يا وطن ما أصغرك بتضحك أنا بضحك معك ببكي على ترابك عغربة حبابك عَ وجع سكين مزروع بكتابك وبفرح معك قد المدى وهلقد ... تَ يرنِّ الصدى وبحمل قصايد هالأرض طول وعرض نايمه قلوب الناس وتايه هالضمير وبتظل يا وطن بقلوبنا أحلى وطن وبتظل يا وطنا كبير ويا عين من قلب العتم لو تطلعي واتطلعي شوفي إذا رجع الوطن من غربتو واتطلعي بلكي ابتسم وصوره ع كتف العتمه بالضو ارتسم واتطلعي لعيون تعبت من مكاتيب الغزل ويا عين ضيعي بهالبكي تَ يطل عَ شفافي الحكي وبتظلك كبير يا وطن أكبر من حكي لِصغار وعجقة الكلمات وحروف مليانه وجع وِخبار زعترك بحكي وعن حالنا بشكي بيسكر عيون الحبايب تَ يحلموا ويخبروا الوردات عن طعم الحلم ومعنى الحلم ولما الحكي بيغيب بتصير أنت يا وطن كل الحكي