هنعمل النهارده على "سفرة دايمة" طبق البطاطس المشوية بالثوم والأعشاب لكل محبّي التجديد والأكل البسيط الخالي من الدهون والسريع في الهضم، ولكل الأمهات اللي بعتت تطلب مننا طريقة جديدة وصحية لتقديم البطاطس لأولادهم... قطع البطاطس المشوية بالثوم والأعشاب المقادير: * 5 ثمرات بطاطس مقشرة ومقطّعة مكعبات متوسطة الحجم * ثمرة فلفل أحمر حلو مقطّعة مكعبات متوسطة الحجم * 1⁄4 حزمة بقدونس مقطّعة قطع صغيرة جدا * ثمرة بصل مقطعة مكعبات متوسطة الحجم * 1⁄4 حزمة شبت مقطّعة قطع صغيرة جدا * 1⁄4 ملعقة صغيرة ريجان مجفف * 4 فصوص ثوم مفرومين * ملعقة صغيرة روزماري * 2 ملعقة كبيرة زبدة * ملعقة صغيرة زعتر * ملح وفلفل أسود الطريقة: 1- اخلطي كل المقادير الموجودة عندك مع بعضها كويس، وسيبيها في التلاجة لمدة ساعة علشان البطاطس تاخد نكهة الأعشاب اللي معاها. 2- بعد كده لفّيها في ورق فويل، ودخّليها الفرن على نار هادية لمدة نص ساعة. 3- بعد كده افتحي الورق الفويل من فوق، وسيبيها لمدة ربع ساعة تاني في الفرن أو لغاية ما تلاقيها استوت وبقى لونها دهبي، وبعدين طلّعيها.. وبألف هنا وشفا. وبكده تكون خلصت وصفتنا النهارده.. يا ريت تجرّبوها وتبعتوا تقولوا لنا على النتيجة.. واستنونا بكره مع وصفة جديدة.. سلاااااااام،،،،