عمل شاب بإحدى شركات العصائر الكبرى إلا أنه لاحظ عفن الفاكهة التى تستخدم في العصائر، فقرر ترك العمل وفضح ما يجري على صفحته في "الفيسبوك" إلا أنه لاقى تهديدات فور نشره الصور هو وأهله، وبعد يوم واحد حذف كل الصور وتأسف وقال "أنا مش مُناضل وماحدش هَيحميني أنا وأهلي واحنا بنسبي للناس دي ولا حاجة" . الشاب اسمه مُعاذ عماد عمل بمصنع عصائر شهير وقبل تهديده - وكتب بالنص في البوست اللي حَذفه "تعرف إن كل الجوافة زي الزفت أصلا ولو شفتها تستحرم ترميها لشوية فراخ من ريحتها النتنة، تعرف إنهم لما بيكبوا الأقفاص على السير بتنزل بورق الجوافة وورق الجرانين فى المعصرة". وطبعا ما فيش أي إجراء قانوني ضد الشركة أو الشركات اللي بتعمل مُنتجات غير صالحة للاستخدام الآدمي، وأحب أطمنك وأقولك مش هيبقي في إجراء أصلا، لأنهم "عصابة حَاكمة البلد". مكاسب رجال الأعمال أهم من صحة الشعب الشركات دي مملوكة لرجال أعمال مصالحهم مع النظام والمسؤولين أكبر بكتير من صحة الشعب، أكبر بكتير من مَلايين المرضي بالفشل الكلوي وأمراض تانية كتير، مصالحهم والبزنس بتاعهم أكبر بكتير من شويه أطفال وشباب بيشربوا وياكلوا مُنتجاتهم ويجلهم أمراض، وهما بصراحه عاملين برضه حسابهم.. المنتجات دي مش هتجبلك أمراض في وقتها وإنما مع الوقت بيظهر ضررارها عليك.. لكن زي ما قولتلك أنت مش مهم، المهم فلوسهم تفضل شغاله، وثرواتهم تزيد . - خَليك فاهم إن مهما كان سعر العصير اللي بتشربه سواء ب4 أو 5 جنيه أو حتى بتشربه في مكان نضيف مطعم أو كافيه وبتدفع فيه 40 أو 50 جنيه برضة معمول بفاكهة مَضروبة وغير صالحة للاستخدام، ومالهاش علاقة باللي أنت بتاكلها في البيت . - رجل الأعمال مش بينزل ينقي الفاكهة ومهتم بيك زي الحاجه والدتك، ولا حتى يهمه صحتك هو يهمه المكسب بس، الفاكهة بتجيلة في كونتنرات أغلبها بَيظه ومَضروبة وبيضاف عليها مكسبات طعم ومواد حافظة، يعني مش مجرد بتفقد قيمتها الغذائية لا بتكون مُضره . الفاكهة تتحول لمواد كيميائية - لو حضرتك بتلعب رياضة وبعد التمرين بتقوم جايب علبة عصير وشاربها ومتخيل انك كده بتفيد نفسك، أسف أني أقولك انت كده أهبل، انت بتضر نفسك وبترمي فلوسك في الأرض . - مبدئيا الخُضار أو الفاكهة عموما بتفقد جزيء كبير من فايدتها لو تم تقطيعا فما بالك بكل الفيلم اللي حاكتلك عليه، وإن الفاكهة اتحولت لمواد كيميائية طعمها حلو وبتدي نفس طعم الفاكهة اللي حضرتك بتاكها في البيت.. ولمعلوماتك برضه اللي بيقولك فاكهة وعصير Pure ده كداب، أو فيها " قطع فكهة طبيعية".. ده مش أكتر من انه باي Markting المنتج بتاعه .. ابقي صَفي المنتج وشوف قطع الفاكهة عاملة ازاي . حافظ على صحتك وقاطع المعلبات حافظ علة صحة نفسك وأخوك الصغير وابنك قبل ما أقولك ماتبقاش غبي وتنفع شويه حرمية مش بيسروقوك بس لا كمان بيضروك، ومعتمدين علي الإعلانات وجهل فئات كبيرة من المجتمع . - مش بقولك ماتشربش عصير.. لكن معلش اتعب نفسك واعمله في البيت، هيبقي أفيد وطعمه طبيعي ونضيف .. وبلاش تضر نفسك وتدعم شوية حرمية.. الملايين اللي بيجلهم فشل كلوي بسبب التلوث.. والتهاب كبدي وأمراض تانيه كتير في مصر بيكون أسبابها التلوث ده وغيره.