انا عم وخال وجد لحوالى 160 واحد وواحدة اليكم نوادر واحدة منهن ( الحكاية حقيقية ، لكن الاسماء مستعارة عشان الخصوصية ) **************************** الساعة 11 مساء رن المحمول ، ظهر اسم ناصر ، قلت ربنا يستر انا : السلام عليكم ازيك يا ناصر ناصر: وعليكم السلام ، ازيك يا عمى ، تعالى شوف حل مع قريبتك فجأة سمعت صوتها هى : يا عمو تعالى خدنى دلوقت وبسرعة انا : اركبى تاكسى وتعالى هى : الوقت متأخر ما ينفعش انزل لوحى انا : خلى ناصر يوصلك هى : ناصر ايه اللى يوصلنى ده ، انا مش طايقة ابص فى وشه ولا اقعد انا وهو فى بيت واحد ، لازم تيجيلنا دلوقت انا : اكلم ناصر ناصر : ايوه يا عمى انا : اركب تاكسى وتعالى بات عندى ناصر : حاضر يا عمى هاجيلك هى : يجيلك فين ، ما ينفعش ابات لوحدى انا : طيب نامى انت فى اوضة النوم وناصر ينام فى الصالة هى : وهاقفل على زوحى بالمفتاح من جوه ، وتيجى تاخدنى فى الصبح انا : حاضر هاقبلكم الساعة 2 فى نادى (الحكمة) ناصر : حاضر يا عمى هى : الساعة 2 بالظبط ما تتأخرش انا : حاضر المشهد الاول خلص ************************************************ المشهد الثانى تانى يوم الساعة 10 صباحاً ، وصلتنى منها رسالة كلمنى شكرا انا : صباح الجنان يا مجانينوووووووو هى : صباح الخير يا عمووووووووو انا : انت فين هى : انا لسه صااااااحية انا : ما روحتيش الشغل ليه ؟ هى : خليك شاهد ، ناصر ما صحنيش وراح الشغل لوحده ، هو مش بيحبنى انا : يصحيكى ازاى وانت قافلة الباب على نفسك هى : كان لازم يصحينى ، كان يكسر الباب ويصحينى انا : الصبر يا رب هى : هاستناك فى النادى الساعة 2 ما تتأخرش انا :حاضر ، مع السلامة ***************************** الساعة 10 ونصف وصلتنى رسالة كلمنى شكرا اتصلت وقلت ما تتأخرش عن الساعة 2 ، قلت حاضر الرسالة اتكررت مرتين لغاية الساعة 11 وانا اقول حاضر مش هاتأخر الساعة 1 اتصلت بيها وقلت حاضر مش هاتأخر قالت : انا ما تاصلتش ولا رنيت عليك قولت لها :ان استغربت ساعتين ما اتصلتيش وبأطمن انك لسه عايشة هى : هاهاهاهاهاهاهاهاها ************************** المشهد الثالث الساعة 2 ، اتصال من ناصر انا : مساء الفل يا ناصر ، انتوا فين ناصر: انا فى النادى يا عمى انا : هى فين ناصر : موجودة ، لكن على ترابيزة تانية انا: ايه يا فالح ؟؟؟؟؟؟؟ ترابيزة تانية !!!! روح اقعد معاها ناصر : مش هاترضى يا عمى انا : نعم يا خيبان !!!!!!!! افتكر ايام زمان قبل ما تخطبها لما كنت بتفرض نفسك عليها فى كل حته عشان تكلمها وتقعد معاها (ناصر ضحك ضحكة مكتومة) انا : افهم يا اهبل ، انا قصدت المكان ده عشان كل زمايلكم بيقدوا هنا واكيد هايشوفوكم ، وهاتتكلموا وتنسوا الموضوع ناصر : اقعد معاها على نفس الترابيزة ازاى يا عمو ، ممكن ...... انا: استخدم غلاستك زى زمان ، اعطيها المحمول وقولها كلمى عمك ، وانا هاطول الكلام معها ، وانت تقعد وشوف اى حد من زمايلكم يكون موجود ويقعد معاكم ناصر : حاضر يا عمو ، فكرتك جميلة ****************************** من الساعة2 الى الساعة 3 وصلتنى منها 5 رسايل و10 رنات ، وانا اقولها حاضر انا جايلكم ، انا فى السكة من الساعة 3 الى الساعة 4 سكوت تام الساعة 4 رن المحمول رقم غريب انا : السلام عليكم ايوه مين هى : ازيك يا صلوحة (قالت صلوحة قلت الحمد لله) ، انت فين انا : حاضر انا فى الطريق للنادى هى : هاهاهاهاهاها ، احنا مش فى النادى يا صلوحة ، احنا بنتغدى فى مطعم (الحاج/ ابراهيم) انا : طيب الحمد لله ، اروح انا هى : تروح ازاااااااااى ، انت لازم تيجى تشرب معانا فنجان قهوة انا : شكرا ، هاروح هى : لازم تيجى تشرب القهوة وتدفعلنا الحساب والا هانتخانق تانى انا : لأ لأ لأ بلاش خناق ، انا جاى رحت وشربت القهوة ودفعت 115 جنيه ، اغلى فنجان قهوة شربته وهاشربه فى حياتى ******************************* اليوم الثالث الساعة 12 اتصال منها انا : ازيك يا مجانينو هى : ازيك يا صلوحة ، هتغدينا انهاردة فين انا : ليه هى : اصل يا صلوحتى انت ما عرفتش شبب الخناقة ، الفلوس خلصت انا : خلصت ازاى وليه هى : عملت له مفاجأة واشتريت كمبيوتر لاب توب انا : اشتريتى ايه !!!!! لاب توب ، انشالله قلبك يطب ، انتوا عندكم كمبيوتر عادى هى : عشان تعرف انا باحب ناصر قد أيه ، اشتريت لاب توب عشان ناصر بيصعب عليا وهو نايم باللليل وانا باشتغل فى الصالة ، قلت اشترى لاب توب واشتغل وانا جنبه فى السرير انا : الصبر يا رب هى : مالك يا صلوحة ، وما تغيرش الموضوع هاتغدينا فين انا : المشكلة انى مش فى البيت ولا حتى فى البلد كلها هى : ايه ؟ انت فين يا صلوحة يا صلوحتى ومع مين وبتعمل ايه اقول بسرعة والا هاقول لسوسنتك انا : انا وزوجك تركنا لكم البيوت وقررنا نروح نعيش فى مستشفى المجانين ، عشان نرتاح منكم هى : بعد الشررررررررر يا عموووووووو على جوزى حبيبى ، روح عيش مع المجانين لوحدك ، ناصر حبيبى اعقل واحد ، هاهاهاهاهاهاهاها ، باى يا عمو