغيرة وكبيرة يجاوب يسيب وزراؤه يشتغلوا انا احيانا كنت باحس ان دكتورعصام شرف وان المجلس العسكري سايب عصام شرف في الشارع والوزراء ما بيشتغلوش وكانه مصلح اجتماعي لا تقدم شئ حقيقي مش سايب الوزارء يشتغلوا كل في مجاله كل واحد منهم وايضا المجلس العسكري يترك الوزراء عمروالشناوي: نسمع وجهة نظرايضا من خارج الاستوديو معانا الدكتورمرسي منصور على التليفون امين عام تحالف ثوار مصر دكتور مرسي مساء الخير توقعاتك للتشكيل الوزاري الجديد ايه ؟ د/مرسي منصور-امين عام تحالف ثوارمصر: الحقيقة انا بشستغرب نه فيه بعض الناس الثوريين جدا اللي قالبين الدنيا بالكلام ولما جت تعرض عليهم الوزارة رفضوا وسمعت منهم من يقول انا مش اقدر اخد الوزارة دلوقت استنى لما الامور تستقر يعني ناس عايزة مصلحة شخصية انا مش فاهم ولا عايزين يخدموا البلد ويحودوا البلد من المرحلة الراهنة الى مرحلة التحول اللي بنطمح ليه كلنا عمروالشناوي: عندك مثال دكتور مرسي فيه حد ؟ د/مرسي منصور-امين عام تحالف ثوار مصر:انا مش عايز اتكلم عن اسامي انا سمعت الدكتور عصام شرف ان بعض كبار الشخصيات الثورية اللي عاملة نشاط كبير جدا معترضة على كل حاجة تقريبا واتطلب منهم ان يششاركوا في تحقيق التحول اللي بيطمحوا اليه هما والناس كلها احنا في فترة حرجة جدا ومصر محتاجة ناس فدائيين يتحملواالمسئولية على مستوى الوزارات كلها فيما يخص مرحلة التحول الديموقراطي والمراحل الثورية والتحولات الثورية حتى على مستوى وزارة الصحة هناك الكثير فيما يخص المصابين وضحايا الثورة والتقاريرالتي يجب ان تخرج بشكل فيه مصداقية عمروالشناوي: بكل تاكيد دكتور مرسي منصور بشكرك شكرا جزيلا .. دكتور عمرو يبدو ان فيه بعض التشكك حتى من رموز الثورة . د/عمرو هاشم ربيع: انت عندك فيه حاجتين مهمين على حكومة شرف او الحكومة الموجودة الضغط الاول هو ضغط من الشارع بمعنى انه عندنا ظرف استثنائي اللي هو ظرف الثورة فكل ما احد يخطئ الوضع العاكم الطبيعي انه يكون عندنا برلمان يكون بيحاسب الوزارة والطبيعي انه الشعب ما بينزلش كل مرة لكن انا جايب برلمان وهذه الوزارة مسئولة من البرلمان طبعا دا الافضل وبيعمل نوع من الاستقرار لدينا دلوقت وضع تاني خالص فيه ضغوط على اي حاجة بتقوم بيها الوزارة من قبل الثوار او من قبل الشارع وحتى انك تجد بعض الردود الانفعالية يعني غير محسوبة تصل لما شفنا زي موضوع قناة السويس موضوع التحرير موضوع اللي يقطع العلم ويلف العلم برجله العلم بتاع وزارة الداخلية يعني ردود انفعالية غير محسوبة وتوصل الطرف التاني الى حافة يعني من الواضح انه استفزاز الامر الاخر انه الضغط من الوزراء انفسهم يعني ضغط من الاختيارات نفسها يعين بعضهم رفض الوزارة لانه حاسس انه ممكن يحرج زي الاخوان المسلمين اللي كانوا اذكياء قالوا مش هنشتغل عمروالشناوي: لازم هيتحمل جزء ؟ د/عمروهاشم ربيع: بالظبط كده هيتحمل لما بعد الانتخابات هو عنده انتخابات جاية عايز يظهر انه يقدر يعمل ويعمل ويعمل لو دلوقت اشترك هيحرق نفسه لان اي حاجة من الاخر كده مش هتعجب الناس اللي في الشارع عمروالشناوي: عشان كده كان الخلاف على تسمية هذه الحكومة بحكومة تسيير اعمال ولا حكومة انقاذ ولا حكومة ثورة ؟ د/عمروهاشم ربيع: عندنا 3 انواع من الحكومات حكومة تسيير اعمال الحكومة دي بتحصل ايام الانتخابات خاصة بعمل معين ، حكومة تسيير اعمال هي الحكومة العادية اللي سقطت في الانتخابات عمروالشناوي: لا تتخذ قرارات استراتيجية وضع خطط طويلة المدى ؟ د/عمروهاشم ربيع: وحكومة اسمها ادارة ازمة عندنا ازمة حرب كوارث طبيعية او ثورة فدي حكومة ازمة مش مطالب مكنها زي ماقلت في المقدمة انها تعمل مشروع زي مشروع طريق التنمية .زلا... هي مطلوب منها انها تعدي بينا المرحلة دي الشهور الجايين دول من غير ما تحصل عمروالشناوي: ايه الرؤية اللي الحكومة القادمة لازم تتمتع بها عشان تعدي الفترة اللي جاية من وجهة نظر الشعب ؟ د/عمروهاشم ربيع: انا مش مع المطالب الانفعالية ولا الناس تنزل الشارع ولا الاسلوب الاستفزازي من الشباب ولا كل واحد عامل فيها عالم من علماء السياسة عمروالشناوي: الواقع الان استاذ محمد نعمل ايه ؟ أ/محمد سيد صالح: صعب جدا انت جايب حكومة ضوابطها ثورة شارع وهو قوة ضاغطة احيانا وفقا لانفعال هديك نموذج كان عجيب جدا وانا واحد من الناس كان سمير رضوان وزير مالية جاه في الفترة الخطأ وادى وعود جميلة جدا وعندما جاء وقت الموازنة بتاعة الدولة عمروالشناوي: هل اجبرعلى تقديم هذه الوعود هل كانت هذه الوعود في امكانه؟ أ/محمد سيد صالح: فيه فترة مش هو بس كل الوزراات قدمت وعود واعتقد انها كانت فترة فيها خلول فئوية على كافة الانماط انما هو عشان بتاع الحصالة او بتاع او اللي بيدفع جه عند الجد وعند اول انتقادات في تحديد المطالب سواء من صندوق النقد او من البنك الدولي او من بعض البنوك الدولية مع عدد محدود جدا من الانتقادات لبعض الصحفيين وبعض الكتاب انك انت راجل بتاع حكومة تسيير اعمال او انت راجل مؤقت لا يحق لك ان الاستدانة الوعود دي نزلت شوية واحنا كنا مبسوطين قوي كرأي عام واحنا كصحفيين كنا مبسوطين قوي من المجلس العسكري ولا للاستدانة الخارجية ولما طلعت الموازنة بالشكل دا اه انا بؤمن باراء بعض الاقتصاديين اللي بيقولولك انه كان فيه ممكن شوية بدائل اكتر ولكن انت امامك واقع انت محدد حجم والية عمل لهذا الوزير فمعندوش ابداع معندوش حاجة تانية عمروالشناوي:عندي تساؤل الحقيقة البعض اقترح تشكيل مجلس وزاري موازي لحكومة الدكتور شرف من شباب الثوار خلينا نطرح هذا التساؤل على الدكتور عارف الدسوقي مساء اخير يادكتور . د/عارف الدسوقي- نائب رئيس حزب الوفد: اي طرح لتشكيل مجلس رئاسي موازي او تشكيلات موازية او ..او..او تحت اي مسميات هذا امر يعقد الاوضاع لكن ما نتمناه لحكومة الدكتور عصام شرف في هذه المرحلة الدقيقة والحرجة وبمناسبة هذه الايام والذكرى الطيبة للنصف من شعبان ان يتفق الجميع على ان تتوجه القلوب نحو هدف واحد هو مصر اولا ..اتنين حكومة الدكتور عصام شرف امامها مهام رئيسية في هذه الفترة الحرجة والصعبة هي اولا مطالبة ان تواكب ازمة حقيقية في الشارع في ميدان التحرير ضاغطة على الحكومة وعلى الاقتصاد المصري وضاغطة حتى على تشكيل الحكومة ، الحكومة دي يجب ان تشكل بشكل يحقق اكبر توافق حتى لا تثور في وجهها عقبات كثيرة فيما بعد وهي مكلفة بمهام محددة نمرة واحد انم تبدا في اعادة هيكلة الرواتب والمعاشات بحد ادنى وحد اقصى وتعمل على ضبط الاسعار خاصة اننا مقبلون على شهر رمضان، ن تحاول تطبيق العدالة الناجزة في المحاكمات وفق معايير القضاء والعدالة ولا وفق الضغوط التي تملى عليها منن الداخل او من الخارج او من ميدان التحرير لانه اذا خرجت الامور بعيدا عن معاير العدالة ستخسر مصر كثيرا وسيخسر القضاء اكثر....الكلمة التي احب ان اوجهها لشباب ميدان التحرير وهي كلمة مهمة جدا جدا ان هؤلاء الشباب الذين خرجوا ثائرين بشكل حقيقي ولهم مطالب مشروعة هم في القلب والعقل ولكن اندس فيس اوساطهم من يريدون سرقة الثورة يا اصحاب الياقات يا اصحاب المنصات القابضون من الخارج ومنتحلي الصفات كل هذه الامور تشوه وجه الثورة الحقيقي لذلك نرجوهم نحن نريد تدوير عجلة الانتاج عمروالشناوي: دكتورعرفة نحن نتمنى ان يتم تشكيل الحكومة الجديدة بدرجة من القوة تتيح لها ؟ د/عارف الدسوقي- نائب رئيس حزب الوفد: السيطرة على كل شئ عمروالشناوي: بنشكرك شكرا جزيلا .. عاوزين ناخد منك دكتور عمرو تعليق على المهام العاجلة اللي محتاجين الحكومة تقوم بيها وتبتدي بيها عملها عشان الشارع يحس بيها د/عمروهاشم ربيع: مش هيختلف كتيرعن اللي قاله دكتورعارف طبعا الهم الاقتصادي فيجب ان احنا نتحرك شوية وننظم حتى مسالة الاعتصامات بحيث ما تكونش معطل للعمل تبقى ليها ساعات محددة واماكن محددة وضبطها مسالة مهمة زي ما بتقول دلوقت انه فيه بعض الناس بيدعو لحكومة موازية او بيتكلموا عن هنعلن اسم محافظ اسكندرية كلام عبث بشكل واضح ونوع من الحماقة عمروالشناوي: الشارع المصري دلوقت بيتساءل كان زمان في التشكيلات الوزارية رئاسة الجمهورية بتتدخل ورئيس الوزرا بيبقى له رؤية وبعض الجهات النافذة في الدولة لمن هذه الرؤية النهارده في تشكيل الحكومة ؟ د/عمروهاشم ربيع: الوضع كان زمان غير حاليا لانه الوضع زمان بنتكلم هنا عن دولة ليها طابع منذ يوليو 52 طابع استبدادي وطابع رئيس الجمهورية ليه الهيمنة على مراكز صنع القرار ودا اللي بيخلي كل اعضاء مجلس الوزرا بمثابة سكرتارية عند رئيس الجمهورية الوضع طبعا اتغير ويجب ان يتغير مع تغيير ومع الثورة ، في حالة مفيش لدينا برلمان بيصبح كافة اعضاء الوزارة بما فيهم رئيس الوزرا مسئولين بشكل او باخر من المجلس العسكري في مواجهة الشارع فالوضع الحالي طبعا رئيس الوزارة والوزراء مسئولين امام المجلس العسكري باعتبار انه بيحل محل السلطة التشريعية لكن الكلام دا كلام له طبيعة عملية ونظرية من الناحية العملية مش مكتمل قوي لانه قصاد الشارع كمان ومسئول كمان امام الشارع فعليه فعلا الدكتور عصامن او اي حد مكانه عليه ضغطيم من المجلس العسكري ومن الشارع ودي حالة استثنائية بالفعل أ/محمد سيد صالح: فيه وضع استثنائي ان حكومة عصام شرف الاولى كان فيه تدخل عسكري لاختيار الوزراء وحتى المجلس العسكري قدم اكثر من قائمة واكثر من اسم للتغير وفشل في ذلك ، المرة دي انا شايف الصورة عكسية تماما المجلس العسكري قاعد يتفرج ورا شوية وبعدين ساسيبين الدكتورعصام شرف يختار وجس النبض على عدد من الثوار وقابل ناس حتى في احد الاخبار اللي الاهرام نشرته النهارده رسالة الدكتورابراهيم بدران يعود الى وزارة الصحة بعد 30 عاما الراجل ربنا يديله الصحة بعد ماكلمناه قال لا لا سني ولا صحتي تسمح المهم المبادئ الية الاختيار واضح ان المجلس لعسكري لاول مرة يخطو خطوة ورا ويسيب الاختيار لعصام شرف بس اللي انا قلقان منه حاجة تانية يعني انا ممكن اكلم الاستاذ عمرو كان فيه مرجعيات بتفكر مين اللي بيبقى هنا فبتبقى نسبة الثقة فيه 70 % ، ثقة الشارع انا ازعم انها احيانا ثقة وهمية واحد يشتغل كويس قوي في الشارع واحد جماهيري ماسك الميكروفون ويولع الثورة عمروالشناوي: نسبة الغموض من ناحية الكفاءة ؟ أ/محمد سيد صالح: والدكتورعصام شرف مفيش حواليه من الخبراء والباحثين ممكن تدعمه في اختيارات الناس وسديهات الناس كتير فممكن نفاجئ بواحد هو عاوز يرضي بيه الشارع بس اداؤه اقل من المتوسط او اقل من الوزير الموجود ، انا مبسوط ان الشارع ياخد نبضه ويطرح ويعلن زي الدكتور علي السلمي والدكتور حازم الببلاوي ولكن انت في النهاية انت قدام اداء للجماهير مش الشارع بس مش الثورة بس مش ال5 الاف اللي موجودين في ميدان التحرير دلوقت ال80 مليون فياريت لغاية يوم الاتنين الميعاد الاخير اللي حدده الدكتور عصام شرف يكون فيه وقفة مع نفسه مش مع الثورة ولا مع المجلس العسكري مع شوية ثقات يختار اختيار صح ، فيه وزارات فنية جدا جدا جدا مش هتقدر تؤدي لو واحد وقف شوية في ميدان التحرير والثوار صقفوا له عمروالشناوي: لازم المعيار الاساسي وهو الكفاءة ونرجع للتساؤل الاصلي في هذه الحلقة وهو توقعات التشكيل الوزاري ونطرحه هذه المرة على الدكتور حسن نافعة استاذ العلوم السياسية مساء الخير يادكتور.. توقعاتك بالنسبة للتشكيل الوزاري الجديد ايه يافندم ؟ د/حسن نافعة – استاذ العلوم السياسية : انا لا اميل الى التوقعات والمسالة ليست مسالة اشخاص وانما سياسات ومطلوب تغيير السياسات وليس فقط تغيير الاشخاص اظن ان المكعضلة الحقيقية التي تواجه عملية تشكيل الوزارة في هذه المرحلة بالذات تتعلق بحجم الصلاحيات الممنوحة لان الذي له سلطة اتخاذ القرار هو المجلس الاعلى للقوات المسلحة وكان احدج المشكلات التي اثرت على طريقة ادارة المرحلة الانتقالية في الفترة السابقة هو ان الوزارة لم يكن لها صلاحيات ورئيس الوزارة يبدو مغلول اليدين فالسؤال الاساسي ، هل تغير هذا الوضع وهل اعطي الدكتور شرف مساحة من الحرية يستطيع ان يختار فيها الوزراء امن ان مازال هناك وزراء يطلق عليهم الوزراء السياديون هل يكون له دور في اختيارهم..؟ واظن ان عدد كبير من الشخصيات المحترمة في مصر والتي تعطي الكثير لهذا البلد ربما ترفض شغل مناصب وزارية في هذه المرحلة لسبب بسيط انها ترى انها لن تستطيع ان تقوم بكل ما تريد القيام به عمروالشناوي: هل دا لعدم وجود صلاحيات ولا لقصر الفترة وطبيعة تشكيل الوزارة ؟ د/حسن نافعة – استاذ العلوم السياسية : لا ليس موضوع الصلاحيات لانه يمكن خلال فترة وجيزة ثلاثة اشهر انجاز اشياء مهمة اذا كان لدى الوزير الصلاحية للقيام بما يريد ان يقوم به واذا احس الشخص خصوصا الاسشخاص الذين لديهم ما يقدمونه للعمل العام ولم يدخلوا الوزارة لاسباب تتعلق بالوجاهة الاجتماعية او بالبحث عن منصب الى اخره وبالتال السؤال الذي سيطرحونه على انفسهم هل سيستطيعون القيام بما يتمنون وبما يريدون القيام به هذه القضية الاساسية واظن ان الدكتور عصام شرف لن يستطيع ان يجيب على هذا التساؤل اذا سال من قبل احد الوزراء الذين قد يرشحوا لمنصب الوزير عمروالشناوي: دكترو حسن نافعة نشكرك شكرا جزيلا على هذه المداخلة ونعود مرة اخرى الى ضيوفنا الكرام استاذ محمد طرحنا في وسائل الاعلام وعندك في الجريدة مشروعات قومية زي ممرالتنمية ومشروع مدينة زويل وما الى ذلك مشروعات استراتيجية ضخمة تحتاج تمويل ووقت اطول بكثير مما هو متوقع لماذا الاعلان عن هذه المشروعات هل شو اعلامي ام لطمأنة الشعب واعطاء الامل في المستقبل ؟ أ/محمد سيد صالح: والله انا خايف ان حلمنا اكبر وكل الناس تحدثت عن مشروعات قومية وهي في الايام والاسابيع الاولى للثورة كان حلمنا والموضوع بدا يتقزم يتقزم فانا خايف مشروع زويل ينتهي بازمة بيروقراطية ، جامعة النيل شخصيات عالمية بتناشد المجلس العسكرس وتناشد عصام شرف وتناشد زويل نفسه بالا يغلق او ينهي جامعة النيل لاحترامها غالعالمي ، عارف انت زويل لما جه لاسباب بيروقراطية واسباب مع الدكتور نظيف وبعض الرعاة مع جامعة النيل على اعتتبار انها ستكون في يوم الايام جزء من مشروعات زويل وهناك طلاب في الجامعة حتى الان هذا الحلم تقزم ، حلم اخر مشروعات ممر التنمية اعتقد لو سالتني لماذا نشرتم هذا الخبر اعتقد انه سببين حلمنا ان مصر تتغير والخبر التاني انه بعض المشاريع وخاصة ممر التنمية كان بيستخدم استهلاك اعلامي استهلاك سياسي استهلاك من الرئيس السابق ومن حكومته كل دا الدكتور فاروقف الباز بدل ما يطلع في الفضائيات اتكلم ان بلده مش هتستوعب مشروعاته لما ييجي يعملوا مشروع يدخل لجنة وهذه اللجنة تنفض ، اعتقد ان هذه مشروعات حقيقية وكان لدينا حلم حقيقي مش دا بس دا فيه المشروع النووي واتكلم عنه الدكتور حسن يونس اعتقد انه من انزه الوزراء اللي كانوا موجودين عمروالشناوي: تراجع الدول الاوربية وبالذات المانيا عن المحطات النووية هل هذا قرار مصري خالص ؟ أ/محمد سيد صالح: لما تكلم عن المانيا لكن لا تتكلم عن اليابات الذي حدث فيها كل هذا ومصرة على المشروع النووي وفرنسا التي تبني المحطات النووية داخل العاصمة نفسها ، اي تلكؤ هواعادة تدوير لفكرمباركلا ، الاتحاد السوفيتي مالغاش البرنامج النوي كل دا حلم عبد الناصر ليه مشروع السادات ليه مشروع الحكومة المقبلة او الثورة لابد يكون ليها مشروع عمروالشناوي:ايه المعايير اللي هنحاسب على اساسها الحكومة القادمة ماهي المعايير التي نقيم بها اداء الحكومة القادمة ؟ د/عمرو هاشم ربيع: هو طبعا لغة الارقام هي اللغة الصادقة دوما فاذا طبعا كان هناك تحسين الاداء الاقتصادي علىة كافة المستويات كل الامور التي تتعلق بجذب المال ولدينا مؤشرات يعني السياحة ولها علاقة بمؤشرات التضخم ومؤشرات متعلقة بالكساد ومؤشرات متعلقة بالبطالة ، المسالةة التانية مسالة الامن احنا عندنا تحدي مسالة الانتخابات دا تحدي اخر لانه الاعلان الدستوري بيتكلم عن فتح باب الترشيح في 30 سبتمبرغيرعندنا اختبار قاسي جدا على الصعيد السياسي وخاصة عندنا انتخابات مجلس شعب وشورى في نفس الوقت أ/محمد سيد صالح: كل السلبيات التي وجهت الى الحكومة السابقة هي نفس المعايير التي سوف نحكم عليها ماذا ستؤدي الحكومة ، هذه الحكومة عارفة كم الاخطاء التي مورست وكم المشاكل وكم الوعود التي حصلنا في 4 شهور ولم تتحقق هذا الراي ليس من الثورا فقط ولكن الراي العام الحقيقي تتمثل في ال85 مليون هو دا معيار النجاح في الحكومة المقبلة عمروالشناوي: نتمنى ان تنجح الحكومة وننجح كلنا في الاختبارات القادمة على هذا البلد دكتور عمرو هاشم ربيع الخبير بمركز الدراسات السياسية والاستراتيجية نشكرك شكرا جزيلا ونشكرالاستاذ محمد سيد صالح مدير تحرير جريدة المصري اليوم ونشكركم اعزائي المشاهدين وغدا حلقة جديدة و....اتجاهات
