دنيا فيها زحام في كل شارع يوم في النازل يوم في الطالع عايشين والزحمة ده أمر واقع، فوق اللي فيها ولا سامع. 1- فيها اللي فاكر نفسه شاطر، فيها اللي حقه بقي متَّاكل، فيها المشاكل، فيها اللي واكل، فيها اللي كسب كتير م الباطل. 2- فيها اللي شد واللي رخا، فيها اللي واخد علي الأنتخة، فيها اللي طور عشان يحوًَّر خايف لحد وراه يدوًَّر. 3- فيها اللي فرح واللي انجرح، فيها اللي زرع وياريت طرح، فيها اللي شال حمل الجبال، فيها اللي ماشي علي الحبال. 4- فيها اللي شايب كبير وعايب، فيها اللي سافر باع حبايب، فيها اللي شارب وعقله غايب، فيها اللي طمع ف مال سايب. 5- فيها الغلا واللي اشترا، فيها اللي باع في الدرا، فيها الرخيص فيها الخسيس، فيها اللي حالته بالبلا. 6- فيها اللئيم فيها الحكيم، فيها اللي ماشي ف السليم، فيها اللي دمًَّر وقال هاعمًَّر، فيها اللي دافع وغيره كمًَّر. 7- فيها الأولي فيها المقصورة، فيها التعصب في ماتش كورة، فيها التافهة فيها الهايفة، فيها اللي باعها وخد عمولة. 8- فيها اللي قالب عليها، وقال هجيب عاليها واطيها، دي دنيا ظالمة ضلمة طول ما حاميها كان حراميها... وعايزني برضه أحب فيها. مصري رفض ذكر اسمه لسبب معلوم