سبق الفيس بوك مؤسسة الرئاسة بإعلان حالة الحداد على أرواح شهداء مصر من الجنود في معبر رفح.. وخيمت حالة من الحزن والألم على أعضاء الفيس بوك خاصة وأنه تم الغدر بالجنود وقت تناولهم الإفطار، وكان ما جعلهم يشعرون بمزيد من الأسى والغضب هو تجاهل التليفزيون المصري إعلان الحداد على الشهداء والاستمرار في عرض المسلسلات والبرامج الترفيهية وكأن شيئا لم يكن، هذا بالإضافة إلى تأخر الرئاسة لأكثر من 16 ساعة لكي تعلن حالة الحداد!. وتناقل أعضاء الموقع قائمة بأسماء الشهداء، والدعاء لهم بالرحمة، وصور وبرفايل أسود كتصرف معتاد في الأحداث المؤلمة.. مين اللى عملها؟ وجاءت ردود الأفعال على الفيس بوك كالتالي: الله يرحمك يا بطل كنت تحرسنا واغتالتك يد الغدر لن يضيع دمك أنت وزملائك الأبطال هدرا هنيئا لكم الشهادة وربنا يصبرنا جميعا يا رب. الله يرحمك يا شهيد .... مطلوب رؤوس القتلة تعلق في ميدا ن التحرير. التلفزيون المصري أعلن الحداد عندما تُوفّي حفيد مبارك .. واليوم أنتم تعرضون المسلسلات والأفلام على قنوات التلفزيون كأنه لم يمت أحد من جنودنا في سيناء. وأخيرا التليفزيون المصري أعلن الحداد ياترى مين هيذيع المسلسلات والبرامج التافهة التى لا تسمن ولا تغنى من جوع ، للأسف الإعلام المصري كان ولا يزال نقطه سوداء فى حياتنا بنشره للأكاذيب والشائعات وعدم إحساسه بنبض الشعب واستخفافه بعقولنا لما فنان يموت يفضلوا يجيبوا ف أعماله وفنانين يتكلموا عنه ولما خير جنود الأرض يستشهدوا غدرا وبتقصير يسود الصمت وكأن شيئا لم يكن فعلا هي دى مصر الثورة. أراهنكوا لو حسنى مبارك ماااات التليفزيون المصري هيعلن الحداد في لحظتها. الحمد لله كدا ضميرنا ارتاح شجبنا وادانا وانهارده غيرنا بروفايلاتنا باقي لجنه تقصي حقائق ونبقى عملنا اللي علينا وزياده. فليحذر العدو الصهيوني فنحن أمة إذا غضبت تغير صورة البروفايل. طبعاً فى إنتظار أوبريت للفنانين المصريين وهما من غير مكياج على موضوع رفح واللى حصل فيه حصل ما حصل على الحدود المصرية .. أستشهد 15 عين ساهر على حماية الوطن، لا نعرف من الفاعل و ما السبب و قد لا نعرف أسماء الشهداء، و لكن منا من سيغير صورته إللى حداد ، و منا من سيكتب قصيده أو يسب جه معينه و منا من سوف يلبس الأسود ، و ينزل الشارع رافعاً لا فتات فيها العزاء !! و لكن ما حقأ علينا فعله هو القصاص ، مهما كانت العواقب ، لن نقبل بعزاء الشهداء قبل القصاص من كل مقصر و فاعل . إحنا الشعب الوحيد اللى لما القروش أكلت السياح على شواطئ شرم الشيخ من سنتين قلنا إسرائيل هي اللى مدبره الموضوع ده!..ولما نتقتل على الحدود، نقول مين اللى عملها! دا لو إسرائيل كان إتعور من عندها جندي واحد بس كانت ساويتنا بالأرض في ساعتها لا حول ولا قوة إلا بالله يارب تجيب حقهم يارب. ردا علي مسلسل ناجي عطا الله إسرائيل تقوم بخطف مدرعة وقصفها بالطيران وبداخلها جنود مختطفون وتصويرها مشتعلة. مش عاوز اغير صورة البروفايل - ومش عاوز اسمع تصريحات نارية من رئيس الوزراء ومش عاوز كلام حاد وتهديد من رئيس الجمهورية - مش عاوز حداد ولا جنازات ولا عزاء - كل اللي عاوزه إني اسمع وأشوف رد قوي بقتل كل من تورط والقبض علي كل من اشتبه فيه. إسرائيل بتغطي معارك سيناء ولا كأنها بتحصل في أرضها، تصريحات رسيمة، صور رسمية، متحدثين رسميين..مصر فين طيب!. اكتب شعرا بخلاف التعليقات كان من الملاحظ مساهمة البعض ببعض القصائد التي تتفاعل مع الحدث، وكانت هذه أكثر القصائد أنتشارا على الفيس بوك: ايه ذنبى اكون حاميكى واخرى تكون رصاصه.. عدو جبان وغدرهم ميتوصفش باى كلام.. خدعوا العساكر وقتلوهم وقت الصيام.. واحنا واقفين نتفرج يا سلام يا سلام.. على دم عسكرى كل ذنبه كان لينا حراسه.. ايه ذنبى اكون حاميكى واخرى تكون رصاصه..
أسف يا دفعه ضاعت من بلدنا العزه غابت عن عنينا الرفعه اسف مش بس ليك اسف لاهلك وبيتك وكل الى عاشوا حوليك اسف يا دفعه
قتلونى وبقيت شهيد............. كنت راجعلك ع العيد سال دمى على حدودك...............وبكره يسيل دم جديد سألت ليه تقتلونى ..................قالو سوالك منه يفيد قالو نبغى نخرب مصر................والعنف فيها مره يزيد مستنيانى يما ............................ابنك بقا شهيد دمى يما رخيص........................احنا ف زمن العبيد دمى عشانك يهون....................دمى والوريد ونا مش ناجى عطا الله...............انا ابنك الوحيد هدافع عنك بكره........................هكون قوى وعنيد على حدودك وصاحى...............بحميكى م الكلاب عينيا مش بتنام ....................لو داقت العذاب فى العيد مش معاكم.............وداعا ياشباب فى الجنه مستنيكو ..............خافو يوم الحساب
