فلان: يا أخي أنا مستغرب جداً؟ علان: من ايه! فلان: برنامج تليفزيوني عمل لقاءات في الشارع وشفت العجب.. الناس الغلابة البسيطة.. كانوا بيتكلموا عن مستقبل مصر بكل ثقة وعندهم تفاؤل غريب مش عارف جابوه منين؟ علان: من ثقتهم في اللي خلقهم.. المولي سبحانه وتعالي برحمته وعدله. فلان: والناس الأغنياء مرعوبين وخايفين ليه؟ علان: لأن ثقتهم كلها في "البورصة"! فلان: كده انت بتظلمهم! علان: وليه ماتقولش هما بيظلمو نفسهم فلان: سيبك من دول ومن دول وخلينا في مصر! علان: مصر بإذن واحد أحد.. منورة بأهلها ومحروسة بقلوبهم العمرانة بالإيمان. فلان: حلو قوي الحب.. بس الأحلي لما نخلي المحبة "شغل" قبل السلك ما يضرب ونمد ايدنا شمال ويمين!! ابن البلد