عارفين نظرية المؤامرة اللى كل الناس بتتكلم عليها? انا اول واحدة مكنتش مقتنعة بيها خالص وكن دايما م حسن النية بس مؤاخرا لقيتها حقيقية جدا و ح اثبتلكم صحة كلامى ... راقبى جوزك كدة من اول ما يجى من الشغل بعد ما طلع عينيكى طول النهار ف تنظيف البيت و يدخلك بالجزمة كدة بكل سهولة و يسبلك مقاس جزمتة عالسجاجيد ولا لما يجى يجيب هدوم من الدولاب اللى انت طلعت روحك لحد ما رصتية و يجيبلك علية واطية وكاءنة بيهد حيطة ولا لما يدخل يستحمى وتدخلى الحمام بعدة و تلحقى نفسك على اخر لحظة بعد ما كنتى ح تاخدى هدر محترم بعدما جوزك كسل ينشفة وساب المية عالارض ولا لما تقعدى من غير غدا طول النهار لحد ما تبقى محتاجة يتعلق لك محاليل علشان لما يجى تاكلو سوا و يجى بكل بساطة يقولك كلى انت اصل انا اكلت ولا لما يحب يريحك و يعمل لنفسة كوباية شاى وبعد ما يخرج من المطبخ النمل كلة يدعيلة ع السكر اللى غرق لك بية المطبخ ولا لما تحبى تتفرجى انت و هو على فيلم رومانسى و تلاقية نايم على نفسة من بعد تتر البداية ولا لما يظبط المنبة قبل ما ينام علشان يروح الشغل الصبح و البيت كلة يصحى على صوت المنبة ما عادا هو لسة نايم فى تاسع نومة زى ما يكون واقع ف بير ولا لما يطلب منك القميص الوحيد اللى ف الغسيل و الهدوم تبقى كلها نضيفة و هو مصمم ع اللى فالغسيل ويعملها مشكلة ولا لما يوقفك ساعة تكوى لة وكاءنك متذنبة ف الفصل وتكتشفى الصبح انة لبس حاجة تانية خالص غير اللى انت كويتيها ولا لما يقعد هو و العيال ياكلو فول سودانى و يفرشولك القشر كلة ع السجاجيد و يبقى ناقص شجرة وتبقى قاعدة ف جبلاية القرود ولا لما يختم لك اليوم باجمل سيمفونية من شخيرة المتواصل طول الليل......حاقولكم اية ولا اية ما احنا فى الهم سوا وبعدين قال كنت بقول مفيش مؤامرة اتارينى كنت مجنونة و عقلت دى مؤامرة الاعمى يشوفها ......انتم اية رئيكم فى مؤامرة ولا مفيش (مؤامرة دى ولا مش مؤامرة يا متعلمين يا بتوع المدارس)
