وتلبس توب الغرور أرجع لتاريخ أهلك وأنت تعرف الأصول لو كانوا ربوك وعلموك كيف الأيام بتدور كنت أفتكرت ربك قبل ما تتجنى وتجور ليه بتنسى أصلك قبل ما يعلى وصلك أنت كنت أيه يا مغرور قاعد فى العلالى ومتكبر وكأنك سلطان متجبر بكره عليك الأيام هتجور شايف الناس منك أصغر هيجى عليك يوم ما هتشوف بعنيك النور ليه الأيام بتغير بتقلب الناس وتبدل وكأنها رحايه بتدور بتطجن الغلبان وتكسر عضامه ولحمه مفروم هى الدنيا جرا فيها أيه إللى تحت يطلع فوق وإللى فوق ليه كده ينزل ويضيع حق المظلوم إمتى يا ظالم ترجع عن ظلمك وتفوق وإللى خلق الخلق وسطر وأنزل القرآن المحكم هيجى عليك يوم وهتندم ومن نفس الكاس هتدوق ليه يا عبدالجبار بتتجبر ربك يمهل ولا يهمل بكره الأيام عليك هتدور وغصب عنك هتنزل فى حفره جوها مظلم وعنيك ما هتشوف النور كنت عايش فى الدنيا أعمى عن الحق مغمى عنيك وبتتغمى سادد ودانك حتى عن الكلمه أسمع لشكوى المظلوم بيشكى وعنيه بتدمع وأنت أعمى ما بتسمع بكره عليك الرحايه هتدور حاطط رجل على رجل وبتتسلى إبتسامتك الصفرا ما بتداوى عله زى السكين التلمه بتوجع قلب المظلوم جاتلك صبيه بتتمرقع لعبت فى ودانك بكلمتين بتهز الوسط وتتدلع أشتغلتك البت يا أهبل ضحكت عليك بدمعتين قليلة الأصل عشان توصل تلبس لغير جوزها وتتعطر مش فارق معاها لمين شعللت النار فى جسمك حركت مشاعرك للفجور أخدتها فى حضنك وطبطبت عليها بيدك ومرمغت المظلوم فى الطين بكره هتندم على فعلك يا ريت تفتكر وتعرف كله عليك سلف ودين