آه يا مصعب حالنا على الأحرار يصعب خَلَصنا الصعب لقينا اللى جه أصعب ضحينا بالشريف عشان دود الفساد ينهش لحمنا ومن دمنا يشرب آه يا مصعب عريت توبنا وف خزينا دوبنا لما الحق منا بيتسرب حقك حقنا وإن ما عدلنا ميزانا لازم التاريخ يكتب إن اننا ولاد عهد اجرب لكنا ح نفضل نحاول نجرب مش ح نيأس ولا ح نزهق ولا ح نتغرب ولو الحق يبعد احنا ح نقرب آه يا مصعب كل طلقه فى جسمك صَحِت جوانا ضمير يثور ويغضب ولا ح يسامح ولا ح يطبطب ولا ح يطيب جرحنا لأن دوانا فى حقك وحقك عزيمة الأغلب وحتما ح يغلب آه يا مصعب الدم فى الميدان لم يجف ونبع الدم لم ينضب ووشنا اللى خد ألف كف لساه ضحوك لكنه مرعب ملعون اللى يسكت ملعون اللى يغمض والله يلعن ابو اللى ضربك واللى قاله اضرب اضرب قلب مصر فى جسم مصعب