صحيت م النوم على صوتهم واحشني حضنهم لكن حاكمل نوم حاغمض عيني وأحلمهم وأدوق من شهد ضمتهم وحارسم قلبي قدامهم عشان يملوه بضحكتهم هكمل نومي وأتصبر بأحلامي اللي بكتني جيوبي الفاضية خلتني أموت م الخوف وأكمل نوم.. وأنا مكسوف ما أنا لو قمت أحضنهم طبيعي... هيطلبوا المصروف قهوة بلدي دوشة يمكن بس فيها الناس بساط أرضها حبة نشارة شوهت شكل البلاط صعب تلمح فيها واحدة هيا ضد الاختلاط والغريب مفيهاش غريب كلهم نفس الملامح ناس بترفض أي عيب قلبهم علطول مسامح يرضوا دايما باللي جاي ومش بيبكو علي اللي رايح حبهم في القلب ابيض مش من اللي بتاع مصالح واللي في جيوبهم قليل بس عامل إنجازات مصاصاية ف بق عيل قسط في شوار البنات جزء من مصروف بيوتهم يدفن الجار اللي مات دنيا ناسها معروفين الغلابة الطيبين اللي يصحو الفجر يشقو ميناموش لو مديونين هما دول نبض الشوارع هما دول اهلك يا بلدي واما خصخصتي المصانع حضنهم بقي قهوة بلدي