النهادره هنعرف مع بعض إزاي ممكن نضيف نكهة جديدة للفراخ البانيه، يلّا بينا على المطبخ نشوف إزاي؟! فراخ بانيه بالشبت الأخضر المقادير: كيلو صدور فراخ 1⁄4 كوب دقيق بيضة كبيرة مخفوقة ملعقة كبيرة زيت زيتون 2 كوب بقسماط مطحون 1⁄4 كوب شبت طازج مفروم بصلة كبيرة مقطعة قطع صغيرة ملح وفلفل أسود الطريقة: 1- تبّلي صدور الفراخ في البصل والملح والفلفل وزيت الزيتون لمدة ساعتين. 2- هاتي طبق كبير واخلطي فيه البقسماط مع الشبت، وتبّليه بشوية ملح وفلفل. 3- شيلي الصدور من البصل وحطّيها في الدقيق ثم البيض ثم البقسماط مع الشبت واضغطي عليها بإيدك كويس، ودخّليها الثلاجة لمدة ربع ساعة. 4- بعد كده حمّري الفراخ في زيت غزير لغاية ما لونها يبقى دهبي. 5- رصّي صدور الفراخ في أطباق التقديم، وممكن تقدّمي معاها بطاطس محمّرة وسلطة زبادي بالخيار.. وبألف هنا وشفا. وبكده تكون خلصت وصفتنا النهارده.. ماتنسيش تجرّبيها وتبعتي تقولي لنا على النتيجة.. سلااااااااااااااام،،،