شكرا لكم على ردودكم على الفضفضات، ويا رب ماكونش باتقّل عليكم, بس أنا محتارة ومش عارفة أفكر. أنا عندي 20 سنة حاسة إني مش مبسوطة في حياتي، كتير باقول الحمد لله، وأنا أحسن من غيري، بس أنا ليّ أصحاب بيعملوا غلطات كتير، وبيعْلُوا في حياتهم أوي، وأنا حاسة إني مش باوصل لحاجة من اللي أنا عايزاها، ودايما تايهة. دلوقتي الواحدة اللي تركب مع واحد عربيته وتسافر وتروح وتيجي هي الكويسة؟! والبنت اللي تعمل حاجات غلط وتسمح لواحد إنه ياخد عليها بطريقة مش ظريفة، بيكونوا موضع احترام وتقدير من اللي بيرتبطوا ارتباط رسمي.. طب ليه؟!! هي الموضة دلوقتي كده؟! وهل يا ترى هو ده الصح ولا إيه؟!! أنا عندي تخبّط في الصح والغلط, عايزة أعرف إيه الصح.. أخلّيني زي ما أنا باحترامي لربنا ولأهلنا ولا إيه؟؟ أنا آسفة بس يا ريت أفهم.. شكرا. س لو عايز تفضفض لنا دوس هنا