تداول نشطاء موقع التواصل الاجتماعي " فيس بوك " صور الرئيس المخلوع مبارك ونجليه علاء وجمال، ووزير الداخلية الأسبق حبيب العادلي أثناء نقلهم للمحاكمة أمس . حيث ظهر المخلوع وهو يرتدي نظارة شمس بينما العادلي يظهر وهو يفتح غرفة، وجمال ينزل من سيارة الترحيلات وكأنه فى طريقه الي الجامعة أو النادي ليمارس رياضته المفضلة وهى الجولف أو التنس على حد وصف النشطاء . ومن صفحات الفيس بوك نرصد بعض التعليقات الساخرة علي صورة الرئيس المخلوع فتقول مشاركة من شخص يدعي نجم :""عشان الشمس بردوا عامل نيولووك "، وأخري من شخص يدعي أحمد سامي، تقول: " علي فكرة إنتوا ظالمينه ده حتى شعره أبيض أهو ومتبهدل مش لاقى الصبغة اللى بيصبغ بيها كل مرة "، بينما قالت أخرى:" الصورة ناقصها شيشة"، وتقول أخرى من شخص يدعي أمنية سليمان: " " مصر الراعي الرسمي لرؤساء العمر الطويل ". بينما جاءت التعليقات علي صورة العادلي كالتالى، تقول إحداها: " هو رايح محاكمة ولا رايح يلعب تنس، ايه الرشاقة دي كلها"، وتقول أخرى من شخص يدعي أميرة غنيم : " محدش ماسكه ليه بوكيه ورد بالمرة "، وقال شخص يدعى أحمد السيد ساخرا: " مستر ايجيبت بنفسه! ، بينما وصفت اخرى استطالة المحاكمات بمسرحيات الزعيم عادل إمام، قائلة: " دي زي مسرحيات الزعيم عادل إمام مش سنة بس لا دي سنين ". ولم يفلت جمال مبارك من التعليقات الساخرة فور نزوله من سيارة الترحيلات، حيث علقت صفحة " بورتو طرة من أجلك أنت، قائلة: "لحظة دخول جيمي الي محاضرته في الجامعة"، وتقول مشاركة من شخص يدعى فلة عبد الرحمن:" هو كان راكب جنب السواق و لا إييه؟ مش اللى مسجون برضه و بيركب عربيه الترحيلات بيركب ورا في قفص العربيه! و لا احنا ف زمن العجايب"، وتقول مشاركة أخرى لأم مريم مصطفي:" والترنج ده صيدناوي ولا التوحيد والنور كله من فلوسنا ياكلب"، أما محمد سيد فكانت مشاركته تتسم بشيء من السخرية الغنائية اللاذعة، يقول:" تملي الصبح بدري ... عالسجن بطلع أجري ... أجمل هوا يدخل صدري ... و الثوار لسة نايمين .. نايمين .. تنين"، وتقول مروة محمد:" برنس و النعمة .. لأ و اللى يغيظك إنه ماسك مصحف فى إيديه، شوف التقوى، أنا نفسى بس أقوله حاجة و اسأله سؤال، هو ربنا بيضحك عليه، يعنى أنت لما تقرأ قرآن و تستغفر ربنا يبقى كده خلاص سامحك، حد يقوله إن الإسلام دين رد مظالم، يعنى لازم ترد كل جنيه سرقته من الشعب، و بعدين تقعد تستغفر على مهلك"، http://www.facebook.com/photo.php?fbid=253552738049997&set=a.139055169499755.30169.139051442833461&type=1&ref=nf