وقفت يوم ع الشط أنده على فرحتى لقيت ندايا صدى مالقيتش غير غربتى لقيت خطايا ضاعت وتاهت مع سكتى نورتها بالأمل بس انطفت شمعتى تاهت منى الحقيقه بين ضلوع دنيتى وقلبى نبضه وقف رفض يكمل دورتى ناديت على الأحباب ترفع عنى شدتى مالقيت غير الديابه عاوزه تنهش بسمتى بصيت لفوق فى السما أشوف نهاية غربتى لقيت طيرى حزين نازل يهون صدمتى يصبرنى على الآنين يحاول يمسح دمعتى وخدنى وطار بى ع السحاب علشان يخفف محنتى ورانى كروب ناس كتير أكبر اوى من كربتى حسيت ساعتها بالرضا قدر يرجع بسمتى قدر يخفف دمعتى قدر يخلينى أنام وأنا حامده ربى على قسمتى