صرح "محمود خضر" في تصريح خاص ل"الزمان المصري"عن القبض على قيادات جماعة الإخوان المسلمين "محمود خضر" ناشط سياسي وعضو بحزب مصر القوية ومؤسس مؤسسة أولاد حارتنا قائلاً: مفيش مشكلة إن القانون يأخذ مجراه في أي حاجة حتى مع الإخوان بس القانون ميبقاش بوجهين لازم يكون بوجه واحد فقط يعني مش في الأخر يأخذ حسني مبارك براءة أو حبيب العادلي وحسن عبدالرحمن ياخدوا براءة في قتل المتظاهرين ،معنديش مشكلة لو إتمسكت حاجة علي بديع بس ميبقاش بعنينا شايفين إللي حصل وإن عبدالرحمن والعادلي متورطين بشكل كبير في قتل المتظاهرين وياخدوا براءة ، محمد بديع إبنه إتقتل وإتقبض عليه بتهمة قتل المتظاهرين فميبقاش اللي إبنه إتقتل مع المتظاهرين يتحاكم بتهمه قتل المتظاهرين وحبيب العدلي وحسن عبدالرحمن إللي كانوا موجودين بقوة في الأحداث إللي فاتت وراح فيها أعداد رهيبة جدا يطلعوا براءة فالقانون مازال بوجهين . أما عن تعليقه حول تولي "محمود عزت" منصب المرشد العام لجماعة الإخوان المسلمين أضاف قائلاً: الجماعة كان فيها تكتل سابها وإللي كان منه أبو الفتوح ودا ملاقاش لنفسه مكان من بعد ما التكتل الأخر إللي فيه أحمد عزت ورشاد بيومي فمظنش إن محمود عزت هيختلف كتير لان مفيش فرق بينهم الكارثة الأكبر مش في إللي موجودين لا في التكتل الأخر إللى على رأسهم أبو الفتوح ومحمد حبيب وطلعوا من الجماعة وسابوها لأن ملقوش لنفسهم مكان ، وبكده الجماعة بيتحكم فيها تكتل واحد فقط وخطير وهو نفس التيار إللي هيحكم الجماعة حاليا إسمه تيار قطبي أو غيره هو هو نفس التيار إللي كان مهيمن علي الجماعة في الفترات الأخيرة.