نظم العاملون بالجامعات المصرية وقفة احتجاجية أمام وزارة التعليم العالي بالقصر العيني؛ للتنديد بعد صرف مستحقاتهم المقررة من بدل الجامعات أسوة بأعضاء هيئة التدريس. شاركت في الوقفة وفود من: جامعات القاهرة وعين شمس والمنيا والفيوم وأسيوط، وبانتظار انضمام باقي الجامعات لوقفة العاملين المطالبين بالمساواة في المعاملة مع الأساتدة. ردد المتظاهرون هتافات مناهضة لوزير التعليم العالي من بينها:" يا وزير عار عار خليت الجامعة تولع نار"، و" هو قاعد في التكييف وإحنا مش لاقيين الرغيف" و"ولا زمان وبعودة ليلة أبوكوا ليلة سودا"، و" 1-2 الصحافة فين , 3-4 التركة متوزعة, 5-6 فساد في كل حتة, 7-8 عايزين حكومة تانية "، " مصر يا تكية سرقوكي شوية حرامية". كما رددوا هتافات ضد حكومة قنديل منها:" عايزين حكومة جديدة العيشة عالحديدة", و"عايزين حكومة حرة العيشة بقت مرة". وعن إجراءات التصعيد، أكد أحد العاملين على أن كل الخيارات متاحة حتى لو وصل الأمر لإيقاف العمل في الجامعات المصرية بشكل كلي مع اعترافه بعدم قانونية هذا الإجراء, قائلا:" ما فعلوه فينا أيضًا كان غير قانوني".