صبرِك على العبد اللي داب
ماهو أصله تاب
أوِّل ما شاف ضحكتك
و شق جوَّا الحلم
سكة بألف باب
حالف يروح و يصير
أصل الغلابة كتير
عشمه ف ربه كبير
قد السما و البحر
ماتصدقيش ابن الوزير
اللي عماكي بمهر
اللي ارتسم من بين صفوف جيشه
ضحية حرب
و قطّر الدمعة
و مثِّل (...)
أنا مين ؟
أنا فين ؟
أنا مِنك
أنا فيكي
أنا الحاجات الطاهرة حواليكي
مانا من زمان ليكي
أنا خيط أبيض
دايب ف لفة الطرحة
أنا الشَعر اللي يوم ما اتستر
أنا طِرت م الفرحة
أنا نفسِك الصالحة
أنا وردة تضحكلك
على طرف فستانِك
و درع يحميكي
من قرّ حُسّادِك
عود (...)