حديث المدينة

السبت 4/6/2011
مفيد فوزى: أهلا بحضراتكم أعباء الوزارة التى يحملها فوق كتفيه تحتاج منه على حد قوله إلى صبرإيزيس فى جمع أشلاء أوذوريس الوزارة المقصودة أو المعنية بهذا الوصف هى وزارة التضامن الإجتماعى والعدالة وأتقاسم حوارا مع وزيرها الأستاذ الدكتور جوده عبد الخالق فى حديث المدينة
فاصل
مفيد فوزى: دكتور جوده من المهم جدا فى البداية انه أبين لمشاهدين ما معنى أن وزارة تحمل أعبائها تحتاج لصبر إيزيس لتجمع أشلاء أوذوريس إلى درجة أنك فى لقاءك للأخ الدكتورعلى مصيلحى الوزير السابق لهذه الوزارة قلتله بالحرف الواحد أنك أنت أمام وزارة هلاهيل هذه الأوصاف السخية أريد أن يعرف الناس لماذا أطلقتها
د/ جودة عبد الخالق : يعنى أنا طبعا كنت بوصف حالة لأن أى مؤسسة علشان تحقق الغرض الموضوعة من أجله لابدأن تصمم بما يتناسب مع أهدافها لما نيجى بقى لوزارة التضامن والعدالة الإجتماعية المفروض انه أنا أوفر الخبز والبوتجاز والسلع الأساسية على البطاقة ومعاشات الضمان الإجتماعى وأراقب عمل الجمعيات الأهلية وأديها رخص كل الكلام ده بإستخدام هذه الوزارة الوزارة حاليا عبارة عن أشلاء تواجدت فى فترات متتابعة على مدى ال20 سنة الأخيرة هذه الوزارة ليه هى أشلاء ؟ لأن فى حقيقة الأمر قطاع التأمينات لها موازنة قطاع التموين له موازنة الخاصة بى قيادات هنا وقيادات هناك ففى فى الواقع ثنائية غريبة للغاية دى حكومة كاملة بالإضافة إلى بنك ناصر الإجتماعى لجنة المساعدات الخيرية الأجنبية جهاز تنمية التجارة الداخلية ودا موضوع ممكن نتكلم فيه
مفيد فوزى: هل هناك آليات بها مهارة لإدارة كل هذا ؟
د/ جودة عبد الخالق : يعنى إلى حد ما يعنى أنا طبعاغيرراضى لمستوى المهارات اللى موجود علشان أكون منصف وإن ممكن الأداء يبقى أحسن لكن بسبب التطور اللى الوزارة وعايز أقول سبب أخر العشوائية فى بيئة تتصف بالعشوائية يصعب أن تتوقع انه يبقى فيه أى مجال للكفاءة والجودة وجه أخر للعشوائية أحنا زى اللى بيغزل مش برجل حمار عفوا يعنى ربع أو عشر أو خمس رجل حمار أنا بقول الكلام دا بعد ما مريت بتجربة على مر
مفيد فوزى: وعشتها على الواقع ؟
د/ جودة عبد الخالق : نعم عشتها على واقع طبعا المواطن معذور لانه بيتطلع إلى الوزارة ياخد منها معاش ضمان ياخد منها سكن إذا كان محتاج تساعده فى مجال العلاج دا جزء خاص بالضمان أوالشئون الإجتماعية ترخصله جمعية وتتابع نشاط الجمعية ناس بتقعد تتخانق كتير مع بعضها فى الجمعيات الأهلية ومشكلتى أنا انه أوفررؤوس فى الحلال وأنا أقول لى دا معلش ودا أيه ده وأحيانا يبقى النزاع على أتفه الأسباب
مفيد فوزى: هل أنت عندك خبرات ل ده ؟
د/ جودة عبد الخالق : والله موجود بعض الخبرات وبعض الخبرات الأخرى غير موجودة وبنحاول نستفيد بالخبرات اللى موجودة بالفعل نفعلها ندى فرصة يتح له أن يجد فرصة لانه أنا بشبه نفسى بأللى عنده عربية خربانة ولكن معاه مسافرين لازم يوصلوا مطلوب منه انه يصلح العربية وهو ماشى فى الطريق
مفيد فوزى: فيها دريكسيون العربية ؟ فيها عجل ؟
د/ جودة عبد الخالق : وفيها ولكن تدوس فرامل تبص تلاقى العكس
مفيد فوزى: الوزارة يا فندم بتعبرعن إحتياجات المصريين ؟
د/ جودة عبد الخالق : هى وزارة الحقيقة طبعا الأمر بيتوقف الواحد بينظر للمسألة إزاى ؟ أنا بعتبر نفسى محظوظ إنى أوتيح ليا انه أنا أعمل حاجة للناس الغلابة طبعا حمل تقيل جدا وهم تقيل أحنا شعب بقول إعتاد على الشكوى ما بلومهوش أنا بفهم الحالة جت منين ؟
مفيد فوزى: خلينا اسألك يا فندم أنا سمعت عبارة جميلة لفضيلة المفتى على جمعة بيقول فيهال انه الفرق بين الخطأ والخطيئة هو القصد أنا عايزأعرف أخطاء وخطايا فكرة القطاع الأهلى التطوعى الذى يدخل فى الوزارة لديك
د/ جودة عبد الخالق : أولا القطاع الأهلى قطاع متنوع ومتعدد وعدد الجمعيات فيه يمكن 10 تلاف وفى بعض التقديرات 13 ربما يصل إلى 15 ألف بين جمعية أهلية ومؤسسة أهلية القانون بيعكس درجة أكبر من الطغيان إن جازالتعبير للجهة الإدارية على عمل الجمعيات الأهلية هذا كان فى رأيى كان خطأ بيترتب عليه تشوهات فى بنية الجمعيات الأهلية حالة بعضها على الأقل عن الطريق اللى المفروض كانت تمشى عليه بإعتبارانه دا الأنسان اعلى القيم لديه هى قيمة التطوع لخدمة الأخرين قبل ان يخدم ذاته
مفيد فوزى: هل ضمر التطوع ؟
د/ جودة عبد الخالق : ضمر بالفعل ضمر
مفيد فوزى: هل هى جمعيات رجال أعمال ؟
د/ جودة عبد الخالق : لما بنوصل للتشكيلة بتاعة الجمعيات كلها مسماه جمعيات أهلية ولكن فى عدد كبيرمن الجمعيات يقولك جمعية مستثمرى كذا أوجمعية مستثمرى كيت من دون ذكر أسماء أو جمعية رجال أعمال فى كذا أو جمعية رجال الأعمال فى كيت هذه المسألة فى صحيح المسألة ما كان يجب أن تسجل كجمعية أهلية
مفيد فوزى : حتى هيئة التدريس ؟
د/ جودة عبد الخالق : حتى هيئة التدريس لسبب لأن وأنا بعمل جمعية لرعاية الأيتام على سبيل المثال مش مهم اليتيم هو اليتيم وخلاص أيا كان بصرف النظر عن خلفيته ووا وا إلى أخره لما أنا أقول جمعية مستثمرى كذا هذه حصريا أعضاءا ونشاطا وأهدافا لخدمة هذه الفكرة فدى مجموعة مصالح أو جماعة ضغط
مفيد فوزى: ما صحة انه حضرتك قررت عدم إعطاء جمعيات لها هوايات وأسماء إسلامية لكى توجد وقيل انه هناك جمعيات تحمل أسماء مسيحية إعطيت هذا الحق الناس ترى لأنك رجل يسارى أن هذا التوجه ضد التوجه دينى أريد أن أعرف منك الحقيقة ؟
د/ جودة عبد الخالق : الحقيقة طبعا الناس خلطت بين كونى يسارى وبين أشياء أخرى هى فى دماغهم ولا علاقة لها بالواقع فمجرد انه أنا يسارى يقولك يبقى انه عند مواقف ضد الدين الحقيقة انه أنا طبعا مش عايز أتكلم عن نفسى لانه فى هذا السياق لازم على الأقل توضيحا للمشاهد انه أنا بأصف نفسى على أنى أنسان مسلم - مسيحى - يهودى - بوذى بمعنى انه أنا أستوعب جوهر كل الرسالات الدينية سواءا كانت سماوية أو غير سماوية هذا هو منطلقى
مفيد فوزى : بالنسبة لفضولى هل هذا التجمع الذى أنت فيه قيادة أرضية فى الشارع المصرى ؟
د/ جودة عبد الخالق : أعتقد له بعض الأرضية
مفيد فوزى : نرجع للى كنا بنتكلم فيه حضرتك كانت وجهة نظرك أيه فى مسألة انه متديش رخصة لأنشاء جمعية لها مسمى إسلامى ؟
د/ جودة عبد الخالق : يعنى أعتقد الخبر نشر مغلوط لم يحدث أننى رفضت إعطاء رخصة لجمعية لها مسمى إسلامى وفى المقابل أعطيت رخصة لها مسمى مسيحى لعدة أسباب واحد أولا أنا كوزير مسئول عليا أن أتعامل مع الجميع طبقا لنفس المعيارلانه أنا فى نهاية الأمر مسئول أمام كل المصريين بصرف النظرعن التميزات على أى اساس
مفيد فوزى : أريد أن أسمع منك كلمة حول القيادى الكبير الذى أجله وأحترمه خالد محى الدين وهو الأن على فراش المرض ولعله قد إنسحب من زمن طويل للتاريخ ماذا يعنى لك خالد محى الدين ؟ فى عبارة موجزة
د/ جودةعبد الخالق : الأستاذ خالد محى الدين بعتبره جزء من ثروة مصر القومية شخصيا مدين له بالكثير غيابه عن الساحة السياسية ليس فقط داخل التجمع إنما فى المجمل كان له فضلا على تطور إيجابى لهذه الحركة وأتمنى له الشفاء والعمر المديد
مفيد فوزى : أشكرك يعنى أنت ريحت طريقة تفكيرى فى خالد محى الدين
فاصل
مفيد فوزى : أزمة السولار والتربح من أنابيب البتوجاز بتطرح سؤالا مهما هل تخضع الأسواق لأى شكل من اشكال الرقابة أم أن الأمر سداح مداح كما كان يقول أحمد بهاء الدين ؟
د/جودة عبد الخالق: أحنا فى البداية عندما سألت عن الوزارة والهلاهيل قلت نحن نتعامل مع مخلفات ومن هذه المخلفات مقولة عرض وطلب إقتصاد سوق حر كل القاموس اللى سقمناه لفترة طويلة لكن التنظيمات على الأرض هى ترجمة لهذا النوع من الفكر حتى الأن لم يتم تعديلها بشكل جوهرى بمعنى إن هناك إحتكارات تعربد فى الساحة الإقتصادية وليس هناك ما يحكمها هناك إضطراب فيه القواعد المنظمة على سبيل المثال الأرزاللى بيحصل عليه المواطن المصرى على بطاقة التموين هذا الأرز إلتزام عل الدولة أنا ملزم أوفرهوله فى المقابل الوضع الحالى لا يمكنى أنا كوزير تضامن أن أؤمن الكميات المطلوبة من الأرز التى تكفى الوفاء بهذه الحصة لأن الوسيلة الوحيدة أمامنا الأن هى أنى أنا أدخل فى مناقصات فى السوق للتوريد هناك إحتكار لهذه السلعة الهامة جدا زى مثلا من الحاجات الطريفة انه لما قدمنا مناقصة من حوالى شهرعرضوا علينا أسعار للأرز فى وجه قبلى أقل من أسعار وجه بحرى أدينى عقلك لما توردلى من قبلى رز يبقى بسعر أعلى من البحرى لأن مفيش نقل هيضاف على تمام إنما هى فكرة انه حفنة من التجار مخزنين الرز الشعير وبيلعبوا بالسوق فأحنا لغينا المناقصة طب نعمل أيه ؟ قالك حط مكرونة المواطن أحيانا أنا بقرا حاجات فى الجرنال يقولك وزير المكرونة انا مش مسئول عن هذا الوضع إنما الناس تحاسبنى أمتى عندما لما يجيى محصول الأرز القادم بأذن الله فى الحالة دى أدخل هيئة السلع التموينية يشترى مليون طن رز شعير وتحط فى المخازن بتاعتها ويبقى فى الحالة دى كل مواطن يحصل على حقوقه من الأرز
مفيد فوزى : هل لديك صوامع لهذا ؟
د/جودة عبد الخالق : لدينا صوامع لهذا مشكلتنا بالنسبة للصوامع ودا سؤال مهم جدا تتعلق بالقمح ربما أكثر لأن أحنا طاقة التخزين فى مصر حاليا الجزء الأقل من الصوامع الجزء الأكبر من الشون المفتوحة وعلى أرضيات أحيانا ترابية بيتعرض المحصول المخزن فى هذه الحالة لتلف ولعدوان الطيور والقوارض والتلف ممكن يوصل لى 20% أو أكتر من 20 %
مفيد فوزى : سؤال بعض الناس تعتقد أن من الضرورى الفترة القادمة وخلينى أفتحلك قلبى بصراحة أن تخزين الأرز لديهم فى البيوت من الممكن أن يكون حل إذا أختفى الأرز لبيوت مفتوحة الأفواه وأطفال صغار الأرز بالنسبة لهم مهم وربما لا يعرفون علميا أن تخزين الأرز قد تكون له أضرار شديدة كيف ترى هذه العادة الإجتماعية ؟
د/جودة عبد الخالق:هوأولا تخزين أى سلعة فى حد ذاته على أمل تحاشى أى أزمة بيؤدى إلى وقوع الأزمة ليه ؟ لانه إذا كان المتاح كمية معينة فالتخزين معناه انه أنا بسحب منها فمن الطبيعى العلاقة بين العرض والطلب تختل فيتجه السعر للأرتفاع أنا عايزأنتهز هذه المناسبة وأتوجه للمشاهدين الكرام وأقولهم ما يلى أن هناك شائعات كثير تتردد وأحنا أصبحنا للأسف مجتمع عايش بودانه يقولك قلنا بيقولوا مين اللى بيقولوا ؟ متلاقيش إجابة على السؤال لكن النتايج اللى بتترتب على كده خطيرة جدا بيقولوا مثلا انه أحنا مش هنلاقى عيش ناكله وضع شديد الخطورة مين اللى بيقول يا جماعة ؟ أنا بإعتبارى الوزير المسئول أؤكد أن لدينا إحتياطى من القمح يكفى 3 شهور نضيف عليه اللى أحنا جمعناها لغاية دلوقتى من الموسم اللى فات يكفينى 3 شهور تانيين الموسم الحالى عفوا اللى أحنا فى نصه واللى لسه هيجى إستكمالا للموسم أنا بتكلم على إحتياطى من القمح يكفينا إستهلاك 8 شهور اللى موجود حاليا زائد اللى هنجمعه وأحنا لسه فى نص الموسم واللى جمعناه فى الموسم اللى فات
مفيد فوزى : هل تستطيع حضرتك......؟
د/جودة عبد الخالق: عندنا مشكلة بيحطوا محصول أخر فلما يجى حد يراقب يبقى المحصول الفقلنى مختلف عن اللى فوق هتقدر تعرف إزاى ؟ أحنا لجأنا للقوات المسلحة ومشكورة يعنى إدتنا جهاز بحجم المحمول وهذا الجهاز بيحملوا المفتش يعنى يمشى بس قرب الحاوية الجهاز فيه أريال يعنى يتجه فى النهاية اللى فيها الرزمش مهم تكون الحاوية حديدية أومغلف بكذا الجهاز بس يدل بالظبط زى الكلب البوليسى يتعرف على
مفيد فوزى:أن تعلم جيدا أن النشال أذكى من فريسته وتعلم انه فى طريق المحاور على الطرق السريعة الردار يواجه بمعرفة الردار هل ممكن انه هؤلاء يقدروا يبطلوا هذا الجهاز ؟
د/جودة عبد الخالق: المفروض انه المجرمين عندهم مستوى ذكاء عالى فدا وارد طبعا لكن أعتقد انه المسألة هتحتاج بعض الوقت حتى يمكن لمجرم انه يعدل الأوضاع بحيث انه يبطل مفعول هذا الجهاز دا إن كان الأمر ممكن فنيا فى هذا الحالة أنا لا أعرف الحقيقة لكن اللى أنا عايز أقوله أحنا دلوقتى فى شهر مايو سبتمبر وأكتوبر اللى جاى داخل علينا موسم الأرز أحنا هنحل المشكلة من الأساس المشكلة من الأساس كالتالى هيئة السلع التموينية تكون مخزون إستراتيجى من الرزالشعير غير الرز الأبيض الرز الأبيض تخزنه أسبوع أتنين وإلا يبوظ بعد كده
مفيد فوزى : الناس ممكن تخاطبك إزاى يا فندم ؟
د/جودة عبد الخالق: أى مواطن مثلا له مشكلة أو عنده مشكلة أوعنده شكوى يتصل بالخط الساخن فى الوزارة والخط الساخن هو 19648
مفيد فوزى : 19648 ودا هيبقى مكتوب على الشاشة كمان دكتور جودة هلى تتصور انه رجالك مفتشى التموين لما بيروحوا هل لو مدعمين بشرطة عسكرية
د/جودة عبد الخالق: دا بيحتاج إلى ترتيب خاص مع القوات المسلحة وزى ما ذكرت فى تسرب أنابيب البوتجاز لمصانع الطوب إحتاج هنا إلى ترتيب من مفتشى التموين وقوات الشرطة والقوات المسلحة 7 ، 8 عربيات داخلة على مصنع طوب طلعت ب 750 أنبوبة بوتجاز
مفيد فوزى : بمناسبة أنابيب البوتجاز يا فندم الراجل يقف معاه الأنابيب ويبص لى فوق عاوزة يا ست أنبوبة ؟ أنتى فى الدور الكام ؟ فى الرابع 40 جنيه التانى 30 جنيه 20 جنيه فى تقديرك هل هذه البطاقات هى الحل الحقيقى لراحة الناس وإحتياجات الناس وكيف فيما يتعلق إذا كان دا المشهد الرئيسى للسلع التموينية الناس أبتدت تستريح فيما يتعلق بأنبوبة البوتجاز وكم أنبوبة للعيلة ؟ وهل بالحجم بتاع العيلة ؟
د/جودة عبد الخالق: خلينى الأول أتكلم عن السلع التموينية فى عجالة أنا لما جيت الوزارة لأول مرة فى أول إجتماع مع القيادة فى الوزارة بيقولولى بنوع من الإبتهاج والسرور انه عدد البطاقات وصل لى 12 مليون تغطى 64 مليون مواطن ففجأوا برد الفعل قلتلهم أنا غير سعيد بهذا لانه أراها ظاهرة مرضية وليست ظاهرة صحية
مفيد فوزى : ليه يا فندم ؟
د/جودة عبد الخالق: لانه أنا أحب المواطن المصرى من حيث القدرة على العمل والإنتاج وإكتساب دخل تكون مقابل القدرة الذاتية على مقابلة إحتياجاته الأساسية لانه هو الأدرى بهذه الإحتياجات والأكثرقدرة على تنظيمها والدفاع عنها فى الوضع الحالى ناتج عن سياسات فترة طويلة تم فيها إهمال الزراعة إهمال مخزى وأنا أتعمد كلمة إهمال مخزى تم إهمال الصناعة أيضا تحولنا من مجتمع منتج إلى مجتمع مستهلك إزدا شريحة الفقراء فكان لابد للحفاظ على نوع من الإستقرار السياسى انه الدولة تقوم بدورفى تأمين الإحتياجات الأساسية الأداء هى البطاقة التموينية لكن لو الأمور بيدى ولو طال بيا الأجل وأعطيت فرصة لإعادة تنظيم شئون هذا المجتمع سيكون هناك حديث أخر وشأن آخر تماما وقعت واقعة طريفة جدا لها علاقة بالموضوع ده فى مؤتمرالحوارالوطنى بعد ما خلصت الجلسة الأولى لقيت جلبة ودوشة وبتاع فببص لقيت واحد معوق بيصرخ يعنى بيشتكى فرحت طبطبت عليه عايز أهديه قالى كذا قلتله بص أنا زيك بالظبط إتسرقت على مدى ال30 سنة اللى فاتت حقك عليا خلينا نحط إيدينا فى إي بعض ونشوف حل دلوقتى الوضع بتاع أنابيب البوتجاز ده ناتج عن تراكم سياسات إستمرت لفترة طويلة جدا يعنى مثلا كان عندنا مشرو لتوصيل الغازالطبيعى للمنازل فجأه هذا المشروع توقف صح وفى الوقت اللى عندك إمتداد عمرانى الطلب على البوتجاز بيزيد أنت فى نفس اتلوقت وقفت هذا المشروع ليه ؟ علامة إستفهام الأمرالثانى أحنا برضه عمالين نتحدى قوانين الإقتصاد كل يوم وأنا بشبه الأمر بأللى بيطلع على برج الجزيرة أعلى من برج الجزيرة وبيطلع لسانه للناس وينط مش مؤمن بقانون الجاذبية فيه حاجة أسمها قوانين الإقتصاد أنبوبة البوتجاز بتتكلف 50 جنيه أحنا بنقدمها بكام ؟ سعر الأساسى 2,5 مع المحليات 5 إنما دلوقتى سمعنا اللى بيخبط ويحدد سعر فنرجع مرة تانية لموضوع التسعيرة الخاصة أنا عايز أعدل البند ده وهعدله وأتمنى من المواطنين يعنى يصبروا عليا لغاية ما أعدل النظام ده هدى كل مواطن حصة من البوتجاز على بطاقات التموين من غير دوشة ولا وجع دماغ كويس كده إنما حاليا ليس أمامى لشان الأمر يبقى واضح إنى أنا أضخ أنابيب بوتجاز وياخدها أصحاب مصانع الطوب ومزارع الدواجن وعلشان أنا أكافحهم أرتب مع القوات المسلحة والشرطة وندخل فى تشكيل مسلح علشان نطلع أنابيب البوتجاز من هذه الأماكن دا أللى المواطن ماهوش شايفه وكل المواطن اللى شايفه انه توصله الأنبوبة ماشى بس أنا بحط فى الصورة اللى قدمنا وبقوله يا عم بالنيابة عن النظام السابق حقك علينا يعنى أنا بأمانة محدش كلمنى منيش مسئول عن الحالة دى بس أنا مسئول عن الحل وهلاقيلها حل
مفيد فوزى : لم يسقط سهوا منى ان المركز القومى للبحوث اللى حضرتك كنت النهاردة بتقول فيه الكلمة الإفتتاحية من بين المحاورمحل المناقشة محور الإستثمار الإيجابى للإنفلات الأمنى أيه الإيجابيات فى الإنفلات الأمنى ؟
د/ جودة عبد الخالق : المثل بيقول رب ضارة نافعة هوضحالك الإنفلات الأمنى قد يرى على انه ضرر طبعا ودا مؤكد ولكن كما لاحظ الكثير من المصريين فى فترة غياب الأمن انه الشيىء الجميل انه فيه مخزون إيجابى عندنا محتاج بس نطلعله فى الشارع دافعوا عن المناطق اللى ساكنين فيها
مفيد فوزى : اللجان الشعبية ؟
د/ جودة عبد الخالق : مظبوط وبالمناسبة أحنا محتاجين نوقف عند هذا لانه ثبت القبطى والمسلم أنا فى رأيى أحنا كلنا أقباط فى ناس تستغرب ده إنما دى الحقيقى لانه هما الأتنين كتف فى كتف بيدافعوا عن العمارة اللى هما ساكنين فيها الكبار والصغار كانه موجودين الستات والرجالة كانه موجودين فى المرور فى الشارع حاليا ودى نقطة مهمة جدا أنا عايز أشيد بدورالشباب اللى بيتعانه معانا كوزارة تضامن فى ضمان وصول السلع اللى هى الدقيق والبوتجاز والسولار للمستحقين اللى هما أهم
مفيد فوزى:أنت طلبت أو كنت تؤثر خلينى أكون دقيق لأن الواضح انه اللغة عندك لغة مهمة والأوصاف ثرية أنت كنت ترى أنه ينبغى شد الحزام على البطون وكنت ترى أيضا أن التقشف على البطون خصوصا عندما تكون جادة كنت تؤثر هذا على الإقتراب من البنك الدولى ما حجتك ؟
د/ جودة عبد الخالق:الحجة لها عدة عناصر المقولة أللى أحنا عرفناها ما حك جلدك مثل ظفرك أنا أدرى بأحوالى وإحتياجاتى من البنك الدولى أو صندوق النقد الدولى واحد أتنين إن هذه المؤسسات لها وظيفة معينة ولها هيكيلية معينة ويهيمن عليها الكبار والأغنياء وفى كل الدراسات اللى أجريت سواء ما قمت به أو غيرى معروف انه هذه المؤسسات لها شروط فى المحصلة الأخيرة تعمل لصالح الأغنياء وليس لصالح الفقراء والمهمشين
مفيد فوزى : هل أنت يروق لك فكرة أنك وزيرالفقر؟
د/ جودة عبد الخالق : والله أنا بعتبر نفسى محظوظ فى الواقع رغم ثقل الحمل لكن أعتبر أن القدر شاء لى أن أكون فى هذا المكان فى هذا التوقيت
مفيد فوزى : كم نسبة الفقر فى مصر ؟
د/ جودة عبد الخالق : عالية
مفيد فوزى : كام تقريبا ؟
د/ جودة عبد الخالق : نسبة الفقر تتوقف على المقياس فلو خدنا ما يسمى بالفقر المدقع اللى هو يعنى على البلاطة حوالى 20% من المصريين تحت خط الفقر المدقع لوخدنا فى مستوى أعلى شوية أللى هو الشخص اللى دخله لا يكفى إحتياجاته الأساسية من مأكل ومشرب وملبس وتعليم وصحة النسبة تصل إلى 40 %
مفيد فوزى : هل فيه طبقة متوسطة الأن ؟
د/ جودة عبد الخالق : الطبقة الوسطى فى الواقع تعرضت لتأكل سريع خلال ال20 سنة الأخيرة على خلفية سياسات صندوق النقد الدولى
مفيد فوزى : ربما أثرت أنت التقشف أفضل الإقتراض
د/ جودة عبد الخالق : أنا عايزالمواطنين يسمعونى ويفهموا الرسالة دى ممكن الناس تقول أيه ؟ ما أحنا متقشفين وقافلين انا عايز أقول حاجة أنا كتبت وحتى فى أحد المرات كتبت كان فيه عندنا فى رمضان فوازير فجت مرة كده الفزورة كورة أيه الفزورة كورة انه المجتمع على مدى ال 30 سنة ومع ذلك بعد ما يخلص الشهر تلاقى الإستهلاك زاد ولكن عيبها انه الأنتاج أقل إذا كانت إذا كانت دى علاوة لمقاومة نزاعات النفس فأنا مش فاهم إزاى بصراحة الإنتاج يقل والإستهلاك يزيد علشان كده أنا بقول وأحنا داخلين بعد شهور قليلة على شهررمضان المبارك وأحنا فى جوا جديد بعد 25 يناير خلينا نجرب انه أحنا نرتقى إلى مستوى فريضة الصوم انه أحنا ننتج أكتر ونستهلك أقل
مفيد فوزى:جميل معنى جميل جدا فى تقديرك الشخصى ما هى الهوية الإقتصادية لمصر ؟
د/ جودة عبد الخالق : الأن
مفيد فوزى : نعم
د/ جودة عبد الخالق : يعنى مصر تبحث عن هوية إقتصادية كما هى فى عملية بحث عن هوية النظام السياسى هل هى عربية أو إفريقية ولا متوسطية إسلامية
مفيد فوزى : فى تقديرك أيه ؟
د/جودة عبد الخالق : فى تقديرى دعنى أميز ما هو كائن وما ينبغى أن يكون ما هو كائن هو إقتصاد سوق حر وحر هنا بمعنى منفلت إذنا الحرية لها ضوابط يعنى مثلا لود بصينا للإقتصاد الأمريكى وأنا عشت فى أمريكا 4 مرات ومتابع الحالة الأمريكية فى روادع الروادع دى فى شكل حوافز للمجيد والمجد والروادع للمخالف أو المفلت تمم هذه هى الحالة الأمريكية اللى هى كعبة الرأسمالية أنا عندى هنا فى الإقصاد تعبير سداح مداح للأستاذ بهاء طلع بيه من عدة سنوات تعبير دقيق جدا لا يمكن أن تترك الديب مع الغنم عفوا للتعبير فى نفس الساحة وتقول القوى ستنظم نفسها هذا هو يعنى دا منطق الغاب ونحن فى جماعة وليس فى غابة كنا فى جماعة بمعنى انه لابد أن نرى ترتيب للأوضاع يحمى الضعيف من توغل القوى يحافظ على النسيج الإقتصادى للأمة ويرتقى بهذه الأمة إلى مصاف التى نرجوا لها أن تكون وهذا لا يمكن أن فى إطار ما يسمى إقتصاد السوق
مفيد فوزى : هل تخشى فى رأسمالية الدولة ؟
د/جودة عبد الخالق : أنا كتبت فى السابق كأشتراكى منتقدا رأسمالية الدولة الفكرة انه رأسمالية الدولة فى مثل بيقول لا يفل الحديد إلا الحديد أو إقتاس من القرأن علشان الناس أللى متصورة أننا كده ولا كده لولا نفع الناس بعضهم لبعض لفسدت الأرض أيه الناس بعضهم لبعض بعضهم يعنى قطاع عام وبعضهم قطاع خاص انه لكى تتوزان البيئة الإقتصادية لابد من وجود كيانات فى إطار الملكية العامة وكيانات فى إطارالملكية الخاصة وكيانات فى إطارالملكية التعاونية بالمناسبة هذا نوع من الملكية أهملناه التعاونية على وجه التحديد التنظيم التعاونى للملكية أقوى من التنظيم الخاص ومن التنظيم الحكومى
مفيد فوزى: الوضع الإقتصادى صعب للغاية ولو بعض الناس يقولولك أيه الكلام اللى بتقوله دا ترويع للناس لكن الواقع ولعلك تدرك هذا زميلك الدكتور سمير رضوان هل هو قادرعلى رصد الإعتمادات المهنية الخاصة لتوفير السلع الرئيسية
د/جودة عبد الخالق:أنا أشفق على الدكتورسمير ضغوط كثيرة يتعرض لها ولكن فيما يتعلق بدعم الإعتمادات اللازمة لتوفير السلع الأساسية هذا موضوع بيمثل خط أحمر بالنسبة للحكومة ومعها المجلس الأعلى لقوات المسلحة
مفيد فوزى: اللى هو يا فندم أيه بالتحديد ؟
د/جودة عبد الخالق:اللى هو ضرورة تأمين كل الإعتمادات اللازمة للسلع الأساسية وهذا الموضوع يتابع يوميا
مفيد فوزى: هل هو قادر وزير المالية ؟
د/جودة عبد الخالق:قادر لسبب لانه فى نطاق الأوليات يمكن إعطاء أولوية وأهمية لتدبيرإحتياجات السلع الأساسية زى اللى حصل مؤخرا لما كان فيه شح فى السولار مباشرة تم توفير 500 مليون دولار لضخ كميات من السولار فى السوق طبعا دا إجراء مالى مهم ولكن لابد أن يعززه إجراءات أخرى كما ذكرت لإحكام منظومة توزيع هذه السلع الهامة وبتتعرض لتهريب على نطاق كبير ولسوء إستغلال وبنتعامل مع كذا آلية من الآليات مثلا الأماكن التى يمكن أن تعمل بالغاز الطبيعى زى المخابز نحولها إلى الغاز الطبيعى لانه دا هيبقى أفضل لنا من الناحية الإقتصادية لانه تكلفة الغاز الطبيعى بالنسبالنا أقل كثيرا من تكلفة السولار فيما يتعلق ببعض محطات الكهرباء مضاعفة إستهلاكها للسولارونضع الحد الأدنى ونحوله إلى الغازالطبيعى لكن الإعتمادات هناك إلتزام على مستوى الحكومة وعلى مستوى المجلس الأعلى للقوات المسلحة لتدبيركل المواد اللازمة لتوفير السلع الأساسية المطلوبة وأوقات كتيرة يقولك المواطنين قلقانين وبتاع أنا بقول فى هذه المناسبة لا داعى للقلق على الإطلاق لدينا مخزون كافى من القمح يضاف إلينا ما نجمعه من المحصول المصرى
مفيد فوزى: هل تتحرش بالأمل ؟
د/جودة عبد الخالق : لأ دا كلام واقعى
مفيد فوزى: لماذا طلبت فرض ضرائب على الأرباح الرأسمالية؟ لماذا طلبت أيضا أن تفرض ضرائب على البورصة ؟ لماذا تحفظت بشدة على الضرائب العقارية ؟
د/جودة عبد الخالق : دعنى أقول أنا هنا لا أتحدث باسم الحكومة بالضرورة
مفيد فوزى: لأ دا أنا خايف أكون ذهبت إل مهام وزير المالية صحيح وأعذرنى إذا قلتلك كده يعنى هل دا يأتى فى مهمتمك أم مهمة وزير المالية ؟ من وجهة نظر مفكر إقتصادى
د/جودة عبد الخالق : أنا كنت أرى ذلك قبل دخول الحكومة
مفيد فوزى: كنت ترى
د/ جودة عبد الخالق : ومازلت
مفيد فوزى: أن ترى معى أن السياسة الحقيقية فيها تلبية إحتياجات الناس فى الشارع ؟ هل أخطأت ؟
د/جودة عبد الخالق : لأ تماما