الحلم: أنا عندي حلمين؛ الأول: حلمت إني عند خالتي في بيتها وزي ما يكون في عندهم فرح؛ بس فيه ضحك وصوت ناس قرايبنا هناك، ولقيت في مأذون جه وبابا كتب كتابي، وأنا فضلت أقول لبابا مش موافقة على الشخص ده قال لي هو ده اللي هتتجوزيه، وما كانش عايز يسمع مني أي كلام، وبعدها سمعت من قرايبنا إن بنت عمتي توفيت، وهي في الحقيقة عايشة ربنا يديها طولة العمر، وبابا قال للشخص ده خد أهله وروّح، وأنا بابا هو اللي هيوديني ليه، وهو مشي وبعدها خرجت البلكونة سمعت صوت أذان ولقيت بابا بيقول لي إنت عارفة مين اللي بيأذن، قلت له لأ قال لي بصي هناك أهو، قعدت أبص وأدور ما كنتش شايفاه وشوية شفته، ولقيت رأسه بتعلا وتنزل قلت لبابا آه شفته؛ مع العلم إن أخو زوج خالتي كان يؤذن في المسجد اللي بابا شاور لي عليه وتوفي النهارده. أما الحلم التاني: ماما حلمته ليّ إنها قابلت واحدة صاحبتها وبتقول لها إننا بكره هنشتري شبكتي وصاحبة ماما سألتها إن أخويا يعرف ولا لأ، ماما قالت لها هنقول له إن شاء الله. كلا الحلمين يدل على رغبتك وتفكيرك في الزواج والارتباط ممن يختاره قلبك، لا أن يُغصب عليكِ، كما يدلّ حلمك الأول على انشغال عقلك بأمور دنياك والظروف المحيطة بك وتفكيرك بها وتأثيرها عليك بشكل مباشر.