هاجم الإعلامي عمرو أديب الشعب المصري والمسئولين المصريين، عقب حادث قطار أسيوط، الذي أسفر عن وفاة 50 طفلاً، قائلاً: إحنا شعب فاشل.. لازم نبقى مكسوفين من نفسنا.. الرئيس مرسي فاشل.. ورئيس الوزراء هشام قنديل بردوا فاشل.. مش بيعرفوا يعملوا حاجة.. البلد محتاجة حد يعرف يواجه.وأضاف أديب، أنه هاجم رئيس الوزراء الدكتور هشام قنديل، عقب حادث القطار الماضي، ولكن بعض الفشلة اتهموني بكرهي لجماعة الإخوان المسلمين، قائلاً: البلد كبير عليكم سيبوه وأمشوا أنتم مش قد مصر.. أنتم نظام فاشل.. البلد كبير عليك يا سيادة الرئيس.. وكل حاجة تقول النظام السابق.. وهنفضل نقول كده لحد أمتى.وانتقد أديب وزير الإعلام قائلاً: يا رئيس أنت عندك وزير إعلام متكلمش عن الحادث غير بعدها ب7 ساعات.. انت زيك زي أنس الفقي وأقفل القناة زي دريم.. ريحوا نفسكم وضميركم وأقعدوا اتفرجوا على ماتش الأهلي واحتفلوا.. عمر البلد دي ما هتتصلح.وهاجم أديب المسئولين وما قيل عن صرفهم مبلغ 5 آلاف جنيه كتعويض للطفل المتوفي قائلاً: الطفل عندنا ثمنه أرخص من الموبايل.. 5 آلاف جنيه ياااااه، انت ليه متمسك برئيس الوزراء لازم يعني يكون بدقن.. انت مستقصدنا.. اتحرك يا أخي.وقال في برنامجه القاهرة اليوم على قناة اليوم تعليقاً على صور الحادث: الدم على وجه القطار.. ده ميحصلش في أي حته في العالم إلا في مصر.. فين بتاع المزلقان.. انت ليه مهدتش عند المزلقان يا سواق الأتوبيس.. ليه ماختش بالك يا قطار.اضغط لمشاهدة الفيديو
