الحلم: أنا دايماً أحلامي ملخبطة أوي، حلمت إني لابسة فستان فرح أبيض جميل أوي، وكنت في الكوافير والإنسان اللي أنا مرتبطة به حالياً عاطفي، ونفسي أكون له، كلمني وقال لي أنا وصلت القاعة خلصتِ ولا لسه؟ قلت له أنا لسه في الكوافير وقدامي نص ساعة كده؛ بس صحيت قبل ما أروح الفرح؛ بس أنا باسمع إن الفستان الأبيض في الحلم وحش وما أعرفش وحش ليه، وكان فيه حلم تاني إني قدامي فساتين بيضة كتير أوي، وكنت باتفرج عليهم؛ بس مش لبست واحد فيهم، مع إني كان نفسي ألبس فستان فرح يا ريت أعرف ده معناه إيه؟ فستان الفرح والأفراح تشير للحزن والمشاكل العاطفية في أغلب الأوقات، وربما يشير حلمك إلى رغبتك الداخلية في إقامة قصة حب تنتهي النهاية المشروعة بالزواج الشرعي أمام الأهل والأحباب كأي من بنات حواء, وخوفك من أن تتصدى لك الأزمات وتعوق تحقيق هذا الحلم، وتجدي عكس ما تمنيتِ وما حلمتِ به؛ حيث تعجزين وقتها عن إيجاد سعادتك وراحتك.