بقلم : احمد عبد الله ياترى تعرف ترجع لعيونهم النور...ياترى تعرف تخليهم يشوفو تانى مصر زى منتا شايفها ياترى حسيت بالضلمه اللى عايشين بيها عشان انت تشوف ...غمض عينك وجرب او حتى حط ايدك على عين وحده ...شوف النعمه دى غاليه عليك ولا ملهاش لازمه ....صدقنى لو عاوز ترجع حقهم هما واللى ماتو من خيره شباب مصر ...مهندسين..مدرسين..محامين...دكاتره...الخ لدرجه اننا مشفناش بينهم حتى مسجل خطر واحد كان الموت بينقى...وال ف الاخر بيشوهو الثوره ويقولو دى ثوره بلطجيه ....ارجع لثورتك وكملها عشان ترجع مصر تشوف من تانى وشير الصوره وعشان كده دى هتافات ليوم 25 اول ذكرى للثوره اللى مكملتش احنا خارجين نكمل ثورتنا محدش يضحك عليك ويقولك الثوره عشان تكمل لازم تولع وتخرب متسمعش كلامهم اللى يولع ويخرب اقبض عليه واربطه ومتخلهوش يغير نهج ثورتك السلميه ده مدسوس لتشويه صورتك كمل ثورتك بهتافك الصوت العالى بيخوفهم فيه هتافات انا كتبها وفيها هتفات متجمعه من صفحات ناشطين الحقوق غير محفوظه يعنى برحتكم مفيش اى مشكله لنشرها عندكم او طبعا ورفعها يوم 25 وكل شويه هالف وهنزل شعارات وهتفات جديده متجدده يوميا اطبع هتافك وخليه سلاحك يوم 25 يناير وخلى بالك ثورتك سلميه لا للتخريب...او حتى القاء طوبه لا لهدم اى رصيف او تحطيم اى سور لا للتعدى على اى ممتلكات للدوله او مهاجمه اى منشاه حكوميه لا لتعطيل المرور وتعطيل الطرق وقطعها لالتشويه ثورتنا ولا لحمل اى عصا او سلاح او اى شئ سلاحك هو هتافك وعنوانك هو احترامك للطريق ولمصرولثورتك انشروها واطبعوهااااااااا وادوها لغيركم ديما ارجووووكم انشرو النوت واختار هتافك واكتبو تحت فى تعليق ...؟ ========== الموضوع مش لايكات الموضوع انك تعبت النوت لغيرك وتنشره واليكم بعض الهتافات ارجوووو نشرها وطبعااااااااااااااا أنا لانا قابض ولا متموِّل ~ أنا مش لاقي يا مصر أفوِّل أنا لا يسار ولا كنت يميني ~ بس العسكر طلَّع عيني ... أنا لا أجنده ولا كنتاكي ~ حكم العسكر ليه قسّاكي ... ومش هيفيدك كاب وبيادة ~ إنتو جهنم واحنا شهادة ومش هيفيدَك غاز ورصاص ~ حكم العسكر بح خلاص أيوَه انا لابسه عباية كباسين ~ إيش عرفني انكو نِجْسين إحلق شنبك وارسم حاجبَك ~ والنسوان هتجيبلَك حقَّك أيوَه بنات نازلين نتظاهِر ~ قصَّر يابني وهات م الآخر وياما حريم عملوا مظاهرات ~ من أيام سعد يا بهوات مش ح نسلم ولا راجعين...فى التحرير عندنا بطاطين مسقعناش مسقعناش الحريه مش ببلاش و ياللي بتحبس في الثوار ~ قبلك حسني عملها وغار يا اللي بتسأل ع التمويل ~ المجلس خاين وعميل يا اللي بتسأل عايزين إيه ~ حقي وحقك عند البيه يا اللي بتسأل ع الخيام ~ جرب وسط الضرب تنام لا برادعاوي ولا إخوان ~ مصري وبايت في الميدان أيوَه بدقن ومش إرهابي ~ ليه العسكر سرقوا شبابي مش بلطجي ولا وش مشاكل ~ بس تراب رجلِك يستاهل نفسك تحكم مصر يا جيش ~ كان على عيني حكم مفيش قول لي يا مجلس مين اختارك ~ يا عصابة معينها مبارك لانتخابات ع العين والراس ~ بس نحِس ب فَرْق يا ناس يا طنطاوي قول لرويني ~ اللي اداك الكيف يديني اضرب نار اضرب حى ... يا طنطاوي دورك جى رش الماية و الألوان ...بكره نشيلك م الميدان اضرب غاز اضرب خرطوش ... قلبنا ميت م يهموش .. الله حى الله حى...يللى رايح قول للجى قوم يا شهيد اتفضل قوم...انا راح اكمل ومفيش نوم بيشوهو طب ليه ف الجيش...ونا كان املى ف لقمه عيش يادى الذل ويادى العار....بيشوهو ليه ف الثوار كمل كمل ف التحرير...لسه الثوره عاوزه كتير واخيرا لا انسب لنفسى كتابه الشعارات وحدى ولكنى كتبت معظمهم فتحيه لكل من شارك وكتب فيمكنكم ان تشاركو بتعليق وهتاف وما على الا ان اضعه باسمك هنا ف النوت واليكم شعر ثورى من كلماتى اسمو هنكمل المشوار .. الزكرى الاولى للثوره 25 يناير هنكمل المشوار وهكمل المشوار وهكون مع الثوار لو بكره طبعا جاى راح يرجع الاحرار وهيقتلونى ازاى عمرى مقول يوم جايى والفجر بكره اهو جاى ولحد باب الدار هخرج واشوف الموت مبقاش خلاص فيه سكوت وهعلى بكره الصوت وهيستخبى الفار قوم شد الف زناد هنذيد عناد ف عناد والفجر جاى لولاد مضروب عليها النار بكره الشموع هتقيد يا مصر فجرك عيد واهو بكره جى اكيد وهيكتر الثوار قوم ثور وشوف النور ليدور عليك الدور اخرج وفوق قوم ثور وبلاش تقول هختار يا مصرى اوعا تخاف مشونا خلف خلاف ومفيش خلاص انصاف والتار ملوش غير تار بيشوهو التحرير بكلام وفيه تحوير ويحددولنا مصير وبيقفلو الاسوار اصرخ وقوم م النوم ازئر وقوم روح زوم مبقاش خلاص له لزوم دى الثوره ليهم عار يا مصرى راسك فوق احدف لاخوك الطوق بكره اكيد هتروق وهيجى لينا نهار كسر ف خوفك قوم قوم فذ قوم م النوم صوتك بقاله لزوم هيهد الف جدار ونكمل المشوار هنكمل المشوار قوم كمل المشوار انشروها يرحمكم الله جايز الكلمه تصحى الناس الزكرى الاولى للثوره 25 يناير مش تنسى تختار هتافك .....وتكتبه هنا ف تعليق.....كمل ثورتك
