القاهرة - «أشعر بالفساد فى كل مكان وبقيت أتنفسه ومش حاسس بمقاومة من جانب الحكومة. كل يوم الصبح أحس بالغربة، وإن البلد مش بلدى. ليه المواطن يشعر أن كرامته بره أو جوه مش موجودة، وهل بكيت سيادتك عند غرق العبارة والجنود اللى بيموتوا على الحدود». جملة قالها الطالب عبد الله احمد بظاظو في مواجهة الدكتور احمد نظيف رئيس مجلس الوزراء المصري , وفور انتهاء الطالب من كلمته دوت قاعة المسرح بالتصفيق لمدة تزيد على 5 دقائق. كان هذا واحدا من سلسلة المواجهات الساخنة التى دارت بين طلاب الجامعات ورئيس الوزراء فى معسكر إعداد القادة فى بورسعيد مساء أمس الأول، وكانت معظم الأسئلة حول الفساد وبيع القطاع العام وتصدير الغاز للكيان الصهيوني والعلاقة مع أمريكا وإيران وإثيوبيا والغلاء والبطالة.
وصل عدد الأسئلة إلى 19 بعدد الجامعات المشاركة. واستهل رئيس الوزراء الردود باعترافه بأن الأسئلة كلها فى الصميم، وقال: هى الحكومة المصرية تبقى مين؟ اللى مالوش قريب فى الحكومة يرفع ايده؟ لو الحكومة فاسدة نبقى كلنا فاسدين.. نحن نبذل جهودا غير عادية لمقاومة الفساد، وفسادنا من نوع مختلف، الفساد اللى عندنا والحمد لله منتشر فى حتت صغيرة.
ووجه نظيف كلامه للطالب عبد الله بظاظو قائلاً: لا يا حبيبى مصر دى كبيرة قوى وإحنا ما بعناش بلدنا إحنا بنينا بلدنا، عايز ادعو زميلنا ده يزور القرية الذكية علشان يعرف مصر، مصر العاشر من رمضان وآلاف الأفدنة التى تصدر البطاطس لأوروبا، مصر زويل ونجيب محفوظ والبرادعى والسادات وجمال عبد الناصر وحسنى مبارك.
