الحلم: أنا بنت وحلمت بإني كنت في بيت العيلة، وكنت باطلع السلم بسرعة جداً في البيت اللي كنا ساكنين فيه الأول، وكانت زوجة عمي بتنظفني قبل الولادة، وماما قالت لي يلا علشان ما نتأخرش على ميعاد الولادة، ورحت عمارة في الدور التاني وولدت، مع العلم إني كنت متأكدة وأنا في الحلم إني لسه بنت وولدت، والممرضة بتسأل ماما هو فين زوجها قلت لها مسافر، بس الممرضة كانت بتتكلم بتريقة كأنها فضيحة، ونزلت أنا وماما ومعانا بيبي أمور جداً أبيض، وشعره ناعم جداً وأسود لدرجة إني ما كنتش مصدقة إني جبت بيبي جميل أوي كده، وأنا كنت باسأل ماما هنقول إزاي لبابا وهي قالت لي أنا مش عارفة هنقول إزاي لخطيبك وأنا قلت لها خطيبي لما هيعرف هيبقى مبسوط. يشير حلمك إلى انشغال عقلك ورغبتك في تكوين أسرة وأن تصبحي أماً سريعاً؛ بغض النظر عن الطريقة المؤدية لذلك، وهو ما يجب أن تتأني فيه، ولا يجب أن تتسرعي فيه أبداً حتى لا تقعي في الخطأ.