أنا بحب واحد وهو بيحبيني بس المشكلة إن هو سلبي، وكمان بنسيب بعض بسبب أهله، أنا عارفة إن أخته ومامته بيحاولوا دايما يخلونا نسيب بعض، وهو كمان عينه زايغة وبتاع بنات، وكل ما يشوف واحدة حتى لو أوحش مني بكتير عينه بتروح عليها ويرتبط بيها وبعد كده يرجع لي تاني، ويقول لي أنا آسف، ومش هاعمل كده تاني، وكل مرة باسامحوا وباصدقوا؛ بس ما فيش فايدة فيه إحنا بقالنا سنتين على الوضع ده ودلوقتي رجع بعد ما سيبنا بعض فترة وبيقول لي أنا اتغيرت وبطلت أكلم بنات، وبقيت أصلّي وأقرأ قرآن وعايزنا نرجع لبعض بس بيقول لي ما اقولش لأهلي إلا بعد سنتين وأنا ما اعرفش أعمل حاجة من وراء أهلي وخايفة أصدقه ونكمل أكتر واتعلق أكتر بيه ويطلع في الآخر بيقضي سنين الكلية معاي ويكون مش ناوي على جواز ويكون بيتسلى. اnada