فصل الصورة عن البرواز بدلالة و تركيب و مجاز و محطة أحلام مرهونة بقضية تصدير الغاز و شوية أزمات معوية في كل قضية بدون إنجاز و سياسة دوران التعلب بين العشة و بين الناس حلزونة دايرة و غدارة و الشعب الغلبان محتاس عايشين فوضى مش مدروسة ياه ع الحوسة و ع الإفلاس فين الأيد اللي هتحمينا و تطلع بينا لبر أمان عالم صايعة بتنهش فينا و أطفال ضايعة ما بين غربان و هتسمع عن سيرة الثورة في كل محاورة عن الميدان كله هياخد دور في بطولة حتى الغولة هتطلع تاني و هنسمع عن فتنة جديدة بين الأخ و بين الأخواني بين الفرخة و بين البيضة و بين كتكوت مش عاجبه زماني