خدنا الشوق و لف بينا .... وفى وسط زحمة المدينه .... فى مكان هناك وراح رامينا ..... والدنيا رجعتنا عند حارة قرب بيتنا ..... إللى كانت فيه حياتنا .... بس دلوقتى نسيناه .... أصل دا شارع منطقتنا .... إللى كانت فيه حياتنا .... شاف أجمل أيام حياتنا ..... هى أجمل عمر فاتنا .... وفيه كمان من ذكرياتنا .... يااااااااااااااه أد إيه بيتنا وحشنا .... *** لسه فاكر .... لسه فاكر ... لما مرة بعدنا عنه .... و قلنا خلاص هنمشى منه .... سمعنا حيطانه بتنادينا .....عايزه تجمعنا تضمنا ... و السؤال كان بيصرخ فينا .. ليه ... ؟؟؟ هتسيبونى وحيد أنا ...؟؟؟ *** لسه فاكر... لسه فاكر حضن بيتنا ... لسه سامع حتى صوتنا ..... صوت أبويا لما يحكى .... لما يشاركنا و يسمع مننا حكيينا .... و الدعاوى منك يا أمى ..... بعد ما الفجر تصلى ..... *** هنا يا ما شكينا همنا ..... وهنا إحتفلنا كلنا .... و كان بيكمل فرحنا .... لما تظهر نتيجة الإمتحان ..... مبروووووووووووك نجحنا كلنا ..... ومن قلوبنا كنا نضحك و الجيران كانت بتفرح معانا لفرحنا .... *** هنا أول مرة نسجد.... وأبويا كان بيدعى ... وإحنا وراه بنأمن كلنا ..... هنا إتعلمنا دينا و يا ما دعينا ربنا ..... هنا كنت .... و عشت .... وإتعلمت ..... هنا ده يبقى مكان بيتنا و حيّنا .... و جيرانا و الأعياد .... و الفرحة إللى ياما إترسمت على وشوشنا كلنا .... *** هنا ... هنا أول مرة القلب دق ..... و فى بيت جيرانا ده .... كان أول حبنا .... و ذكريات من عمر فات .... بترجع بينا تهزنا .... لسه جوايا كتير حاجات .... بس زمانها فات..... ولا عدش باقى غير دمعنا و الذكريات .... ********************* ***و لسه فاكر ... لما كبرنا فى يوم و بقينا... ناس مهمه وإتعالينا ..... ونسينا أيامنا فيه ... بس مهما بعدنا عنه ... فيه فى قلوبنا حته منه .... لو نسينا .... تفكرنا بيه .... شايله أجمل ذكريات ..... و ياما كان لينا حكايات ..... ومهما زمانا عدى و فات .... دايماً ... بتبقى الذكريات ... و مهما راح الحلم بينا ... و سافرنا فى كتير بلاد .... و إتغربنا سنين هناك ..... فى بلد بعيد عن حيّنا ... صوته جوانا بيهزنا ... يااااااااااااه لسه شايف على الجدران زمان ..... و حكمة بتدينى الأمان .... *** لسه فاكر .... لسه فاكر حضن بيتنا .... لسه حاسس فيه بقيمتنا ..... أصل القيمة فى الإنسان ..... مش بمكان و لا عنوان ..... و لا ماركة بدلة و رشة برفان ..... ياااااااااااااااااااه .... من أد إيه كنا هنا ....؟؟؟ *** لسه فاكر .... لما كنا و كان زمان .... و كنا لسه صغيرين ..... و حلمنا تجرى السنين .... وتلف بينا و فى دوامتها .... تلفنا ..... هنا كنا بنتمنى نعيش مع بعضنا ... مليون سنه .... و تحت سقفه وبين حطانه .... كان بيكبر حلمنا .... و لو مرة تُهنا .. أو بعدنا .... فيه ذكريات كتير .... بتلمنا .... أنا أسف بجد يا بيتنا .... حقك عليا ... أنا الغلطان .....