(أصفار ليها عيون) بلغنى أيها الشعب السعيد صاحب الحق والتأكيد صاحب الثورة واللى حرر البلاد كان فيه حبه هوامش قبل كتابه النهايه قبل ما نفر كل الصفحات السوده قبل ما نراجع على المفرمه المعهوده حبه أصفار زى التاتار فى البلد موجوده حبه أصفار بيقولوا لازم لينا تزكرة عودة حبه أصفار كانوا فى هما البطانه السودة حبه أصفار نهبوا البلد والنخوه مش موجوده حبه أصفار عايزينك يا ظالم تكمل الهوجه وقالوا التنحى باطل ولعبه وركبوا الموجه فاكرينها كوسه وخيار والصفر واقفته عوجه مش مكفى كام مليار لازم يسيبها على الحديده تلاميذك الأصفار عايزينك ترجع للعزبه المنهوبه خلاص بقيتوا فتات أصفار مالكوش عوزة كفايه علينا الدمار والمهانه والزل والحوجه عاوزينه يرجع كمان وتبقى الدفه معووجه طب فين دم الشهيد يا صفر ملوش هيبه لسا باقى على البعيد ..دا غمه ومصيبه أرتحتنا من عيشه العبيد .. والزله فى التخشيه شبعنا من البهدله ... وأتحلت المسأله كفايه بلا ...بلانيله بلا أندله .وفى ستين مصيبه