النهارده جمعنا لك كل الفاكهة الموجودة في السوق؛ علشان نقدّم لك طبق سلطة الفواكه بصوص الفراولة، يلّا بينا على المطبخ علشان نعمل طبق خفيف نحلّي به بعد الأكل... سلطة الفواكه بصوص الفراولة المقادير: * 1⁄4 كيلو فراولة مقطّعة قطع متوسطة الحجم * 2 ثمرة كيوي مقشّرة ومقطعة قطع متوسطة الحجم * ثمرة برتقال مقشرة ومقطعة قطع متوسطة الحجم * 1⁄2 ثمرة أناناس مقطعة قطع متوسطة الحجم * 2 ثمرة كمثرى مقطعة قطع متوسطة الحجم * 2 ثمرة برقوق مقطعة قطع متوسطة الحجم * 2 ثمرة تفاح مقطعة قطع متوسطة الحجم * 2 ثمرة خوخ مقطعة قطع متوسطة الحجم * 1⁄4 كوب عصير برتقال محلّى * 2 ملعقة كبيرة عصير ليمون * 2 ثمرة موز مقطعة شرائح * 2 ملعقة كبيرة سكر الطريقة: 1- لتجهيز صوص الفراولة؛ اضربي الفراولة مع السكر وعصير البرتقال في الخلاط. 2- اخلطي كل الفاكهة اللي عندك في طبق كبير، وضيفي عليهم عصير الليمون وصوص الفراولة، وقلّبيهم كلهم مع بعض كويس، وبعد كده حطّي السلطة في أطباق التقديم.. وبألف هنا وشفا. وبكده تكون خلصت وصفتنا النهارده.. يا ريت تجرّبوها وتبعتوا تقولوا لنا على النتيجة.. واستنونا بكره مع وصفة جديدة.. سلاااااااام،،،