أبدى الطالب "عبد الله عاصم" الشهير بالمخترع الصغير، عن حزنه لاتخاذه قرار عدم العودة مرة أخرى لمصر، والاستقرار بأمريكا. وقال عبر تدوينة له ب"الفيس بوك": ناس كتير بتباركلي وناس كتير بتكتب تعليقات تقول إنها سعيدة إني أخدت القرار ده، بس الحقيقة أنا مش مبسوط.. أنا فعلاً كنت راسم لحياتي طريق تاني، وكان نفسي أعيش وسط أهلي في أسيوط.. كان نفسي أخدم بلدي وأنا في الصعيد.. أقدم علمي وأفضل ﻵخر لحظة وسط أهلي وناسي.. لكن كل ده تبخر في لحظة. وتابع: القرار اللي أنا أخدته قرار صعب جداً.. ولوﻻ أني لقيت مصريين محترمين ساعدوني في اتخاذ القرار ده كنت ممكن أضعف وأرجع واترمي في أي سجن ومحدش يسأل عني، النهاردة شفت مفارقة غريبة ومحزنة، شفت فيديوهات ل"روﻻ خرسا ولميس الحديدي"، بيشتموا فيا وفي أهلي علشان خفت أرجع، وفي نفس اللحظة اللي شفت فيها الفيديوهات شفت هاشتاج الشباب عاملينه باسم تحت اسم "ارجع_يا_عبد_الله_علشان_عربية_الخضار"، ناس بتباركلي وناس بتشتمني وناس بتتريأ، وأنا بالنهاية قررت أعيش كإنسان.