سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
النائب العام يحقق في اتهام ضابط بمكافحة المخدرات واثنين من أمناء الشرطة بتلفيق قضية اتجار بالمخدرات لطالبين بالثانوي العام.. ووالد أحد الطالبين يقدم تسجيلات صوتية للمتهمين تتضمن الاعتراف بالتلفيق
في سرية تامة بدأ مكتب النائب العام التحقيق مع اثنين من أمناء شرطة قسم حدائق القبة وضابط بمكتب مخدرات القاهرة في اتهامهما بتلفيق قضية اتجار في الحشيش لطالبين بالمرحلة الثانوية مجاملة لزميلهما بعد مشاجرته مع الطالبين. تفاصيل القضية التي حملت رقم 6190 لسنة 2010 عرائض مكتب النائب العام بدأت حسبما أكد عبدالبصير محمد عبدالصمد عندما حدثت مشادة كلامية تطورت إلي مشاجرة بين نجله مصطفي وصديقه عاصم حسن من جهة وبين أحد أمناء الشرطة من جهة أخري عقب تقدم «أ.م» ببلاغ للقسم يتهم عصام بخطف ابنته وتحريضها علي الهرب.. حيث أسرعت مباحث قسم الحدائق بالقبض علي الشاب المتهم، إلا أن الفتاة اتجهت إلي القسم لتبرئته وأكدت أنها لم تهرب معه وأنها ذهبت إلي منزل شقيقته بمحض إرادتها وهو ما أكده «عصام» الذي قال إنه أخذها لشقيقته بناء علي اتفاق مسبق بينهما في نفس الوقت أكد عصام نيته للزوج منها، مما دعا النيابة لإخلاء سبيله لكن والد الفتاة اصطحب أصدقاءه وأقاربه لتأديب «عصام» فتدخل أصدقاؤه لانقاذه لتقع معركة كبيرة انتهت بتدخل الشرطة وفور فض المشاجرة وحسبما أكد البلاغ قام اثنان من أمناء الشرطة بقسم الحدائق بالتعاون مع ضابط بمكتب مكافحة المخدرات بالقاهرة بتلفيق قضية مخدرات للطالبين مجاملة لوالد الفتاة الذي يعمل موظفاً بمديرية أمن القاهرة وقال البلاغ ان عائلة «مصطفي» فوجئت بقوة من المديرية والقسم تقتحمان منزلهم في السادسة صباحاً وتلقي القبض عليه من داخل غرفة نومه.. لتفاجأ بعد اقتياده بتحرير محضر اتجار في المخدرات له ولزميله بعد القبض عليه أيضاً. وقد أدرك والد مصطفي من وراء تلفيق القضية - حسب تأكيده - فذهب لأحد أمناء الشرطة الذين قبضوا علي نجله ودار بينهما هذا الحوار الذي قام بتسجيله علي شريطي كاسيت فقدمهما مع البلاغ إلي النائب العام. الأب: ازيك يا باشا: مش عيب تاخد ابني وتلبسه قضية حشيش وانت عارف انه متاخد من البيت وهو فاضي من قلب أوضة نومه؟. أمين الشرطة: أنا مليش دعوة أنا ماحبستش حد وكل اللي أعرفه أن الضابط أعطاني اسمين وقال لي روح شوف عنوانهم عشان لما أنزل أخدهم أكون عارف البيت عشان نروح ونيجي بسرعة. الأب: طب انت مش عارف إنه برئ؟ - الأمين: دي سياستنا وأنا مليش دعوة الأب: طب أنت مش صحيته من النوم وأخدته من أوضة نومه. - الأمين: أيوه الأب: طب ليه كتبت في محضرك انك واخده وهو بيهرب ومعاه حشيش. - الأمين: دي تعليمات من الريس وما أقدرش أكسرها. بينما جاء في نص تسجيل مكالمة أخري للأب مع أمين شرطة آخر: الأب: أنت ليه أخدت ابني ولبسته قضية؟ - أمين الشرطة: أنا مليش دعوة وده الأمين «ش» هو اللي أخد العيال وحبسهم مجاملة وهو اللي لبسهم قضية الحشيش عشان اتخانقوا مع زميلنا في الشارع وبهدلوه. الأب: طب فيه أمين في الوايلي وده المسسئول عن المخدرات في المنطقة بيقول «ابني مش متهم». - الأمين: أيوه الأمين قال لي خرج الواد ده عشان دي عيال لو بتبيع أنا كنت عرفت وع العموم أنا هابعتلك أبو الواد ومعاه أي فلوس أو حتة حشيش عشان تخرج ابنه. وفي مكالمة أخري بين الأب وأحد المرشدين للمباحث: الأب: والنبي عايزك تتدخل وتكلم الضابط عشان ابني اتاخد ظلم - المرشد: ماتقلقش الضابط هيغير شهادته في القسم والضابط مش هيروح يشهد أمام النيابة وما تقلقش حتي أمين الشرطة أهو معايا وبيطمنك علي ابنك. الأب: اديني أكلمه - المرشد: خد أهه معاك الأب: ينفع يا سيادة الأمين تاخد ابني فاضي من الشقة وتلبسه قضية حشيش وانت عارف انه مظلوم؟ - الأمين: سيبها علي الله ولما تقابلني هاقولك تعمل ايه يا عبدالبصير وأنا ماكنتش أعرف إن ده ابنك بس احنا جاملنا الراجل ده لأنه زميلنا وعلي العموم ربنا يسهل. وفي مكالمة أخري بين مرشد للمباحث ووالد الطالب: الأب: يا عمنا ازيك شوفت اللي حصل لابني علي ايد بتوع المخدرات - المرشد: أنا عرفت ولما سألت عرفت ان ابنك متاخد ب«3 سجاير بس». الأب: شريف اللي حابسهم - المرشد: ما تقلقش من القضية الأب: الولاد ماعهومش حشيش ده مين اللي جابوه - المرشد: مفيش حد جابوه موجود عندهم من ضبطيات بيقلوا منها شوية يعملوا بيها قضايا كل أول شهر لأي واحد. وفي مكالمة أخري بين الأب ومرشد ثالث: الأب: ابني مظلوم يا باشا المرشد: أنا عرفت أن ابنك أخدوه عشان يجاملوا زميلهم بس القضية هتخلص الأب: هتعمل إيه؟ - المرشد: سيبها علي الله وأنا هاحاول أخلصها لك ويقول نص تسجيلي مكالمة أخري بين الأب وأمين شرطة آخر. الأب: ازيك يا باشا إيه الأخبار! - أمين الشرطة: ازيك يا عبده الأب: القضية هتمشي ازاي ياباشا أنت عارف أن ابني مظلوم وانتوا أخدتوه من فرشته وهو ماعملش حاجة - أمين الشرطة: هنقعد نعيد ونزيد يا عبده ابنك اتاخد ظلم عارفين ربنا يسهل ونخلص لك القضية. الأب: ازاي يا باشا تعملوا معاه كده، كل ده عشان خناقة مع واحد زميلكم. - أمين الشرطة: عشان يحرم يعمل كده تاني وعلي العموم هو اتربي أكيد اليومين دول الأب: أنا مستني ياباشا تخلص ضميرك مع ابني.
