قلتله يخربيت شيطانك ياولا أمك زى مايكون شايفه حاوى بيقول لمصر جلا جلا قرب قرب قرب هو مين اللى اتقدم لمصر ووسط لها أبوه لأ وزق عليها كل اللى خلفوه ولما راح يجيب شبكتها فى أصل أمه شككوه لا ومش بس كده دول بيقولوا ناويين يدبحوه ولا مين ياواد اللى مصر موافقه عليه ومين اللى أولادها من العجوز فرحانه بيه ومين ياواد من العرسان ناوى يأكلها الشهد ويبيعها الزلط ومين ياواد اللى ناوى يسلمها للعدو ويمشيها فى الغلط ومين اللى حد مسلطه يخلص ذنبها لآ وياكل لحمها ومين اللى بعتينوا اليهود يكتفها ويمص فى دمها طب ورب العزة أمك متلخبطه مين اللى ضد ومين مع بس عارف أمك أبدا مش حتبطل فى يوم دعا لأ وحكشف طرحتى وأقول يارب اى حد مدبر لمصر حاجه فى الخفا واللى ناوى يدى المصريين بالقفا أصحى يارب بكره القاه أختفى