انتشرت علي صفحات الفيس بوك الشروط الجديدة للشاب " الراجل " .. وذلك بفضل الثورة التي ساهمت في تغيير مواصفات الشاب المصري ، من الواد الوسيم أو "الروش" الجذاب قبل الثورة عنه بعد الثورة، فكلمات الحب والرومانسية كانت الاساس قبل الثورة لجذب البنات حولهم ، ويزينون شعرهم وملابسهم تقلدا بالفنانين ولاعبي الكرة فكانت مواصفات الشاب الروش قبل الثورة: 1- تسريحة شعره زي تسريحه كابتن ماجد. 2- ضارب نضاره شمس ب10 جنيه من العتبة. 3- لابس حظاظه ب2.5 جنيه. 4- صورة بجوار عربية شيك وساند عليها 5- لابس بنطلون جينس مقطع 6- فاتح القميص لحد اللوز 7- لابس حزام بتوكه لميع 8- جزمته متلمعة آخر حاجة اما بعد الثورة فالدنيا تغيرت وكل حاجة في مصر اتغيرت ليصبح الشاب الفيس بوكي هو الشاب المثالي ، ولتصبح مواصفات الجاذبية كالتالي: 1- متصور جنب دبابة وحاطتها صوره للبروفيل بتاعه. 2- مبتسم ورافع إديه بعلامة النصر في الصورة أو حاطة صورة علم مصر، أو رافع إصبعه وهو باللون الفوسفوري بعد الاستفتاء. 3- بعد ما كان اهلوا بيزعقوا له عشان قاعد علي الفيس بوك بقوا دلوقتي بيفتخروا بأنه قاعد مع نهار علي الفيس. 4- كمان البروفيل بتاع حبيبته علي الفيس بوك ميكونش فيه صبيان خالص غيره وان لا يزيد عدد صديقاتها علي 50 صديقة. 5- كل واحد قاعد علي الفيس بوك بيفكر يعمله حزب سياسي وكل شويه حد يعمل جروب ويقول عليه جروب لحزب 25 يناير واللي معملش جروب مشارك في جروبات تانية كتير. 6- لا يخلوا البروفيل الخاص به من التعليقات السياسية والمناقشات الساخنة عن مستقبل مصر في الفتره القادمة. 7- طبعا هو وصحابه كل يوم يتفاخرون فيما بينهم مين اللي نزل فيديوهات سياسية أكتر علي الفيس وكان عليها اكبر نسبة تعليقات.