بعد أن أقنعنى صاحب البيض ان البيض حيغلى مع بدء الدراسة قلت وماله الواحد يشترى بيض زيادة ويحطه فى التلاجة واشتريت من عنده كمية كبيرة ووضعتها فى التوكتوك الذى انطلق بى الى المنزل..ولانى واعية وذكية قلت اسيب نص البيض عند البقال اللى تحتينا احسن ينكسر منى وطلعت بالبيض زى الشاطرة وانا بفتح الاسانسير هووووب البيض وقع منى واتفشفش...طبعا كانت حوسة وبهدلة وغسل ومسح وقرف غير الريحة المعفنة للبيض اللى طلع ممشش...فعلا ما صدقتش ان الراجل باعلى شحنة بيض فاسد رغم انه معرفة ووصاية..لكن على رأى المثل مال لحمتك مشغتة؟أصل الجزار معرفة...وبعد ما انتهيت من التنضيف تذكرت نص البيض اللممشش اللى قاعد مستنينى عند البقال وقلت أطنش وأعمل عبده العبيط ورجعت أقول والبقال ماله ذنبه ايه؟؟؟ياريتنى شلتهم كلهم واتكسروا مرة واحدة وخلصنا