السلام عليكم ورحمة الله وبركاته أشكركم على المساعدات اللي إنتم بتنصحونا بها. أنا خاطب من مدة، تقريبا سنة، وأنا فرحي إن شاء الله بعد شهر وأنا بحب حبيبتي جدا جدا جدا، ومتأكد إنها بتحبني نفس الحب. بس المشكلة إني باحس إنها مش بتقرب مني؛ بس أنا محتاج لقربها جنبي جدا؛ وخاصة من الناحية العاطفية لأن أنا باقابل بنات كتير جدا؛ بس أنا باخاف والله من إني أغلط لأني من نوع لو غلطت من الممكن أغرق وأنا محتاج لكل دقيقة حنان وعاطفة منها، وأنا والحمد لله ملتزم وباصلي والله، وأنا باحمد ربنا إنه ساعدني على اللي كنت فيه، كان ممكن ما كنتش في المكان اللي أنا فيه. أرجو الرد منكم وأشكركم على مساعدتكم لنا . الأسد