ضم الفنان أحمد فلوكس، صوته إلى صوت المطربة الشابة دينا حسين، والتي ظهرت منذ أيام في مقطع فيديو تهاجم خلاله الوسط الفني وفنانات مصر . اقرأ أيضاً .. "إحنا سمعتنا وحشة من فراغ"| مطربة شابة تسيء لسمعة فنانات مصر (فيديو) وكتب أحمد فلوكس، عبر حسابه الرسمي على موقع "فيسبوك":" طيب انا مكنتش حابب اتكلم نهائي عن اي حااجه تخص الشغلانه دي بس ماقدرش اشوف افتراء قصاد عيني و اسكت ". وأضاف:" طيب بما اني كنت في المهنه دي 20 سنه انا اللي هارد، اه المهنه دي و كل ما له علاقه بالفن كده و بيطلعوا hzbdbdbb امنا علشان ننجح الاقليل جدا منهم، حتي الراجل لو ماشلش الشنطه و باس الايادي و طبعا مش محتاج اقولك الباقي مش هايبقي ". وتابع أحمد فلوكس:" ايوه البنت دي بتتكلم اللي شافتوا و في غيرها كتير حصلهم كده و اعرف ناس منهم اتعقدوا و راحو اشتغلوا في دهب و قله اللي حالفهم الحظ ". وتابع:" اه بيحصل اكتر من كده وانت عارف و بتعافر بقالك سنين و بتزق مواهب كتير بنفسك وبتشوف بعينك ومن المواهب ده كانت انا سواء علي اول مسرح وقفت عليه بسببك او لما عملنا الطيار وحامتني من اللي كانو عاوزين يفشلوني ". وقال ايضاً:" لاموخذه عموما بقي موضوع البنت دي بقي موضوعي الشخصي و اي حد يعرفها خلوها تتواصل معايا لو سمحتم و استاذنك يا دكتور زي البنت دي ما شافت جزء سواد في بدايه حياتها و مقبلتش حضرتك اسمحلي اني اجيبها و تتبناها زي ما تبنيت ناس كتير اولهم انا علشان نظهر للعاام اولا ". وأضاف:" وثانياً الجزيره بيصتادوا في الميه العكره و رغم اني مركز في شاركاتي فقط و بعيد عن الفن لكن لعيونك استاذن نوريهم مين الفنانين الحقيقين، و ده تحدي بيني و بين كل السوق و كل ما لهو علاقه و وعد مني لو مكنش اللي جاي زمن المحترمين مكنتش راجل ". واختتم أحمد فلوكس حديثه، قائلاً:" اما د اشرف فا ما فعلتوا لي و لاجيالي كان كثيرا و آن اللآوان ان تحارب لرسم طريق نظيف لاجيال اخري فانصيحه ليك طول عمرك بتطلع اجيال ومش بس بتطلع انت كنت صاحب فضل كبير في وجودي سواء لما وقفت قدام علي المسرح او في الحروب، لا تيأس وانا معاك ". مطربة شابة تهاجم الفن والفنانات وتداول عدد من مستخدمي مواقع التواصل الاجتماعي مقطع فيديو لمطربة شابة تُدعى دينا حسين، تهاجم خلاله فنانات مصريات. قالت دينا حسين، خلال الفيديو المتداول: "يعني أنا مش عارفة هل أنا صوتي وحش، شكلي وحش، فيا عيب، فيا حاجة؟ معتقدش، كل ما أروح شركة إنتاج يقولي الله يا فنانة صوتك جميل، خلاص هنبتدي شغل ويبص في حتة تانية خالص". مطربة شابة تفتح النار على الوسط الفني: تابعت: "يبص لشكلي أو لجسمي، أو يتجوزني عرفي، هو أنا لازم أعمل حاجة غلط، ولازم أقدم تنازلات، أنا طلع عيني لحد ما وصلت للي أنا فيه". وأضافت دينا: "أنا مقولتش إني مش بقوم من على السجادة، أنا بسهر وليا صحابي أولاد أكتر من البنات، بلبس قصير ومفتوح وكل حاجة، بس أنا مش عايزة أعمل حاجة غلط". وتابعت "حسين": "شغل في الشارع واشتغلت، دراسة ودرست، في الأوبرا واشتغلت، عملت كل حاجة تأهل الفنان للنجاح، تعبت على نفسي، خدتها من تحت، ما عنديش مشكلة أتعب، بس عايزة أوصل وأنجح، أوصل باحترامي وكياني وبصوتي ومش لازم أعمل حاجة غلط". واستكملت دينا حسين: "هو احنا سمعتنا وحشة من فراغ، مش شرط الغنا بس، أي نوع من أنواع الفن عليه سبوت، لو الفن دا يا جماعة بالمنظر ده، إني لازم أصاحب المنتج، أحسن لي إني أقعد بكرامتي". واختتمت دينا حسين حديثها خلال مقطع الفيديو المتداول، قائلة: "لو صوتي وحش قولولي اقعدي في بيتك وما تشتغليش، أنا تعبت ومش عارفة أعمل ايه". اتحاد النقابات الفنية يستنكر تصريحات الإساءة لفنانات مصر: وبناءً على المقطع المتداول للمطربة الشابة دينا حسين، أصدر اتحاد النقابات الفنية قرارًا بمحاسبة كل من يسيء للفن والفنانات قضائيًا والتصدي لكل من يسعى للتشهير بسمعة فنانات مصر وعبقرياتها التي فازت بالنصيب الأكبر من الألقاب المشرفة عبر تاريخ الفنون الحديثة، مثل كوكب الشرق، وسيدة الشاشة العربية، وسيدة المسرح العربي، وهذا على سبيل المثال لا الحصر". من هي دينا حسين صاحبة فيديو التشهير بفنانات مصر؟ دينا حسين، التي اشتهرت باسم "دينا المصري"، من مواليد محافظة الإسكندرية عام 1992، قدمت قبل 3 أعوام تقريبًا فيديو كليب بعنوان "جرح زي ألف". لمزيد من أخبار الفن اضغط هنا