طفل بريء يحلم بتحقيق أبسط الأمانى فى حياته الصغيرة, مثله مثل باقى الأطفال يعشق اللعب مع زملائه، ولكن لم يعلم الطفل ما تخبأه له الحياة من مفاجأت تكسر له دنياه الصغيرة، وتحولها من دنيا مليئة بالفرح والسعادة إلى دنيا مليئة بالحزن المخيم عليه وعائلته البسيطة بعدما هب "ملاك الرحمة" بلا رحمة ولا أمل ليبتر يده الصغيرة. يظل الإهمال الطبى بالمستشفيات الحكومية مستمر حتى بعد مرور ثورتين على المجتمع المصرى، يلجأ المواطن إلى المستشفي معتقدا أنها طوق النجاة ولم يعلم أنهم ملوك الموت القابضين للأرواح. طفل في العاشرة من عمره يتعرض لعملية "بتر يده "كنتيجة للإهمال الشديد من وزارة الكهرباء التى تضع الكبلات الكهربائية مفتوحة داخل المدارس بدون أى مبالاة بأرواح التلاميذ الصغار, إلا أن القدر دفع الطالب حسام لالتقاط عصا بجوار كابينة الكهرباء المفتوحة بداخل سور المدرسة ليلعب بها مع زملائه، وفى لمح البصر صعق حسام بتيار كهربى شديد أدى إلى دخوله في حالة إغماء. جاء والد الطالب حسام محمد محمود بالصف الثالث الذي يعمل مدرس بقلب ملكوم ودمعته لا تجف ليروى مأساة ابنه والتى بدأت عندما علم بأن ابنه صعق بتيار كهربى شديد أدى إلى إصابته بحالة إغماء، وقال بصوت خافت "أنا جريت على مستشفى التأمين "بفيدمين البلد" بمحافظة الفيوم ولقيت ابنى مرمى على السرير بعد ما فاق، وقالولى خدو من هنا معندناش إمكانيات, روحت بحسام على القصر العينى واستقبله قسم الحروق وتم إجراء التغيرات الأولية على الحرق بوضع الشاش بس حسبى الله ونعم الوكيل فى الدكتور المشرف على الحالة سابه من يوم الخميس باليل لحد يوم الأحد عشان يبص عليه وابنى كان داخل فى حالة تسمم بالدم, وقرر إنه لازم يتعمله عملية بتر لإيدة الشمال". وتظل الحالة البائسة مسيطرة على والد التلميذ قائلا "دا ياناس قرار صعب أوى إنى أمضى إقرار على نفسى بموافقة إنهم يبترولو إيده" وطلبت بس موهلة أفكر بس الدكتور المحترم اتعامل معايا بطريقة تعالى هو عشان دكتور يعنى وبيقولوا عليهم ملاك رحمة طب آدى ملاك الرحمة قالى المستشفيات كتير أنا مش هعمل العملية دى خد ابنك وامشى من هنا". وتابع "والد الطفل ليه يعنى هو إحنا عشان غلابة ملناش حق نتعامل باحترام ونتعالج فى المستشفيات "اللى بيقولوا عليها حكومي, أنا أخدت ابنى وروحت على مستشفى الهرم والحمد لله لسة فى ناس قلوبهم رحيمة واستقبلوا ابنى فى القسم ولحقوه وعملولوا ثلاث عمليات, وأنا بشكر المندوب اللى جيه من وزارة التربية والتعليم عشان يطمن على حسام بس دا مينفيش الأهمال اللى بيحصل فى المدارس كل يوم, وبرضه بحمل المسئولية على وزارة الكهرباء وبقولهم ربنا المنتقم وهو اللى هيجبلى حق ابنى". شاهد الفيديو: