بقلم صالح شيحة هو مين مع مين ؟ ؟ ؟ مرشحى الرئاسة مع الشباب .. ولا مع المجلس العسكرى .. فتأييد معظم مرشحى الرئاسة للمجلس العسكرى ومدحهم له .. جعلنى أشعر أن من شروط الترشح لمنصب رئيس الجمهورية .. بند 3 : أن يكون المرشح مؤيد للمجلس العسكرى ... والحاج حسن منصور رئيس المجلس الإستشارى .. اللى أول مرة أعرف إن صوته حلو للدرجة دى .. الراجل تحب تسمعله ..لو حاسس إن السكر غالى إسمعله وأنت هيجيلك سكر ببلاش .. إسمع بيقولك إيه : إن خروج المجلس العسكرى يجب أن يكون مشرفاً .. معنى الكلام نعمل حفلة ونجيب سعد الصغير ودينا الرقاصة ونعمل حفلة حظ فى ميدان التحرير وفى أخر السهرة نقعد نعيط إن المجلس العسكرى هيمشى ويسيبنا ... وقال كمان نشكر المجلس العسكرى بس عندى إقتراح أحسن إن المفروض كل مواطن مصرى يبعت جواب شكر على اللى عاملوه معانا .. وبجد لازم نشكر المجلس العسكرى لأنه عيشنا فى نفس عيشة بابا حسنى ... المشكلة عندى بقى فى الناس ... اللى فاكرة كل الناس بتنسى ..مين اللى كان بيقول إحنا مش نازلين المظاهرات فى البداية .. ومين صاحب الفضل فى تحميس الشباب أيام الثورة وقبل الثورة .. يعنى معنى كده لما الدكتور البرادعى يقول إنه هينسحب من الترشح للرئاسة عشان البلد لسة ماشية زى ما هى ..الناس اللى فاكرة كل الناس بتنسى يقعدوا ساكتين أحسن ويخلوا نفسهم أحسن فى حضن المجلس العسكرى ...