انتقد الإعلامي مصطفى بكرى، عضو مجلس النواب قرار وزير النقل بزيادة سعر تذكرة مترو الأنفاق ل2 جنيه بدء من غدًا الجمعة، مؤكدًا أن الحكومة أقرت الزيادة رغم رفض النواب لها، متسائلًا: "فكيف يتم تطبيقه؟". وقال "بكرى" خلال برنامجه "حقائق وأسرار" على قناة "صدى البلد" إن الوقت الحالي لا يسمح برفع سعر تذكرة المترو على الإطلاق، نظرًا للظروف الاجتماعية الصعبة التي يعاني منها المواطن، مضيفًا: "ذوي الاحتياجات مكنوش بيدفعوا، هندفعهم ليه دلوقتى؟ وليه أفرض زيادات على الناس التعبانة جدًا، واللى مش حاسس بكده يبقى مبيشوفش". وتابع "بكري" موجهًا حديثه للحكومة: "الناس مش لاقيه وبتكمل عشاها بكاء، والناس بالكاد بتلاقي لقمة عيش حتى تاكلها حاف، فمنجيش نفرض عليهم إجراء زي ده، استنوا شوية على الناس، الناس مش لاقيه تتنفس". واستطرد: "الناس ملت وضجت ومستحملة علشان عندها ثقة فى كلام الرئيس عبد الفتاح السيسى، يعني الرئيس قالهم استنوا 6 أشهر والدنيا هتتحسن، قوم لما يستنوا يلاقوا القرار ده". شاهد الفيديو: