بيقولوا كفاية كلام عن الحب كفاية كلام عن الهجر والفراق والشوق والبعد والقرب خلينا بقى نتكلم جد عن الغلاء عن الفساد عن الغُلب نموت مشاعرنا نجمد احاسسنا نعمل اعتصام نشد الحزام بكدا تتحل المشاكل واللي نايم جعان هايقوم الصبح آكل وكمان هاترجع الكهربا وهايتفك الحصار وهايرخص كمان الخضار لو بطلنا كلام عن الحب الدنيا ها تزهزه والورد هايفتح ومشاكلنا كلها ها تتحل أصل الكلمتين الحلوين بينسوا الناس همومها وإحنا ننسيهم ليه خليهم فاكرين نايمين صاحيين متنكدين طيب الحل إيه نموت مرتين مرة باحساسنا ومرة بهمومنا معقول ياناس في ناس جامدة زي الحجر عايزة تقتل جوانا الاحساس نفضل شايلين همومنا ونعيش دنيا ما تنداس فيها الحب بقى غريب والضحكة شيء مريب والنكد دا مكتوب وقدر هم دول يا ناس بشر