وجه الفنان محمد محمود عبدالعزيز، رسالة شكر لأصدقائه وأقاربه، الذين شاركوه الاحتفال بخطبته في يوم عيد ميلاده، مساء أمس الأربعاء. اقرأ ايضاً .. محمد محمود عبدالعزيز في حفل زفاف ياسر الحريري وكتب "محمد" عبر حسابه الرسمي على موقع تبادل الصور والفيديوهات "إنستجرام": "مش عارف أقول إيه والله بجد فرحتونى جدا جدا بوجودكم معايا وحواليا، يا رب دايماً متجمعين على الخير كله ان شاءالله". وأضاف:" مش عارف اشكركم ازاى او اقول ايه لكل واحد فيكم قطع اجازته او جالى من مكان بعيد او سهر معايا و هو عنده شغل تانى يوم الصبح بدرى ". وتابع:" شكرا شكرا شكرا من كل قلبى والله العظيم، ربنا يخليكوا ليا و مش قادر ماشكرش ساره صاحبة الفكره و التجميعه الحلوه اوي دى اللي بجد عرفت تفرحنى بوجودها فى حياتى و جودكم معايا، شكرا شكرا شكرا شكرا (اسألكم الفاتحه و الدعاء لابويا و لكل من رحلوا عنا)". وكان قد نشر الفنان محمد محمود عبد العزيز، مقطع فيديو من حفل عيد ميلاده الذي فاجئ فيه خطيبته أمس، عبر حسابه الرسمي بموقع "إنستجرام". وفي أول تعليق لمحمد، قال :" خطيبتي عملتلي مفاجأة عشان عيد ميلادي وبرغم إننا متفقين من أول يوم إننا مش هانفاجئ بعض بأي حاجه بس هي كانت عايزه تفرحني بأي طريقه وجمعتلي أصحابي وحبايبي اللي بجد عايز أشكرهم جدا واحد واحد و واحدة واحدة، بجد مش عارف اقولكم، ولا أشرحلكم وجودكم فرحني إزاي و والله ما كنت عايزكم تروحوا". وأضاف:" المهم بقا إن أنا من يومين حسيت إحساس ٌقرب إلى اليقين إنها بتحضر لحاجه وقررت جوايا إن لو طلع إحساسي صح أنا كمان لازم أعملها مفاجئة، وفي نفس اليوم، وده كان ردي على المفاجأة". View this post on Instagram A post shared by محمد محمود عبدالعزيز (@mohamedmahmoudabdelaziz_) ومن ناحية أخرى، شارك محمد محمود عبد العزيز في مسلسل "الاختيار2"، رمضان الماضي، وهو من تأليف هاني سرحان، إخراج بيتر ميمي، إنتاج سينرجي، ويشارك في بطولته كريم عبد العزيز، أحمد مكي، إياد نصار، إنجي المقدم، بشرى، أسماء أبو اليزيد، أحمد سعيد عبد الغني، هادي الجيار، سامح الصريطي، أحمد حلاوة وعدد من النجوم وضيوف الشرف.