في مصر انتشرت مؤخرًا عملة تجارة الأعضاء وبشكل فج؛ فتكونت مافيا تجارة الأعضاء ومعها ازدادت حالات الخطف؛ ولكن الطامة الكبرى هي عندما تسمع أن مافيا الأعضاء هم داخل المستشفيات الحكومية؛ فهناك ربما تخضع أنت لعملية جراحية معينة وبعد أن تنتهي منها سرعان ما تكتشف أن بعض أعضائك قد سرقت؛ هذا ما حدث للمواطنه "فايزة أحمد هواري" بالغة من العمر "41" عامًا؛ حيث خضعت لعملية ولادة منذ عامين بمستشفى القصر العيني؛ والتي بسببها خضعت لأكثر من 8 عمليات على حد قولها. وقالت "فايزة" ل"الشعب الجديد": أنا كنت حامل في شهر الثامن؛ وفي تاريخ 16 أغسطس 2014؛ وروحت أعمل إشاعة ثلاثية الأبعاد في مستشفى القصر العيني القديم؛ تفاجأت بدخول 4 أطباء بينهم واحد مش مصري شكله يباني أو صيني؛ فاجأة تم حجزي وقالوا لي أني على وشك الولادة؛ قلت لهم: أنا جاية أعمل إشاعة وميعاد ولادتي مش دلوقتي؛ قالولي إنتي مش هتفهمينا شغلنا. وأضافت "فايزة": قعدوني في العنبر 9 أيام؛ وفي يوم 25 أغسطس2014؛ الساعة 3 الفجر قالولي أني هولد دلوقتي، وبلغوني إني جبت بنت وهي في الحضانة وزوجي بص عليها شاف في إيدها الأيمن علامة؛ وفي الساعة 11 ليلًا قالولي إن بنتي ماتت اتصلت على زوجي وجه وهو بستلم البنت قالهم دي مش بنتي بنتي في علامة في ايدها الأيمن أنا شايفها الصبح قالوا هي دي بنتك؛ على حد قولها . وتابعت "فايزة" خرجوني من المستشفى وبعدها بيومين لقيت بطني منفوخة بشكل غريب جدًا ودرجة حرارتي مرتفعة جدًا؛ روحت مستشفى "الهرم" قالوا لي لازم أعمل استكشاف في "القصر العيني" لأن في خطأ في الولادة وخيطوا على الأمعاء؛ رجعت القصر يوم 27 عملت عملية؛ و 29 عملولي عملية تانية ويوم 1 سبتمبر عملية ثالثة وروحت البيت ورجعت بعد يومين عملت عملتين تانين ومقالوليش السبب لكل العمليات دي ايه!!. وأستطردت "فايزة" بعد خروجي من القصر العيني مفيش دكتور قبل أنه يغيرلي على الجرح وقالولي اللي حصلك دا مصيبة، ولجأت للقصر العيني تاني لأن بطني لقتها اتنفخت تاني قعدوني أسبوع وركبولي جهاز شفاط في اليوم ب 100 جنيه لأني رفضت أدخل أعمل عملية تاني وبعد كدا روحت فتعبت تاني روحت لدكتور في الهرم طلب مني أشعة عملتها واكتشفت المصيبة الدكتور قالي إن القاولون اتشال منه 9سم والكبد متضخم والرحم متضخم المبيض الشمال دمر والكلى الشمال مش شغاله؛ ولقيت الدكتور قالي دول شايلين جزء من الكبد وحطوه لحد تاني لأن الكبد ملوش دعوة بالولادة من الأساس؛ وتم استئصال جزء من الأمعاء . وأردفت "فايزة" بنبرة ممزوجة بالحزن؛ رجعت القصر العيني واكتشفت إن بنتي عايشة؛ لأن جوزي راح للدكتوره اللي عملتلي العملية قالتله دا إسمي لكن مش أنا اللي عملت العملية قالها إزاي مش إنتي دكتورة "شيماء مصطفى" قالتله أه بس مش أنا اللي عملتلها العملية أصلا؛ فما كان من زوجي إلا أنه راح عمل محضر في القسم واحنا في القسم الضابط قال لزوجي هات الملف بتاع زوجتك من المستشفى وإسم الدكتورة ومن هنا اكتشفنا إن بنتي لسة عايشة لأن مش متسجل في الملف بتاعي إن بنتي ماتت مكتوب (أنثى حية) سأل بعض الدكاتره في المستشفى قالوا له لو بنتك ماتت لازم يتكتبك في الملف بتاع زوجتم إنها ماتت؛ على حد قولها. وأكدت "فايزة أن عديد من الإعلاميين رفضوا التسجيل معها وبعضهم أكد أن موضوعها به شيء غريب وأن هناك شخص مهم يدخل في أمرها ومنهم "وائل الإبراشي" الذي جاء المُعد الخاص به واستمع إليَّ وأخذ كل المستندات وفي اليوم التالي إتصلت عليه فأخبرني أن موضوعي به شيء غريب وإن موضوع ابنتك حقيقي وأنه لن يستطيع التسجيل معي؛ على حد تعبيرها.
